မြန်မာနိုင်ငံသည် ရိုဟင်ဂျာဟု ကိုယ့်ကိုယ်ကိုယ်ခေါ်ဆိုကြသူ ရခိုင်ပြည်နယ် မြောက်ပိုင်းနေ မွတ်ဆလင်များအပေါ် ကျူးလွန်သည်ဟူသော စွပ်စွဲချက်များ အတွက် အပြည့်အ၀ စုံစမ်းစစ်ဆေးရန် နိုင်ငံတကာ ရာဇဝတ်တရားရုံး (ICC) က ကြာသပတေးနေ့တွင် အတည်ပြုခဲ့သည်။

ထို လူနည်းစု မွတ်စလင်များကို မြန်မာနိုင်ငံက ၂၀၁၇ ခုနှစ် သွေးထွက်သံယိုများသော စစ်ရေးဖြိုခွင်းမှု အတွက် လူသားမျိုးနွယ်အပေါ် ကျူးလွန်သော ရာဇဝတ်မှုစွပ်စွဲချက်များကို စုံစမ်းစစ်ဆေးရန်နှင့် အရေးယူရန် တောင်းဆိုမှုကို တရားသူကြီးများက ထောက်ခံခဲ့သည်။

နိုင်ငံတော်အတိုင်ပင်ခံ ဒေါ်အောင်ဆန်းစုကြည်ကို အာဂျင်တီးနားက တရားစွဲဆိုမှုတွင် အမည်ဖော်ပြပြီး တပတ်အကြာတွင် ICC က အထက်ပါအတိုင်း ဆုံးဖြတ်ခဲ့ခြင်းဖြစ်ပြီး မြန်မာနိုင်ငံသည် ကုလသမဂ္ဂ၏ ထိပ်တန်းတရားရုံး ICJ တွင်လည်း လူမျိုးတုန်းသတ်ဖြတ်မှုအတွက် သီးခြားရင်ဆိုင်ရသည်။

ထိုသို့  မြန်မာနိုင်ငံအပေါ် နိုင်ငံတကာ၏ ဖိအားပေး စွပ်စွဲ ဆောင်ရွက်လာမှုများသည် သမာသမတ် မရှိတော့သလို ဘက် ၂ ဘက် အမြင်ကိုလည်း ထည့်သွင်းစဉ်းစားမှု မရှိတော့သည်ကို တွေ့ရကြောင်း တပ်မတော် ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းက ဧရာဝတီသို့  ပြောသည်။

စွပ်စွဲထားသော ရာဇဝတ်မှုများအတွက် မြန်မာနှင့်ပတ်သက်သော ICC ၏ စီရင်ခွင့်အတွင်း စုံစမ်းစစ်ဆေးမှု ဆက်လက်လုပ်ကိုင်ရန် တရားလို ရှေ့နေများကို ICC က ခွင့်ပြုခဲ့သည်။

ထိုစွပ်စွဲချက်များတွင် စနစ်တကျ အကြမ်းဖက်မှုကျူးလွန်ခြင်း၊ လူသားမျိုးနွယ်အပေါ် ကျူးလွန်သော ရာဇဝတ်မှုအဖြစ် နိုင်ငံမှမောင်းထုတ်ခြင်း၊ ရိုဟင်ဂျာများကို လူမျိုးဘာသာ အခြေခံဖြင့် ညှဉ်းပမ်းနှိပ်စက်ခြင်းတို့ ပါဝင်သည်ဟု ICC က ဆိုသည်။

လူမျိုးစုသုတ်သင်သည် သို့မဟုတ် လူမျိုးတုန်း သတ်ဖြတ်မှု ကျူးလွန်သည်ဟူသော စွပ်စွဲချက်များကို မြန်မာနိုင်ငံက ကာလကြာရှည်စွာ ငြင်းပယ်ခဲ့သည်။

မြန်မာနိုင်ငံသည် ICC တွင် လက်မှတ်ရေးထိုးထားသော အဖွဲ့ဝင်မဟုတ်သော်လည်း ရိုဟင်ဂျာများ ရောက်ရှိနေသည့် ဘင်္ဂလားဒေ့ရှ်သည် အဖွဲ့ဝင်နိုင်ငံဖြစ်သောကြောင်း၊ ထိုရာဇဝတ်မှုများကို စီရင်ခွင့်ရှိကြောင်း ICC က လွန်ခဲ့သောနှစ်တွင် ဆုံးဖြတ်ခဲ့သည်။

မြန်မာနိုင်ငံနှင့်ပတ်သက်ပြီး ပဏာမ စုံစမ်းစစ်ဆေးမှုပြုလုပ်ရန် ICC ရှေ့နေချုပ် ဖက်တူ ဘန်ဆောင်ဒါကို ၂၀၁၈ ခုနှစ် စက်တင်ဘာလက ခွင့်ပြုခဲ့ပြီး သူက အပြည့်အ၀ စုံစမ်းစစ်ဆေးမှုလုပ်ရန် ယခုနှစ် ဇူလိုင်လက လျှောက်ထားခဲ့သည်။

အနောက်အာဖရိကမှ ဂမ်ဘီယာနိုင်ငံက မြန်မာနိုင်ငံသည် လူမျိုးတုန်းသတ်ဖြတ်မှု ကျူးလွန်သည်ဟု စွပ်စွဲပြီး သဟိဂ်အခြေစိုက် ကုလသမဂ္ဂ၏ အမြင့်ဆုံးတရားရုံးဖြစ်သော ICJ တွင်လည်း အမှုဖွင့်လိုက်သည်။

အဖွဲ့ဝင် ၅၇ နိုင်ငံပါသော အစ္စလမ်မစ် ပူးပေါင်းဆောင်ရွက်ရေး အဖွဲ့ OIC ကိုယ်စား ဂမ်ဘီယာက စွဲဆိုသော ထိုအမှုအတွက် ပထမအကြိမ်ကြားနာမှုကို ဒီဇင်ဘာလတွင် ပြုလုပ်မည်ဖြစ်သည်။
ICJ သည် ပုံမှန်အားဖြင့် နိုင်ငံများအကြား ဥပဒေ အငြင်းပွားမှုနှင့် နယ်စပ်အငြင်းပွားမှု ပြဿနာများကို ကိုင်တွယ်လေ့ရှိသော်လည်း မကြာသေးမီက စတင်ပြီး လူမျိုးတုန်းသတ်ဖြတ်မှုနှင့် အကြမ်းဖက်မှုဆိုင်ရာ ကုလသမဂ္ဂ သဘောတူညီချက်များ ချိုးဖောက်မှုများတွင် ပါဝင်ပတ်သက်လာသည်။

တဖက်က ICC တွင်မူ အမှုသည် လူပုဂ္ဂိုလ်တဦးခြင်းအပေါ် အာရုံစိုက်ပြီး နိုင်ငံတာဝန် ဝတ္တရားအပေါ် အခြေမစိုက်ဘဲ သဘောတရားအရ ဆိုပါက မြန်မာဗိုလ်ချုပ်ကြီးများအတွက် ဖမ်းဝရမ်းထုတ်ခြင်းသို့ ဦးတည်နိုင်သည်။

အလားတူ စွပ်စွဲမှုများအတွက် အာဂျင်တီးနား နိုင်ငံတွင် ဗုဒ္ဓဟူးနေ့က စွဲဆိုသောအမှုမှ မြန်မာအရာရှိများ၏ အမည်တွင် ဒေါ်အောင်ဆန်းစုကြည် ကိုလည်း ဖော်ပြထားပြီး ထိုအမှုသည် ဒေါ်အောင်ဆန်းစုကြည်ကို ပစ်မှတ်ထားသော ပထမဆုံးအမှုဖြစ်လာသည်။

ရိုဟင်ဂျာနှင့် လက်တင်အမေရိက လူ့အခွင့်အရေးအဖွဲ့များက နိုင်ငံအများအပြား၏ ဥပဒေပါ အယူအဆရှိသော အကြွင်းမဲ့တရားစီရင်ခွင့် အယူအဆအရ ထိုအမှုကို အာဂျင်တီးနားနိုင်ငံတွင် ဖွင့်ခဲ့သည်။

စစ်တပ်အကြီးအကဲ ဗိုလ်ချုပ်မှူးကြီး မင်းအောင်လှိုင်နှင့် အရပ်ဖက်ခေါင်းဆောင် ဒေါ်အောင်ဆန်းစုကြည် အပါအဝင် စစ်ဖက်အရပ်ဖက် ခေါင်းဆောင်များကို ရိုဟင်ဂျာများ ရင်ဆိုင်ရသည့် လူသားရပ်တည်မှုကို ခြိမ်းခြောက်ခံရခြင်းအတွက် တရားဥပဒေကို ရင်ဆိုင်ရန် ထိုအမှုက တောင်းဆိုသည်။

အာဂျင်တီးနားတရားရုံးသည် စပိန်အာဏာရှင် ဖရန်စစ်စကို ဖရန်ကိုနှင့် တရုတ်မှ ဖာလန်ဂေါင်စသည့် အခြား အကြွင်းမဲ့ စီရင်ခွင့် အမှုများကိုလည်း ကိုင်တွယ်ခဲ့သည်။

မြန်မာနိုင်ငံတွင် ၂၀၁၇ ခုနှစ်က ဖြစ်ပွားသော စစ်ရေးဖြိုခွင်းမှုကို ကုလသမဂ္ဂစုံစမ်းစစ်ဆေးသူများက လူမျိုးတုန်း သတ်ဖြတ်မှုအဖြစ် လွန်ခဲ့သောနှစ်က သတ်မှတ်ခဲ့ပြီး ထိုအမှုကို ICC သို့လွှဲပေးရန် လုံခြုံရေးကောင်စီကို တောင်းဆိုခဲ့သည်။

သို့သော် ICC သည် ၎င်း၏ အစီအစဉ်ဖြင့် စုံစမ်းစစ်ဆေးမှု ပြုလုပ်နေပြီဖြစ်သောကြောင့် ထိုသို့လုပ်ရန် မလိုတော့ပေ။

You May Also Like These Stories :

ရခိုင်အရေး နိုင်ငံတကာ ဖိအားများ “သမာသမတ် မရှိ”ဟု တပ်မတော် ပြော

ရိုဟင်ဂျာအရေး တာဝန်ရှောင်မည် မဟုတ်ဟု ဒေါ်အောင်ဆန်းစုကြည်ပြော

ရိုဟင်ဂျာအရေး ဒေါ်အောင်ဆန်းစုကြည်တွင် တာဝန် ရှိမရှိ အကဲဖြတ်ရန် ကုလသမဂ္ဂ တောင်းဆို

The post မြန်မာကို စစ်ဆေးရန် ICC အတည်ပြု appeared first on ဧရာဝတီ.

နိုင်ငံတော်အတိုင်ပင်ခံဘဝ မရောက်မီ ဒေါ်အောင်ဆန်းစုကြည်သည် စစ်ဗိုလ်ချုပ်ကြီးများကို ဆန့်ကျင်သောကြောင့် နေအိမ်အကျယ်ချုပ် ၁၅ နှစ်နေခဲ့ရပြီး နိုင်ငံတကာရှိ လူ့အခွင့်အရေးအဖွဲ့များက သူရဲကောင်းအဖြစ် ချီးမြှောက်ခဲ့ကြသည်။

ယခုအခါတွင်မူ သူသည် ဗိုလ်ချုပ်ကြီးများနှင့် စေ့စပ်ရင်ကြားစေ့ရေး မျှော်ကိုးပြီး တပ်မတော်က ကျူးလွန်ခဲ့ပုံရသော စစ်ရာဇဝတ်မှုများကို မသိကျိုးကျွန် မျက်နှာလွှဲခဲ့သည်ဟု ဆိုကာ ယခင်က ထောက်ခံခဲ့သော လူ့အခွင့်အရေးအဖွဲ့များက တရားစွဲလာကြသည်။

၂၀၁၇ ခုနှစ် သြဂုတ်လက စစ်တပ်ကဦးဆောင်ပြီး အစုလိုက်အပြုံလိုက် သတ်ဖြတ်ခြင်းပါဝင်သော ရိုဟင်ဂျာဟု ကိုယ့်ကိုယ်ကိုယ်ခေါ်ဆိုသူ ရခိုင်မြောက်ပိုင်းနေ မွတ်ဆလင်များအပေါ် “လူမျိုးတုန်းသတ်ဖြတ်မှု” စစ်ဆင်ရေးကို ဒေါ်အောင်ဆန်းစုကြည်က ကူညီခဲ့သည်ဟု အာဂျင်တီးနား နိုင်ငံတွင် ဗုဒ္ဓဟူးနေ့က စွဲဆိုသောအမှုတွင် စွပ်စွဲထားသည်။

ဒေါ်အောင်ဆန်းစုကြည်သည် ၎င်းတို့ကို ကျန်းမာရေးနှင့်ပညာရေး အခွင့်အလမ်းများ အပြင်းအထန် ကန့်သတ်ထားသည့် သီးခြားနေရာများတွင် ထိန်းချုပ်ထားခြင်းကဲ့သို့ မျိုးဖြုတ်သတ်ဖြတ်ခြင်းသို့ တိမ်းညွှတ်သည့် အစိုးရမူဝါဒများကို ကြီးကြပ်သည်ဟု ထိုအမှုက စွပ်စွဲသည်။

ရိုဟင်ဂျာများအတွက် တရားမျှတမှု ရရှိရေး အားထုတ်မှုများသည် အများအားဖြင့် ရခိုင်ပြည်နယ်တွင် ၂၀၁၇ ခုနှစ်က နယ်မြေရှင်းလင်းမှု စစ်ဆင်ရေးများကို စီစဉ်သည့် တပ်မတော်အကြီးအကဲ ဗိုလ်ချုပ်မှူးကြီး မင်းအောင်လှိုင် အပါအဝင် ဗိုလ်ချုပ်ကြီးများကိုသာ အဓိက ပစ်မှတ်ထားခဲ့သည်။

သြစတြေးလျ ဝန်ကြီးချုပ်ဟောင်း ကီဗင် ရတ် ကဲ့သို့သော အချို့သူများက ဒေါ်အောင်ဆန်းစုကြည်သည် စစ်တပ်ကို ထိန်းချုပ်ခွင့်မရှိဟု ဆိုကာ ကာကွယ်ကြသည်။ မြန်မာ့တပ်မတော်သည် ၂၀၁၅ ခုနှစ်က အများအားဖြင့် လွတ်လပ်မျှတသော ရွေးကောက်ပွဲကို ကျင်းပခွင့်ပေးခဲ့သော်လည်း ကြီးမားသော အာဏာများကို ချုပ်ကိုင်ထားဆဲဖြစ်သည်။

သို့သော် ဒေါ်အောင်ဆန်းစုကြည်သည် သူမတွင် ရှိသောအာဏာကို ရိုဟင်ဂျာများကို ကူညီရန် မသုံးဘဲ ဖျက်ဆီးရန် အားထုတ်မှုများကို ကူညီရန် သုံးသည်ဟု အာဂျင်တီးနားတွင် စွဲသော ရာဇဝတ်မှု စွပ်စွဲချက်က ဖော်ပြသည်။

“လူမျိုးတုန်းသတ်ဖြတ်ရန် အစီအစဉ်တခုလုံးကို အရပ်သားအာဏာပိုင် အမျိုးမျိုး၏ ပူးပေါင်းပါဝင်မှု၊ ညှိနှိုင်းဆောင်ရွက်မှု၊ ထောက်ခံမှု သို့မဟုတ် သဘောတူညီမှုမရှိဘဲ လုပ်ကိုင်နိုင်ခဲ့မည် မဟုတ်ပေ” ဟု ထိုစွပ်စွဲချက်တွင် ဖော်ပြထားသည်။

“တဖက်ကကြည့်မယ်ဆိုရင် လူသတ်မှု၊ အုပ်စုဖွဲ့မုဒိမ်းကျင့်မှု၊ ညှဉ်းပမ်းနှိပ်စက်မှု စတာတွေပါဝင်တဲ့ စစ်တပ်က ကျူးလွန်ထားတဲ့ စက်ဆုတ်စရာ ရာဇဝတ်မှုတွေ အောက်ခြေမှာ ရှိနေတယ်” ဟု မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ်ဟောင်းနှင့် တရားလိုဖြစ်သော လန်ဒန်အခြေစိုက် မြန်မာရိုဟင်ဂျာအဖွဲ့ ယူကေ (BROUK) ကို ကိုယ်စားပြုသော ရှေ့နေ သောမတ်စ် အိုဂျေ ကင်တားနားက Al Jazeera သို့ပြောသည်။

“ဒါပေမယ့် အခြားတဖက်က ကြည့်ပြန်တော့လည်း အရပ်ဖက် အာဏာပိုင်တွေရဲ့ တာဝန်ဖြစ်တဲ့ မူဝါဒတွေ အများကြီးရှိနေတယ်” ဟု သူက ပြောသည်။

ထိုမူဝါဒများတွင် ရိုဟင်ဂျာများကို စခန်းများတွင် ထားခြင်း၊ သံဆူးကြိုး ကာရံထားသော ရပ်ကွက်များတွင် ထားခြင်းနှင့် ပြည်နယ် မြို့တော် စစ်တွေတွင် စစ်ဆေးရေးစခန်းများ ထားရှိခြင်းတို့ ပါဝင်သည်။

“ကျနော် အဲဒီလို သီးခြားခွဲထားတဲ့ နေရာတွေကို အကြိမ်များစွာရောက်ခဲ့ပြီး သူတို့အပြင်ကို ထွက်မရအောင် လုပ်ထားတယ်ဆိုတာကို ကိုယ်တိုင်မြင်ခဲ့တယ်” ဟုလည်း ကင်တားနားက ပြောသည်။

နိုင်ငံတော်အတိုင်ပင်ခံ ဒေါ်အောင်ဆန်းစုကြည်ကို အာဂျင်တီးနားက တရားစွဲဆိုမှုတွင် အမည်ဖော်ပြပြီး တပတ်အကြာတွင် နိုင်ငံတကာ ရာဇဝတ်တရားရုံး ICC ကလည်း မြန်မာနှင့်ပတ်သက်သည့် စွပ်စွဲချက်ကို ဆက်လက်ပြီး အပြည့်အဝ စုံစမ်းစစ်ဆေးရန် ဆုံးဖြတ်ခဲ့သည်။

မြန်မာနိုင်ငံသည် ကုလသမဂ္ဂ၏ ထိပ်တန်းတရားရုံး ICJ တွင်လည်း ဂမ်ဘီယာနိုင်ငံက စွဲချက်တင်သည့် လူမျိုးတုန်းသတ်ဖြတ်မှုအတွက် သီးခြားရင်ဆိုင်ရသည်။

ယခုအမှုများသည် မြန်မာနိုင်ငံအတွင်း ရိုဟင်ဂျာများ ကိုယ်ပိုင်ဒေသ ထူထောင်ရေးအတွက် ကောင်းစွာ စီစဉ် ငွေကြေးထောက်ပံ့ထားသော ကြံစည်မှုဖြစ်ကြောင်း ဒေါ်အောင်ဆန်းစုကြည်၏ အမျိုးသားဒီမိုကရေစီ အဖွဲ့ချုပ်ပြောခွင့်ရသူ ဦးမျိုးညွန့်က ပြောသည်။

“ဒါဟာ မြန်မာနိုင်ငံရဲ့ အချုပ်အခြာအာဏာကို ချိုးဖောက်မှုဖြစ်တဲ့အတွက် နိုင်ငံတကာဖိအား ဘယ်လောက်ပဲများများ ကျနော်တို့က အလျှော့ပေးမှာ မဟုတ်ဘူး။ နိုင်ငံရဲ့ အချုပ်အခြာအာဏာဆိုတာ ဘယ်နည်းနဲ့မဆို ကာကွယ်ရမယ့် အဖိုးတန်အရာဖြစ်တယ်” ဟု သူပြောသည်။

“၂၀၁၇ ခုနှစ်က တိုက်ခိုက်မှုတွေ အတွင်း ဘယ်အကြမ်းဖက်မှုကို မဆို တားဆီးဖို့ ဒေါ်အောင်ဆန်းစုကြည်က အကောင်းဆုံး လုပ်ခဲ့တယ်” ဟုလည်း သူက ပြောသည်။

လူမျိုးတုန်း သတ်ဖြတ်သည်ဟူသည့် ကုလသမဂ္ဂ စုံစမ်းစစ်ဆေးသူများ၏ စွပ်စွဲချက်များကို အစိုးရနှင့် တပ်မတော်ကပါ တသံတည်း ပယ်ချကာ လက်နက်ကိုင် အကြမ်းဖက်သမားများကို တရားဝင်စစ်ဆင်ခြင်း ဖြစ်ကြောင်း ပြောသည်။

မြန်မာနိုင်ငံသည် ICC တွင် လက်မှတ်ရေးထိုးထားခြင်း မရှိသော်လည်း အိမ်နီးချင်း ဘင်္ဂလားဒေ့ရှ် နိုင်ငံသည် လက်မှတ်ရေးထိုးထားသည်။ ၂၀၁၇ ခုနှစ်က ဘင်္ဂလားဒေ့ရှ်သို့ ထွက်ပြေးသွားသော ဒုက္ခသည် ၇၃၀၀၀၀ အတွက် အစုလိုက်အပြုံလိုက် ပြည်နှင်ဒဏ်ပေးခြင်းအတွက် စီရင်ခွင့်ရှိသည်ဟု ထိုတရားရုံးကဆိုသည်။

အဖွဲ့ဝင် ၅၇ နိုင်ငံပါသော အစ္စလမ်မစ် ပူးပေါင်းဆောင်ရွက်ရေး အဖွဲ့ OIC ကိုယ်စား ဂမ်ဘီယာက စွဲဆိုသော ထိုအမှုအတွက် ပထမအကြိမ်ကြားနာမှုကို ဒီဇင်ဘာလတွင် ပြုလုပ်မည်ဖြစ်သည်။

ICJ သည် ပုံမှန်အားဖြင့် နိုင်ငံများအကြား ဥပဒေ အငြင်းပွားမှုနှင့် နယ်စပ်အငြင်းပွားမှု ပြဿနာများကို ကိုင်တွယ်လေ့ရှိသော်လည်း မကြာသေးမီက စတင်ပြီး လူမျိုးတုန်းသတ်ဖြတ်မှုနှင့် အကြမ်းဖက်မှုဆိုင်ရာ ကုလသမဂ္ဂ သဘောတူညီချက်များ ချိုးဖောက်မှုများတွင် ပါဝင်ပတ်သက်လာသည်။

အခြားသောအမှု ၂ ခုနှင့်မတူဘဲ BROUK ၏ အာဂျင်တီးနားတွင် လျှောက်ထားမှုသည် အကြွင်းမဲ့တရားစီရင်ခွင့် အပေါ် မှီခိုသည်။ အကြွင်းမဲ့ တရားစီရင်ခွင့်ဆိုသည်မှာ မည်သူက မည်သည့်နေရာတွင် ကျူးလွန်သည့်အမှုကို မဆို စစ်ဆေးစီရင်ပိုင်ခွင့်ရှိသည့် သဘောဖြစ်သည်။

အာဂျင်တီးနား တရားရုံးများသည် စပိန်အာဏာရှင်ဟောင်း ဖရန်ကိုနှင့် တရုတ် ဖလွန်ဂေါင် လှုပ်ရှားမှုများကဲ့သို့သော အမှုများတွင် ယခင်ကလည်း အကြွင်းမဲ့တရားစီရင်ခွင့်ကို ကျင့်သုံးခဲ့ဖူးသည်။

တိုင်ကြားမှုကို ဆက်လက် လုပ်ဆောင်သင့်မသင့်နှင့် ပတ်သတ်ပြီး ဗျူနိုအေရီတရားရုံးသည် အစိုးရရှေ့နေထံမှ ထင်မြင်ချက်ကို တောင်းခံမည်ဖြစ်သည်။ ထိုရှေ့နေသည် နှစ်ပတ်အတွင်း အကြောင်းပြန်မည်ဟု မျှော်လင့်ရသည်ဟု ကင်တားနားက ပြောသည်။

ထိုနောက်တရားရုံးသည် ဒေါ်အောင်ဆန်းစုကြည်နှင့် အခြား စွပ်စွဲခံရသူများကို တရားရုံးသို့ မဆင့်ခေါ်မီ မျက်မြင်သက်သေများ အပါအဝင် သက်သေ အထောက်အထားများကို ကြားနာစစ်ဆေးမည်ဖြစ်သည်။

စွပ်စွဲခံရသူများကို လာရောက်ရန်ငြင်းဆန်ပါက ဖမ်းဝရမ်း ထုတ်နိုင်ခြေရှိသည်။

ယခင်သမ္မတ ဟောင်းများဖြစ်သော ဦးသိန်းစိန်နှင့် ဦးထင်ကျော်တို့ကိုလည်း အခြားအရာရှိ အများအပြားနှင့်အတူ အမှုတွင် အမည် ဖော်ပြထားသည်။

ကိုးကား။        ။ Aljazeera, AFP

ရိုဟင်ဂျာအရေး တာဝန်ရှောင်မည် မဟုတ်ဟု ဒေါ်အောင်ဆန်းစုကြည်ပြော

မြန်မာကို စစ်ဆေးရန် ICC အတည်ပြု

ရခိုင်အရေး နိုင်ငံတကာ ဖိအားများ “သမာသမတ် မရှိ”ဟု တပ်မတော် ပြော

The post အာဂျင်တီးနားတွင် ဒေါ်အောင်ဆန်းစုကြည် တရားစွဲခံရ appeared first on ဧရာဝတီ.

မန္တလေးမြို့တွင် ရခိုင်လက်နက်ကိုင် တပ်ဖွဲ့ ၁ ဖွဲ့ဖြစ်သည့် AA နှင့် ဆက်စပ်နေသည်ဟုဆိုကာ ဖမ်းဆီးထားသူ ၆ ဦး၏ အမှုမှ တရားလို ဖြစ်သူ ဒုရဲမှူး ဇော်နိုင် ကို မန္တလေးခရိုင် တရားရုံးတွင် ယနေ့ စတင် စစ်ဆေးခဲ့သည်။

“ယနေ့ AA အဖွဲ့ဝင်များ ဖမ်းဆီးရမိတဲ့ အမှုမှာ မင်နက် သက်သေဖြစ်တဲ့ တရားလို ဒုရဲမှူးဇော်နိုင်ကို စစ်ပါတယ်၊ နောက်ရုံးချိန်းမှာ ရဲအုပ်ရဲဝင်းကို ဆက်လက် စစ်ဆေးသွားမှာ ဖြစ်ပါတယ်၊ တရားခံပြေး ၃ ဦးနဲ့ ပတ်သက်ပြီး တရားရုံးရဲ့ဆောင်ရွက်ချက်ကတော့ အမှုကြီးနဲ့အတူ ပူးတွဲ စစ်ဆေးနေပါတယ်”ဟု မန္တလေးခရိုင်တရားရုံးမှ သတင်းပြန်ကြားရေးအရာရှိ ဒေါ်မာလာထွဋ်က ပြောသည်။

လက်ရှိတွင် ဖောက်ခွဲရေး ပစ္စည်းများနှင့် အတူ ဖမ်းဆီး ရမိသဖြင့် ရုံးတင် စစ်ဆေးနေသူများမှာ AA တပ်ဖွဲ့မှ ဒုရာခံဗိုလ် အောင်လင်းထက် (ခ) လင်းထက် (ခ) ကျော်သူရ ၊ AA တပ်ဖွဲ့မှ ဒုတပ်ကြပ် ချမ်းငြိမ်း၊ ဒုတပ်ကြပ် မြတ်ခိုင်၊ ကျောက်အရောင်းအဝယ် လုပ်ကိုင်သည့် မိုးကျော် (ခ) ဦးမိုးကျော်၊ ဝင်းသိန်းနှင့် ကားဂိတ်မှ ဂိတ်မှူး ကျော်ကျော်ဖြိုး (ခ) ကိုဖြိုး တို့ဖြစ်ကြောင်း သိရသည်။

ထိုသူ ၆ ဦးကို အောက်တိုဘာ ၈ ရက်နေ့က မန္တလေးခရိုင်တရားရုံးတွင် အမှတ် ၁၁ နယ်မြေရဲစခန်းမှ စခန်းမှူး ဒုရဲမှူး ဇော်နိုင်က တရားလို ပြုလုပ်၍ တရားစွဲဆိုခဲ့ခြင်း ဖြစ်ပြီး ယနေ့သည် စတုတ္ထအကြိမ်မြောက် ရုံးချိန်း ဖြစ်သည်။

“စစ်တဲ့ အခါမှာ စွပ်စွဲခံရသူ စုစုပေါင်း ၉ ဦးပါ။ ၃ ဦးကတော့ အပြေးဖြစ်ပါတယ်၊ ၆ ဦးထဲက အဓိကကျတဲ့ စွပ်စွဲခံရသူ ၃ ဦးကတော့ ရှေ့နေ ငှားထားတယ်။ စွပ်စွဲခံရသူ ၁၊ ၂၊ ၃ ကတော့ ရှေ့နေငှားထားတာ မရှိသေးပါဘူး။ ကျနော်ကတော့ ကျနော့်ကို ငှားရမ်းထားသူအတွက် တရားခွင်မှာ အကောင်းဆုံး မေးမြန်းခဲ့ပါတယ်၊ တရားလိုကလည်း ဖြစ်စဉ်အမှန်ကို ဖြေကြားထားတာ ဖြစ်တဲ့အတွက် ရုံးက ဘယ်လို သုံးသပ်မလဲဆိုတာကို ကြည့်ရမှာဖြစ်တယ်။ ကျနော်ကတော့ စွပ်စွဲခံထားရသူ အားလုံးနဲ့ တရားရုံးအချုပ်မှာ တွေ့ခွင့်ရတယ်”ဟု  ကားဂိတ်မှ ဂိတ်မှူး ကျော်ကျော်ဖြိုး (ခ) ကိုဖြိုး၏ ပြောခွင့်ရသူ တရားလွှတ်တော်ရှေ့နေ ဦးမျိုးမင်းဇော်က ပြောသည်။

ဖြစ်စဉ်မှာ ချမ်းမြသာစည်မြို့နယ်၊ မြို့သစ် ၅ ရပ်ကွက်၊ လမ်း ၇၀၊ဒဿနလမ်း၊ အမှတ်(က-၅/၇၇) နေအိမ်တွင် AA လက်နက်ကိုင် အဖွဲ့ဝင်များ ရောက်ရှိနေကြောင်း သတင်းအရ စက်တင်ဘာ ၁၀ ရက်နေ့တွင် ရဲတပ်ဖွဲ့ဝင်များက သက်သေများနှင့်အတူ ဝင်ရောက်ရှာဖွေရာ ရန်ကုန်မြို့၊ အင်းစိန်မြို့နယ်၊ ပြည်လမ်း၊ အမှတ် ၆၇၈ နေ အောင်လင်း၊ ရခိုင်ပြည်နယ်၊ မြောက်ဦးမြို့၊ စပါးဆိပ်ရပ်နေ ဦးမြတ်ခိုင်နှင့် ရခိုင်ပြည်နယ်၊ မင်းပြားမြို့နယ်၊ ပင်ရောက်ကျေးရွာနေ ချမ်းငြိမ်းတို့ ၃ ဦးအား တွေ့ရှိသည့်အတွက် စစ်ဆေးမှုများ ပြုလုပ်ခဲ့သည်။

ထို့နောက် အဆိုပါ နေအိမ် အပေါ်ထပ် အခန်းအတွင်းအား ဆက်လက်ရှာဖွေရာ ယမ်းတုံးဟု ယူဆရသော အထုပ် ၂၈ ထုပ်၊ ဒီတိုနီတာ ၁၀၀ ထုပ်ပါ ၁၀ ခု၊ ဖယောင်းချောင်း ၃၅ ချောင်း၊ စက္ကူဖြူ ၁၅ လိပ်ပါ ၃ ထုပ်၊ ယမ်းဖြူဟု ယူဆရ သော(ဆာလာအိတ်ဖြင့်ထည့်လျက်) ၅ အိတ်နှင့် စက္ကူညို ၁ ထုပ်နှင့်အတူ THLIRAYA XT-ITTE. Satellite Phone အသစ် အလုံးရေ ၄၀၊ မှန်ပြောင်း (BAIGISH) made in RUSSIA ၃၀ ခု၊ GARMIN (GPS+GLONASS) ၂၅ လုံးတို့ကို ရှာဖွေ သိမ်းဆည်းရမိခဲ့ခြင်း ဖြစ်ကြောင်း သိရသည်။

ထိုသို့ စစ်ဆေးမှုများ ပြုလုပ်နေစဉ် ရခိုင်ပြည်နယ်၊ မင်းပြားမြို့နယ်၊ ချင်းစိပ်ကျေးရွာနေ  ဖိုးကျော်ဆိုသူ ရောက်ရှိလာသဖြင့် ၄ ဦးမြောက်အဖြစ် ဖမ်းဆီးစစ်ဆေးခဲ့ကြောင်း မှုခင်းမှတ်တမ်းများအရ သိရသည်။

ဖမ်းဆီးရမိခဲ့သူ ၄ ဦးအား မှုခင်းအထူးတပ်ဖွဲ့နှင့် သတင်းတပ်ဖွဲ့တို့က ဆက်လက်စစ်ဆေးခဲ့ရာ နောက်ဆက်တွဲအဖြစ် ဝင်းသိန်း၊ ကျော်ကျော်ဖြိုး(ခ)ဆံရှည်တို့ကို ဆက်လက် ဖမ်းဆီးရမိခဲ့ပြီး ၃ ဦးမှာ ထွက်ပြေး လွတ်မြောက်နေဆဲဖြစ်ကြောင်း ရဲတပ်ဖွဲ့ သတင်းထုတ်ပြန်ချက်များအရ သိရသည်။

တရားခံပြေး ၃ ဦးမှာ ဖြိုးဝေ (ခ) ကိုဖြိုး၊ မောင်မောင်စိုး နှင့် မဦးသန်းခင် တို့ ဖြစ်ပြီး မန္တလေးခရိုင်တရားရုံး၏ ရာဇဝတ် အထွေထွေမှုအမှတ် ၇၄/၂၀၁၉ ဖြင့် လက်ခံစစ်ဆေးနေခြင်းဖြစ်သည်။

မန္တလေးတိုင်းအစိုးရအဖွဲ့ ဝန်ကြီးချုပ် ဒေါက်တာဇော်မြင့်မောင်ကလည်း အဆိုပါ ဖောက်ခွဲရေးပစ္စည်းများ ဖမ်းဆီးရမိမှု နှင့်ပတ်သက်၍ ဖမ်းဆီးရမိသူများတွင် ၂ ဦးမှာ AA ရခိုင့်တပ်မတော်မှ တပ်ကြပ်ကြီး ၁ ဦးနှင့် တပ်သား ၁ ဦး ပါဝင်ကြောင်း အတည်ပြု ပြောကြားထားသည်။

မန္တလေးခရိုင်တရားရုံးသို့ တရားစွဲဆို တင်ပို့ခံရသည့် ၆ ဦးအနက်မှ ၃ ဦးမှာ ရှေ့နေငှားရမ်းနိုင်ခြင်း မရှိသလို ထောင်အချုပ်၊ တရားရုံးအချုပ်များတွင် မိသားစုဝင်များနှင့်လည်း ဧည့်တွေ့ခွင့်မရဟု သိရသည်။

၎င်းတို့၏ အခွင့်အရေး အဖြစ် ရှေ့နေ ငှားရမ်းန်ိုင်ကြောင်း၊ ဧည့်တွေ့ခွင့် ကိစ္စမှာ အချုပ်ခန်း ကြီးကြပ်သည့် ရဲတပ်ဖွဲ့ ဝင်များနှင့်သာ သက်ဆိုင်ကြောင်း မန္တလေးခရိုင်တရားရုံး သတင်းပြန်ကြားရေးအဖွဲ့က ပြောသည်။

ထိုသို့ ဖောက်ခွဲရေးပစ္စည်းများနှင့်အတူ ဖမ်းဆီးရမိသူများကို မန္တလေးမြို့ ချမ်းမြသာစည်မြို့နယ် အမှတ် ၁၁ နယ်မြေ ရဲစခန်းတွင် အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၀(ဈ)၊ ၅၁(ဂ)ဖြင့် အမှုဖွင့်ခဲ့ပြီး ၂၀၁၄ ခုနှစ် အကြမ်းဖက်မှု တိုက်ဖျက်ရေး ဥပဒေပုဒ်မ-၅၁(ဂ)၊ ၅၂(က)နှင့် ကျင့်-၅၁၂ တို့ဖြင့် မန္တလေးခရိုင်တရားရုံးသို့ တရားစွဲဆို တင်ပို့ခဲ့ကာ အဆိုပါအမှုတွင် တရားလို ဒုရဲမှူးဇော်နိုင်အပြင် တရားလိုပြသက်သေ ၂၃ ဦး တင်သွင်းထားကြောင်း သိရသည်။

You May Also Like These Stories :

AA စစ်ဦးစီးချုပ်၏ ညီမနှင့် ယောက်ဖတို့ကို အကြမ်းဖက်မှု ဥပဒေဖြင့် တရားရုံးတင်

မူးယစ်မှုဖြင့် တရားစွဲခံရသည့် ARG ဥက္ကဋ္ဌ သက်သေမခိုင်လုံ၍ ပြန်လွှတ်

The post မန္တလေးက AA ဖောက်ခွဲရေးအမှု တရားလိုကို စတင် စစ်ဆေး appeared first on ဧရာဝတီ.

အာဏာရ အမျိုးသားဒီမိုကရေစီ အဖွဲ့ချုပ် (NLD) ပါတီမှ အမျိုးသားလွှတ်တော်ကိုယ်စားလှယ် အကြမ်းဖက် ဖမ်းဆီးခံရမှု အပေါ်ကို စစ်ဘုရင် ဝါဒမျိုးဖြင့် လုပ်ချင်တိုင်း လုပ်၍ မရကြောင်း နိုင်ငံတော်သမ္မတရုံးပြောရေးဆိုခွင့်ရှိသူ ဦးဇော်ဌေးက ပြောသည်။

နိုဝင်ဘာလ ၁၅ ရက်နေ့က နေပြည်တော်ရှိ သမ္မ တအိမ်တော်တွင် လစဉ်ပြုလုပ်သည့် သတင်းစာရှင်းလင်းပွဲတွင် “စစ်ဘုရင် ဝါဒနဲ့ လုပ်ချင်တိုင်းလုပ် အဲ့လိုမျိုးတော့ လက်ခံလို့ မရဘူး” ဟု ဧရာဝတီ၏ မေးမြန်းမှုကို ထိုသို့ ပြန်လည် ပြောကြားခြင်း ဖြစ်သည်။

လွှတ်တော်ကိုယ်စားလှယ်ဆိုသည်မှာ ပြည်သူလူထုက ရွေးချယ်ထားပြီး ပြည်သူ့ကိုယ်စားပြုသူ၊ ဥပဒေပြုရေးမဏ္ဍိုင်ကို ကိုယ်စားပြုသူဖြစ်သဖြင့် ၎င်းကို အကြောင်းမဲ့ဖမ်းဆီးခြင်းသည် နိုင်ငံတော်၏ အချုပ်အခြအာဏာကို ထိပါးခြင်း ဖြစ်ကြောင်း၊ ဖမ်းဆီးငွေတောင်းသည့် လုပ်ရပ်မှာလည်း တိုင်းရင်းသားအခွင့်အရေး တောင်းဆိုခြင်းလည်း မဟုတ်ကြောင်း ဦးဇော်ဌေးက ဆက်ပြောသည်။

AA အပေါ် ထိုသို့ ပြောဆိုမှုကို AA ၏ ပြောရေးဆိုခွင့်ရှိသူ ခိုင်သုခကို ဧရာဝတီက ဖုန်းဖြင့် ဆက်သွယ် မေးမြန်းခဲ့သော် လည်းဆက်သွယ်၍ မရခဲ့ပါ။

ရခိုင်ပြည်နယ်ထဲတွင် တပ်မတော်နှင့် AA ဘက်မှ လွှတ်တော်ကိုယ်စားလှယ် သာမကဘဲ အရပ်သားများပါ ဖမ်းဆီး ခံရမှု ရှိနေကြောင်း၊ ယင်းကဲ့သို့ ဖမ်းဆီးမှုမျိုးမှာ နှစ်ဖက်စလုံးက လုပ်ရိုး လုပ်စဉ်ကိစ္စသာဖြစ်ကြောင်း တဖက် နှင့် တဖက် မခံမရပ်နိုင်အောင် ပြောနေကြမည် ဆိုပါက အမုန်းတရားများ ပိုလာပြီး၊ အမျိုးသား ရင်ကြားစေ့ ရေးကို အနှောက်အယှက် ဖြစ်နိုင်ကြောင်း ရခိုင်အမျိုးသား ပါတီဝင် ဦးဖေသန်းက ဆိုသည်။

ဦးဖေသန်းက “သူတို့ရဲ့ မူဝါဒ လမ်းစဉ်၊ သူတို့ရဲ့ ခရီးလမ်းကို ခလုတ်တိုက်တယ်ရင်တော့ သူတို့က ဖမ်းဆီးစစ်ဆေး တာတွေ လုပ်မှာပဲေလေ။ ဒါက ၂ ဖက်စလုံးက လုပ်ရိုး လုပ်စဉ်လို့ပဲ မြင်တယ်။ လွှတ်တော်ကိုယ်စားလှယ် ဖြစ်သွားလို့ ဒီလို နည်းနည်း အသံကျယ်တဲ့ သဘောမျိုးပေါ့။ ဒါကတော့ ၂ ဖက်စလုံးက လုပ်လေ့လုပ်ထ ရှိတဲ့ လုပ်ရပ်လို့ပဲ မြင်တယ်” ဟု ဧရာဝတီသို့ပြောသည်။

AA အဖွဲ့ လုပ်ကိုင်နေသည်မှာ အထူးသဖြင့် တပ်မတော်သားစစ်စစ်များ၊ ရဲတပ်ဖွဲ့ဝင်များ၊ နိုင်ငံဝန်ထမ်းများ၊ သစ်တော ဝန်ထမ်းများဖမ်းဆီးခြင်းသည် နိုင်ငံတော်၏ ဝန်ထမ်းများကို ဓါးစာခံလုပ်ခြင်းဖြစ်သည်ဟုလည်း ဦးဇော်ဌေးက ဆိုသည်။

နိုင်ငံတော်အစိုးရအနေဖြင့် ရခိုင်ပြည်နယ်တွင် AA အဖွဲ့ စတင်လှုပ်ရှားချိန်ကတည်းက သောင်းကျန်းသူ နှိမ်နင်းရေး စစ် ဆင်ရေးကို ထိထိရောက်ရောက်ဆောင်ရွက်ရန် ညွှန်ကြားထားပြီးဖြစ်သဖြင့် တပ်မတော် အနေဖြင့် ထိထိရောက်ရောက် ဆောင်ရွက်နိုင်ရန်အတွက် မှာကြားထားပြီး ဖြစ်ကြောင်း ဦးဇော်ဌေးက ဆိုသည်။

နေပြည်တော်သို့ လွှတ်တော်တက်ရောက်ရန် ထွက်လာစဉ် နိုဝင်ဘာလ ၃ ရက်နေ့က လမ်းခရီး၌ အဖမ်းခံခဲ့ရသည့် အမျိုး သား လွှတ်တော်ကိုယ်စားလှယ် ဦးဝှေ့တင်း ဖမ်းဆီးခံခဲ့ရခြင်းဖြစ်ပြီး၊ ဖမ်းခံရသူများအနက်မှ ကျန်သူများအားလုံးကို ပြန် လည်လွှတ်ပေးလိုက်သော်လည်းပဲ ဦးဝှေ့တင်း အားဆက်လက်ဖမ်းဆီထားခြင်းဖြစ်သည်။

ယင်းသို့ လွှတ်တော်ကိုယ်စားလှယ် ထိုသို့ ဖမ်းဆီးခံရခြင်း အပေါ်ကို မိခင် အဖွဲ့အစည်း ဖြစ်သည့် အမျိုးသားလွှတ် တော် တွင် ဖြစ်ဖြစ်ချင်း ယင်းကဲ့သို့ ကိစ္စရပ်မျိုး မလုပ်သင့်ကြောင်း၊ ပြန်ပြီး လွှတ်ပေးသင့်သည့်အကြောင်း၊ နောက်ဆုံး အက်ရှင် တခုခု ကို ဆောင်ရွက်ပေးရန်လိုအပ်ကြောင်း ရှမ်းတိုင်းရင်းသားများ ဒီမိုကရေစီ အဖွဲ့ချုပ် ဦးစိုင်းသီဟကျော်ကပြောသည်။

ဦးစိုင်းသီဟကျော် က “ဒီလို အချိန်ဆွဲပြီး ထားမယ်ဆိုရင် ကျနော်တို့ နိုင်ငံသားရဲ့ အသက် အန္တရာယ်ကို တန်ဖိုးမထားရာ ရောက်တယ်လို့ ခံစား မိပါတယ်” ဟု ပြောသည်။

နိုဝင်ဘာလ ၁၁ ရက်နေ့ကလည်း ချင်းပြည်နယ်ရှိ ပလက်ဝ၊ ကန်ပက်လက်၊ မတူပီ၊ မင်းတပ်၊ ဟားခါးမြို့အခြေစိုက် ချင်း အရပ်ဖက်အဖွဲ့အစည်းများ၊ မီဒီယာအဖွဲ့များ၊ ဘာသာရေးဆိုင်ရာအဖွဲ့များ၊ ရန်ကုန်မြို့၊ စစ်ကိုင်းတိုင်း ကလေးမြို့ အခြေ စိုက်ချင်းလူငယ်အဖွဲ့များ၊ ချင်းကျောင်းသားအဖွဲ့များ၊ ချင်းအမျိုးသမီး အဖွဲ့များနှင့် ချင်းလူမှုကူညီရေးအဖွဲ့ပေါင်း ၄၃ ဖွဲ့က ဦးဝှေ့တင်းကို ပြန်လွှတ်ပေးရန် ကြေညာချက် ထုတ်ပြန်တောင်းဆိုခဲ့ပြီး ဖြစ်သည်။

ပြည်ထောင်စု လွှတ်တော်အနေဖြင့်လည်း လွှတ်တော်ကိုယ်စားလှယ် ပြန်လွတ်ပေးရန်အတွက် အရေးကြီးအဆို တင် သွင်းပြီးဆွေးနွေးကြမည်ဖြစ်ကြောင်း နိုဝင်ဘာ ၁၃ ရက်နေ့က ပြည်ထောင်စုလွှတ်တော်က ကြေညာခဲ့သည်။

The post စစ်ဘုရင်ဝါဒဖြင့် လုပ်ချင်တိုင်း လုပ်၍ မရဟု AA ကို သမ္မတ ရုံး သတိပေး appeared first on ဧရာဝတီ.

စက်ရုံပိုင်ရှင်မှ လူမှုဖူလုံရေးကြေး လစဉ် ဖြတ်တောက်သော်လည်း အစိုးရသို့ ပေးသွင်းခြင်းမရှိဟုဆိုကာ ရွှေပြည်သာမြို့နယ် အထည်ချုပ်စက်ရုံ အလုပ်သမားများ သပိတ်မှောက် ဆန္ဒပြလျက် ရှိသည်။

ရွှေပြည်သာမြို့နယ် သာဓုကန် စက်မှုဇုန်၂ ရှိ ကိုရီးယားနိုင်ငံသားပိုင် World Jin အထည်ချုပ်စက်ရုံ အလုပ်သမား ၃၀၀ ကျော် နိုဝင်ဘာလ ၇ ရက်မှ စတင်၍ ယနေ့ချိန်ထိ ပြေလည်မှုမရှိသေးဘဲ ဆန္ဒပြနေကြခြင်းဖြစ်သည်။

လစဉ် လူမှုဖူလုံရေးကြေးများကို အလုပ်သမားများထံမှ ကောက်ခံလျက် ရှိသော်လည်း အစိုးရကို ပေးသွင်းခြင်း မရှိသဖြင့် လူမှုဖူလုံရေး ကတ်များ၊ ဆေးကုသခွင့်နှင့် အကျိုးခံစားခွင့်များ မရရှိခြင်း ဖြစ်ကြောင်း အဆိုပါစက်ရုံမှ အလုပ်သမားများက ပြောသည်။

အဆိုပါ စက်ရုံတွင် လုပ်သက် ၃ နှစ်ခန့် ရှိသည့် မနန်းခင်မွှေး က “လူမှုဖူလုံရေးကြေးက ၃၀၀၀ နီးပါးဖြတ်ပြီးတော့ မသွင်း ဘူး။ အဲဒီငွေကို မဖြတ်ဘူးဆိုရင်တောင် ကျမတို့မိသားစု ချွေချွေတာတာစားရင် ၂ ရက်လောက် ထမင်းစားလို့ ရတယ်” ဟု ဆိုသည်။

ကျန်းမာရေး စောင့်ရှောက်မှု လူမှုဖူလုံရေးကြေးကို လုပ်ငန်းရှင်ဘက်မှ ၂ ရာခိုင်နှုန်း၊ အလုပ်သမားဘက်မှ ၂ ရာခိုင်နှုန်း ထည့်ဝင်ရခြင်း ဖြစ်သည်။

လုပ်သက် ၄ နှစ်ကျော် ရှိပြီဖြစ်သည့် မနှင်းနွယ်ဦးကလည်း “ကျမတို့ဆီကတော့ လတိုင်း ဖြတ်တယ်။ ပိုက်ဆံတွေကိုကျ တော့ သွားမသွင်းဘူးဆိုတော့ ကိုယ့်ရဲ့ပိုက်ဆံတွေကို အလွဲသုံးစား လုပ်သလိုပဲ၊ ကိုယ့်ရဲ့ခံစားခွင့်တွေကို ချိုးဖောက်သလို ဖြစ်နေတယ်။ အလုပ်သမားတွေက လူမှုဖူလုံရေးကြေးကို အားကိုးတကြီးနဲ့ သွင်းထားတာလေ။ ကိုယ့်ရဲ့ ကျန်းမာရေး အတွက် သွင်းထားတဲ့ ပိုက်ဆံကို သူတို့ အလွဲသုံးစား လုပ်တာလေ။ သူတို့ကို ထိရောက်စွာ အရေးယူစေချင်တယ်” ဟု ဆို သည်။

World Jin အထည်ချုပ် စက်ရုံ လုပ်ငန်းရှင်သည် အလုပ်သမားများ၏ ဝင်ငွေမှ လူမှုဖူလုံရေးကြေး ထည့်ဝင်ရမည့် ငွေပမာ ဏကို လစဉ် ဖြတ်တောက်ခဲ့သော်လည်း အစိုးရထံသို့ ထည့်ဝင်ခြင်း မရှိသည်မှာ ၈ လခန့် ရှိပြီဟု မြို့နယ် လူမှုဖူလုံရေးရုံးမှ သိခဲ့ရကြောင်း ဆန္ဒပြ အလုပ်သမားများက ပြောဆိုသည်။

ထိုကဲ့သို့ ပျက်ကွက်မှုနှင့် ပတ်သက်၍ ညှိနှိုင်းရာ လုပ်ငန်းရှင်မှ နိုဝင်ဘာလ ၁၄ ရက်တွင် ၂ လစာ ပေးသွင်းပြီး ကျန် ၆ လစာကို ၁၂ လပိုင်း၌ နောက်ဆုံးထားကာ၂ ဖြတ် ခွဲသွင်းပေးမည်ဟု မြို့နယ် လူမှုဖူလုံရေးရုံးနှင့် ညှိနှိုင်းခဲ့ကြောင်း အလုပ် သမားများထံက သိရသည်။

ယင်းကိစ္စနှင့် ပတ်သက်၍ ဧရာဝတီက အလုပ်ရှင်ဘက်မှ သီးခြား အတည်ပြုချက် ရယူနိုင်ရန် ကြိုးစားသော်လည်း မရရှိခဲ့သလို ရွှေပြည်သာမြို့နယ် လူမှုဖူလုံရေးရုံးသို့ သွားရောက် မေးမြန်းခဲ့သော် လည်း ဖြေကြားပေးနိုင်ခြင်း မရှိကြောင်း ပြောဆိုသည်။

စက်ရုံ အလုပ်သမား မနှင်းနွယ်ဦးက “သူဋ္ဌေးကသာ ခွဲပြီး သွင်းတာ ရှိတာလေ။ လူမှုဖူလုံရေးကို သွားတဲ့အခါကျရင် သူတို့ က၂ လစာပဲ သွင်းထားတဲ့ အတွက် ခွင့် လုပ်ပေးမှာ မဟုတ်ဘူး။ အလုပ်သမားတွေဘက်မှာ အခက်အခဲ ရှိတယ်” ဟု ပြော သည်။

ထို့ပြင် လုပ်သက်ခွင့်၊ ရှောင်တခွင့်များ ရရှိရန်၊ လုပ်ခလစာနှင့် အချိန်ပိုကြေးများ၊ မှန်မှန်ကန်ကန် တွက်ရန်၊ လုပ်သက် ၁ နှစ်ပြည့်ပြီး အလုပ်သမားများ၏ ၁ ရက် လုပ်အားခနှုန်းထားကို ကျပ် ၅၀၀ တိုးမြှင့်ပေးရန်တို့ အပါအဝင် ချိုးဖောက်ခံနေရ သည့် အလုပ်သမား အခွင့်အရေးများကို ပြန်လည် ရရှိရန်လည်း တောင်းဆိုနေကြကြောင်း အလုပ်သမားများထံက သိရှိရ သည်။

လူမှုဖူလုံရေး နည်းဥပဒေ၏ အခန်း ၁၀၊ ပုဒ်မ ၉၂ တို့တွင် သက်ဆိုင်ရာ မြို့နယ် လူမှုဖူလုံရေးရုံးသည် အလုပ်ရှင်က ထည့် ဝင်ကြေးငွေနှင့် ပျက်ကွက်ကြေးများကို ပေးသွင်းရန် တမင်ပျက်ကွက်ကြောင်းတွေ့ရှိပါက တရားစွဲဆိုနိုင်ကြောင်း ပြဋ္ဌာန်း ထားသည်။

ထို့ပြင် အခန်း ၁၁ ပုဒ်မ ၉၃ တွင် တရားစွဲဆိုခံရသော အလုပ်ရှင်သည် ထည့်ဝင်ကြေးများနှင့် ပျက်ကွက်ကြေးများကို ပေး သွင်းရန် တမင် ပျက်ကွက်ကြောင်း ပြစ်မှုထင်ရှားလျှင် ၁ နှစ်ထက် မပိုသော ထောင်ဒဏ် ဖြစ်စေ၊ ငွေဒဏ်ဖြစ်စေ၊ ဒဏ်နှစ် ရပ်လုံးကို ဖြစ်စေ ချမှတ်နိုင်ကြောင်း ပြဋ္ဌာန်းထားသည်။

မနန်းခင်မွှေး က “စည်းကမ်း မတင်းကြပ်လို့ သူတို့က ချိုးဖောက်တာ၊ စည်းကမ်းသာ တင်းကြပ်မယ်ဆိုရင် လုပ်ငန်းရှင်က နိုင်ငံခြားသားလေ၊ သူက မြန်မာပြည်မှာ အလုပ် လာလုပ်နေတာ။ အစိုးရက တင်းတင်းကြပ်ကြပ် လုပ်တယ်ဆိုရင် သူဘယ် လိုလုပ် လုပ်ရဲမှာလဲ။ အစိုးက တင်းတင်းကြပ်ကြပ် မလုပ်လို့ သူဒီလို လုပ်ရဲတာလေ” ဟု ဆိုသည်။

ရောင်ခြည်ဦး အလုပ်သမားများ အဖွဲ့မှ မအေးစန္ဒာဝင်း က “အဲဒီလို ခွဲပြီး ပေးတာကို အစိုးရက လက်ခံတဲ့ ပုံစံဖြစ်နေတယ်။ အခု လက်ရှိမှာဆို လူမှုဖူလုံရေးကို သွားပြတဲ့ အလုပ်သမား ရှိတယ်။ ၁ ယောက်သွားပြမှ ၁ ယောက်ကို ကျနော် လုပ်ပေး မယ်ဆိုပြီး ရွှေပြည်သာ လူမှုဖူလုံရေး ဦးစီးမှူးက ဖြစ်နေတာက မကောင်းဘူး။ ဥပဒေကို သူတို့ (အစိုးရ)ကသာ အလုပ်သ မားတွေရဲ့ ကိုယ်ကျိုးစီးပွားအတွက်ကို တင်းတင်းကြပ်ကြပ် ကိုင်တွယ်မယ်ဆိုရင် ဒီလို ပြဿနာမျိုးက ဖြစ်လာစရာမလို ဘူး” ဟု ပြောသည်။

၎င်းက ဆက်လက်၍ “အလုပ်ရှင်တွေ အနေနဲ့ကလည်း မြန်မာပြည်မှာ ပြဋ္ဌာန်းထားတဲ့ ဥပဒေတွေကို လေးစားလိုက်နာဖို့ လိုအပ်သလို အလုပ်သမား ဥပဒေတွေကို စည်းကြပ်နေတဲ့ အလုပ်သမားဝန်ကြီးဌာနက လူတွေကလည်း သေသေချာချာ စိစစ်ကိုင်တွယ်နိုင်မှသာလျှင် လက်ရှိ တောင်းဆိုနေတဲ့ အလုပ်သမားအရေး ကိစ္စတွေက လျော့သွားမယ် ထင်တယ်။ အဲဒီ လို မဟုတ်ဘဲ လတ်တလော ဖြစ်လာတဲ့ ပြဿနာတွေ အပေါ်မှာပဲ အခြေခံပြီးတော့ ပြီးပြီးရော ဖြေရှင်းပေးနေမယ့် အပေါ် ယံမျိုးဆိုရင် အလုပ်သမားတွေရဲ့ဘဝက ဒီထက်ပိုပြီး ဆိုးရွားဖို့ပဲ ရှိတယ်” ဟု ပြောဆိုသည်။

The post လူမှုဖူလုံရေးကြေး အလွဲသုံးစားလုပ်ခံရ၍ အထည်ချုပ်စက်ရုံ အလုပ်သမားများ ဆန္ဒပြ appeared first on ဧရာဝတီ.

ကျောင်းသားဦးရေ နည်းပါးသော ကျောင်းများတွင် တိုင်းရင်းသားဘာသာ စာပေသင်ကြားမည့် ဆရာ/ဆရာမ ခန့် ထားရေးနှင့် ပတ်သက်၍ ဖြေလျှော့ခန့်ထားနိုင်ရေး ဆောင်ရွက်လျက်ရှိကြောင်း ပညာရေး ဝန်ကြီးဌာန ဒု ဝန်ကြီး ဦးဝင်းမော်ထွန်းက ပြောကြားသည်။

ဒု ဝန်ကြီးက “ပညာရေးဝန်ကြီးဌာနက မူလသတ်မှတ်ထားတဲ့ ကျောင်းသား၊ ကျောင်းသူ ၄၀ ရှိမှ ဆရာ ၁ ဦးခန့်မယ့် အစား ကျောင်းသား၊ ကျောင်းသူ ၂၀ ဦး ရှိရင် ဆရာ ၁ ဦး ခန့်ထားပေးနိုင်ရေး စီစဉ် ဆောင်ရွက်လျက် ရှိပါတယ်” ဟု ဆိုသည်။

နိုဝင်ဘာလ ၁၄ ရက် အမျိုးသား လွှတ်တော် ပုံမှန် အစည်းအဝေး၌ ချင်းပြည်နယ် မဲဆန္ဒနယ် အမှတ်(၈)မှ ဦးမာန် လောမောင်း မေးမြန်းသည့် ချင်းပြည်နယ် မင်းတပ်မြို့နယ်တွင် တိုင်းရင်းသား စာပေသင်ကြားသည့် ဆရာ/မ များ ထပ်မံ ခန့်ထားပေးရန် အစီအစဉ် ရှိ မရှိ မေးမြန်းသည့် အပေါ် အထက်ပါအတိုင်း ပြန်လည် ဖြေကြားခြင်း ဖြစ်သည်။

အမျိုးသား လွှတ်တော်ကိုယ်စားလှယ် ဦးမာန်လောမောင်းက မင်းတပ်မြို့နယ်တွင် တိုင်းရင်းသား စာပေသင်ကြားသူ ပေါင်း G (Grade)1, G- 2, G- 3 စုစုပေါင်း ၅၀၄၉ ဦးရှိရာ တိုင်းရင်းသားစာပေ သင်ကြားရမည့် ဆရာ/ဆရာမ ဦးရေ ၁၅၇ ဦးကို တင်ပြခဲ့သော်လည်း ၄၈ ဦးသာ ခန့်ထားသဖြင့် ၁၀၉ ဦး ခန့်အပ်ရန် ကျန်နေသေးကြောင်း လွှတ်တော်တွင် တင်ပြခဲ့သည်။

ဆက်လက်၍ ၎င်းက ထို ၄၈ ဦးသည်လည်း မြို့ပေါ်ကျောင်းနှင့် မြို့ပေါ် ဝန်းကျင် ကျောင်းများ၌သာ ခန့်ထားသည်ကို တွေ့ရှိရကြောင်း၊ တောင်ပေါ်ဒေသ ဖြစ်သည့် အလျှောက် ကျောင်းသားဦးရေ ၄၀ ပြည့်ရန် လေးငါးကျောင်း ပေါင်းမှ သာလျှင် ပြည့်နိုင်မည် ဖြစ်ပြီး တကျောင်းနှင့် တကျောင်းသည်လည်း အနည်းဆုံး ၄ မိုင်မှ ၁၀/၁၅ မိုင်ထိ ကွာဝေးကာ ဆိုင်ကယ်လမ်း ရှိသကဲ့သို့ ခြေကျင်ဖြင့် သွားရသည့် လမ်းများလည်း ရှိနေကြောင်း ရှင်းလင်း ပြောဆိုသည်။

ဦးမာန်လောမောင်းက “ဆရာမ တဦးမှ အဆိုပါ ကျောင်းများကို လိုက်လံသင်ကြားပေးပါက အမောဆို့ သေဖို့ပဲ ရှိတော့ တယ်။ ဖြစ်နိုင်ပါက တကျောင်းလျှင် ၁ ယောက်နှုန်း ခန့်ထားပေးနိုင်မှ ပိုမို ထိရောက်မယ်လို့ ထင်မိပါတယ်။ တိုင်းရင်း သား စာပေများကို သင်ကြားနိုင်ချင်ရင် အဲဒီလိုမှ မခန့်ထားဘူး ဆိုရင်တော့ ဗန်းပြ သင်ကြားရေးသာ ဖြစ်ပါလိမ့်မယ်” ဟု ပြောသည်။

ဒု ဝန်ကြီး ဦးဝင်းမော်ထွန်းက ချင်းပြည်နယ် မင်းတပ်မြို့နယ် အတွင်း G-1, G-2, G-3 ကျောင်းသား စုစုပေါင်း ၄၀ ဦး နှင့် အထက်ရှိသော ကျောင်းများတွင် ၂၀၁၇-၁၈ ပညာသင်နှစ်၌ Teaching Assistant (TA) ၁ ဦးနှင့် ၂၀၁၉-၂၀၂၀ ပညာသင်နှစ်၌ TA ၄၈ ဦး စုစုပေါင်း ၄၉ ဦး ခန့်ထားပေးခဲ့ပြီး ဖြစ်ကြောင်း ပြန်လည် ဖြေကြားခဲ့သည်။

သတ်မှတ် ကျောင်းသားဦးရေ မပြည့်မီသော ကျောင်းများတွင် ခန့်ထားပေးနိုင်ခြင်း မရှိခဲ့သော်လည်း ယခုအချိန်တွင် ပြန်လည် စိစစ်မှုအရ မင်းတပ်မြို့နယ်၌ ကျောင်းသားဦးရေ တိုးလာသည့်အတွက် TA ၅ ဦး ထပ်မံ ခန့်ထားပေးရန် စိ စစ်ဆောင်ရွက်နေသည် ဟုလည်း ၎င်းက ရှင်းလင်း ပြောဆိုသည်။

ချင်းပြည်နယ်တွင် လူဦးရေ ၄ သိန်း ၇ သောင်းခန့်သာ ရှိသော်လည်း ဘာသာစကား ၅၃ မျိုးရှိရာ မည်သည့် တခုကိုမျှ ချန်ထား၍ မရကြောင်း၊ ကလေးဦးရေ ၄၀ အနက် ၁၀ ဦးတမျိုး၊ ၂ ယောက် တမျိုး၊ ၅ ယောက် တမျိုးဖြစ်နေ၍ အများစု ဘာသာကို သင်ပေးမည် ဆိုသော်လည်း အခြေခံ ဥပဒေအရ လူနည်းစု၏ အခွင့်အရေးကို ထိခိုက်မည် ဖြစ်ကြောင်း ဦးဝင်းမော်ထွန်းက ဧရာဝတီကို ပြောသည်။

“အဲဒီတော့ အခု Data based ပေါ့။ နေရာနဲ့ မူလတန်းကျောင်းနဲ့ အဲဒီမှာ လူက အမှန် ဘယ်နှစ်ယောက်ရှိတာလဲ၊ ဘယ်လိုစကားပြောတဲ့ ကလေးက ဘယ်နှစ်ယောက်လဲ အထိ လိုက်လုပ်ရတယ်။ သင်မယ့်လူ ၂၀ မှ မရှိဘဲနဲ့ ဆရာ ခန့်ရင် စာရင်းစစ်က ကျနော်တို့ကို တွယ်လိမ့်မယ် မရဘူး။ အဲဒီလိုလေးတွေ ရှိပါတယ်” ဟု ၎င်းက ဆိုသည်။

လတ်တလောတွင် ချင်းပြည်နယ်၌ ဘာသာစကား ၅၃ မျိုး အနက် ဘာသာစကား ၂၀ ခန့် သင်ကြားပေးလျက် ရှိ ကြောင်း သိရသည်။

ယခုလို တိုင်းရင်းသား ဘာသာစာပေ သင်ကြားပေးခြင်းသည် မိမိတို့၏ ဘာသာစကားကို ပိုမို နီးစပ်မှုရှိပြီး သိခွင့်ရ သည့်အပြင် ထိန်းသိမ်းသည့် ပုံစံမျိုးဖြစ်ရာ ကောင်းမွန်ကြောင်း၊ ကလေးတွင် တီးတိန်၊ မီဇိုး၊ ဟားခါး၊ ဖလမ်း ၄ ခုကို အဓိက သင်ကြားပေးသည်ကို တွေ့ရကြောင်း ရှမ်း လူ့အခွင့်အရေး မဏ္ဍိုင်မှ ဆလိုင်းတေရက ပြောသည်။

“ဖြစ်နိုင်လို့ ရှိရင် မူလတန်းအဆင့်မှာ ကိုယ့်ဘာသာစကားကို ပိုပြီး သင်ကြားပေးရင် သူတို့ရဲ့ နားလည်မှုနှုန်း ပညာ သင်ယူမှုနှုန်း ပိုကောင်းမယ် ထင်တယ်။ ချင်းမှာဆို မြန်မာစာနဲ့ ကလေးတွေကို တိုက်ရိုက်သင်ရင် တအားစိမ်းတယ် လေ။ ကိုယ့်ဘာသာ မဟုတ်တော့ မသိဘူး။ ဒါကြောင့် ကိုယ့်ဘာသာစကားနဲ့ မူလတန်းမှာ သင်ရင် ပိုပြီး ကောင်းမွန် မယ်” ဟုလည်း ၎င်းက အကြံပြုသည်။

ပညာရေး ဝန်ကြီးဌာန အနေဖြင့် တိုင်းရင်းသား ဘာသာစာပေ သင်ကြားရေးနှင့် ပတ်သက်၍ သင်ကြားရေး အပိုင်းကို တာဝန်ယူသော်လည်း မူဝါဒပိုင်း ဆိုင်ရာတွင် တိုင်းရင်းသား လူမျိုးရေးရာ ဝန်ကြီးဌာန၏ လမ်းညွှန်မှုကို ခံယူဆောင် ရွက်သည်ဟု ဒု ဝန်ကြီးက ရှင်းပြသည်။

လတ်တလောတွင် အက္ခရာ ရှိပြီးသား တိုင်းရင်းသား ဘာသာစကား ၆၄ မျိုးကို အတည်ပြုပေးထားပြီး ဆရာ ခန့်အပ် ခြင်း၊ စာအုပ်ရိုက်ပေးခြင်း၊ သင်ခန်းစာ ပြုစုပေးခြင်းတို့ ဆောင်ရွက်ပေးကြောင်း ၎င်းက ပြောသည်။

ဦးဝင်းမော်ထွန်းက “အသင်ခံမယ့်သူတွေက သေချာဖို့ လိုတယ်။ ဒါ သင်မယ်၊ ဒီဒေသမှာ ဒါသုံးတယ်၊ ဒီစာ ရှိတယ်။ ဒါကို အများအားဖြင့် လက်ခံတယ်။ ဒါ သေချာဖို့ လိုတယ်။ လူခန့်ပေးတာ၊ နေရာပေးတာ၊ စာအုပ်ရိုက်ပေးတာ ဒါက လုပ်လို့ရတယ်။ ဘာမှ မခက်ခဲဘူး။ လုပ်လည်း လုပ်ပေးချင်တယ်” ဟု ဆိုသည်။

ပညာရေး ဝန်ကြီးဌာနနှင့် တိုင်းရင်းသား လူမျိုးများရေးရာ ဝန်ကြီးဌာနတို့ ပူးပေါင်း၍ တိုင်းဒေသကြီး/ပြည်နယ်များရှိ အခြေခံပညာ ကျောင်းများတွင် တိုင်းရင်းသား ဘာသာစာပေ သာမက ကျောင်းဘာသာရပ်များ သင်ကြားရာ၌ အထောက်အကူပြု နေ့စားလပေး ဆရာ၊ ဆရာမ TA နှင့် တိုင်းရင်းသား ဘာသာ စာပေသင်ကြားမည့် Language Teacher များ ခန့်ထားနိုင်ရေး ၂၀၁၆ မှ စတင်ကာ မူဝါဒများ ချမှတ် ဆောင်ရွက်ခဲ့ကြောင်း ဒု ဝန်ကြီးက ပြောသည်။

တိုင်းဒေသကြီး/ ပြည်နယ်များရှိ အခြေခံပညာ ကျောင်းများ၌ G1, G2, G3 ကျောင်းသား၊ ကျောင်းသူ ၄၀ ဦး ရှိမှသာ TA ၁ ဦးနှုန်းဖြင့် ခန့်ထားပေးခဲ့ရာ Teaching Assistant ၆၉၃၅ ဦးနှင့် Language Teacher ၁၇၅ ဦး စုစုပေါင်း ၇၁၁၀ ဦး ခန့်ထားပေးနိုင်ခဲ့ပြီ ဖြစ်ကြောင်း သိရသည်။

Teaching Assistant –TA သည် ဆယ်တန်းအောင်ပြီးသူ ဖြစ်ရမည်ကာ ယာယီဝင် လုပ်ပြီးနောက် ဆရာဖြစ် သင် တန်း ဆက်တက်ရမည် ဖြစ်ကြောင်း၊ နယ်ခံများကို ဦးစားပေး ခန့်အပ်ပြီး TA များသည် ၎င်းတို့၏ ဘာသာစကား သင် ကြားခြင်းအပြင် ၎င်းတို့၏ ဘာသာစကားကို အသုံးပြုကာ ပင်မ သင်ရိုးကိုလည်း ဝိုင်းကူသင်ပေးကြောင်း၊ အများအား ဖြင့် ၎င်းတို့သည် တပတ်လျှင် ၅ နာရီ သင်ရပြီး ထိုအတွက် ငွေကျပ် ၃ သောင်း သတ်မှတ်ထားကြောင်း သိရ သည်။

You may also like these stories:

ငြိမ်းချမ်းရေးအတွက် ပညာရေးမဟာဗျူဟာနှင့်ကျောင်းဆရာများ လိုနေပြီ

ပညာရေးက မြှားဦးဖြစ်ရမည်

The post တိုင်းရင်းသားစာပေသင်ကြားရေး ဆရာခန့်အပ်မှု သတ်မှတ်ချက် ဖြေလျှော့မည် appeared first on ဧရာဝတီ.

နယ်သာလန် နိုင်ငံသံရုံးက ၂၀၁၉ ခုနှစ် အတွက် လူ့အခွင့်အရေး ကျူလစ်မြန်မာ (Human Rights Tulip Myanmar 2019) ဆုကို လူမှုသဟဇာတ ဖော်ဆောင်ရေးအဖွဲ့ (Synergy)မှ ကိုသက်ဆွေဝင်းနှင့် အမျိုးသမီးများ အဖွဲ့ချုပ် (မြန်မာနိုင်ငံ) WLB တို့ကို ပေးအပ်ချီးမြှင့်ကြောင်း သတင်းထုတ်ပြန်လိုက်သည်။

နယ်သာလန် အစိုးရသည် မြန်မာနိုင်ငံဆိုင်ရာ လူ့အခွင့်အရေး Tulip ဆု ၂၀၁၉ ခုနှစ်ကို မတူကွဲပြားမှုများအကြား သဟဇာတ ဖြစ်သည့် လူ့အဖွဲ့အစည်းဖြစ်ရေးနှင့် လူ့အခွင့်အရေးဆိုင်ရာ စည်းရုံးလှုံ့ဆော်မှုများတွင် ထူးချွန်စွာ ဆောင်ရွက်ခဲ့သဖြင့် ၎င်းတို့အား ပေးအပ်ရန် ဆုံးဖြတ်ခြင်းဖြစ်ကြောင်း သံရုံး၏ ထုတ်ပြန်ချက်တွင် ဖော်ပြထားသည်။

“ကျမတို့ WLB က အမျိုးသမီးအရေး၊ လူ့အခွင့်အရေး ကာကွယ်မြှင့်တင်ရေး၊ ငြိမ်းချမ်းရေးတည်ဆောက်ရေးတို့ဟာ အဓိက ပင်မအုတ်မြစ်ဖြစ်တယ်။ အဲဒီအပေါ်မှာ တစိုက်မတ်မတ် အနှစ် ၂၀ ကျော်အတွင်းမှာ ကြိုးစားပြီး စည်းရုံး လှုံ့ဆော်မှုတွေ လုပ်တယ်။ ဖယ်ကြဉ် ခံထားရတဲ့သူတွေ လူ့အခွင့်အရေး ချိုးဖောက်ခံထားရသူတွေ နှုတ်ဆိတ်နေတဲ့ သူတွေ အတွက်ကို လှုပ်ရှားဆောင်ရွက်ခဲ့တဲ့ အကျိုးကျေးဇူးတွေ ပြန်ခံစားရတယ်လို့ ယူဆပါတယ်” ဟု WLB အထွေထွေအတွင်းရေးမှူး နော်ဆဲဆဲက ပြောသည်။

နှစ်ပေါင်း ၂၀ ကျော် အမျိုးသမီးများအရေး၊ လူ့အခွင့်အရေးအတွက် စွမ်းစွမ်းတမံ လုပ်ဆောင်နေသည့် ဂုဏ်သိက္ခာ ရှိသော အဖွဲ့တဖွဲ့ဖြစ်သည့် WLB အနေဖြင့် ထိုဆုကို ထိုက်ထိုက်တန်တန် ရရှိသည့်အတွက် ဂုဏ်ယူကြောင်းလည်း ဆု ရရှိသူတဦးဖြစ်သည့် ကိုသက်ဆွေဝင်းက မှတ်ချက်ပြုသည်။

“ဝမ်းသာပါတယ်။ လက်ရှိ မြန်မာ့နိုင်ငံရေး အခြေအနေအရ အရပ်ဖက် အဖွဲ့အစည်းတွေ တက်ကြွလှုပ်ရှားသူတွေ အ တွက် ပိုပြီးခက်ခဲတဲ့ အနေအထားတခု ရောက်နေတာမျိုး ရှိပေမယ့် ဒါကို မဆုတ်မနစ်နဲ့ ဆောင်ရွက်နေသူတွေ ရှိ တယ်။ ဒီပေးတဲ့ အဖွဲ့အစည်းက ရွေးချယ်လို့သာ ကျနော် ရလိုက်သော်ငြားလည်း ကျနော့်ထက် ပိုပြီး အသက်တွေ ဘဝတွေ ရင်းပြီးလုပ်နေကြတဲ့ တက်ကြွလှုပ်ရှားသူ လူ့အခွင့်အရေး ကာကွယ်မြှင့်တင်တဲ့သူတွေ အများကြီးရှိတယ် တ နိုင်ငံလုံးမှာ။ ဒီလူတွေအတွက်ကိုပါ ခွန်အားဖြစ်စေတဲ့ အရာတခုလို့ ကျနော့်အနေနဲ့ မြင်ပါတယ်” ဟု ကိုသက်ဆွေဝင်း က ဧရာဝတီကို ပြောသည်။

ယခုဆုကိုလည်း ၎င်းတယောက်တည်း ရသည့်ဆုဟု မယူဆဘဲ မြန်မာနိုင်ငံရှိ ပြည်သူအားလုံး၏ဘဝ ကောင်းစားရေး ကြိုးပမ်း ဆောင်ရွက်နေကြသည့် တက်ကြွလှုပ်ရှားသူများ၊ လူ့အခွင့်အရေးသမားများ အားလုံးကို ချီးမြှင့်သည့် ဆုဟု သတ်မှတ်ကြောင်း၊ နောက်နှစ်များတွင်လည်း လူငယ် တက်ကြွလှုပ်ရှားသူများ၊ လူငယ်အဖွဲ့အစည်းများကို ထပ်ပေးနိုင် မျှော်လင့်ကြောင်း ၎င်းက ဆိုသည်။

“ကျနော်တို့ကို နောက်ပြန်မလှည့်စေဖို့အတွက် အသိအမှတ်ပြု တစုံတရာ ရတယ်လို့ ယူဆတယ်။ ကျနော်တို့ လုပ်ဆောင်ခဲ့တာတွေဟာ အချည်းအနှီး မဖြစ်ဘူး အသိအမှတ်ပြု တစုံတရာရတယ်လို့ လက်ခံတယ်။ ဒါက ရှေ့ဆက် သွားဖို့အတွက် တွန်းအားပါပဲ။ ဒီမိုကရေစီနဲ့ လူ့အခွင့်အရေး မြန်မာနိုင်ငံမှာ ပေါ်ထွန်းလာဖို့အတွက်ကို လုပ်ကြတဲ့ ကိစ္စတွေမှာ တစုံတရာ တွန်းအားဖြစ်စေပါတယ်” ဟုလည်း ၎င်းက ဆိုသည်။

ကိုသက်ဆွေဝင်းသည် ၂၀၁၀ မှ စတင်ကာ တက်ကြွလှုပ်ရှားသူ တယောက်အနေဖြင့် လူငယ်အဖွဲ့အစည်းများတွင် ပါဝင် ဆောင်ရွက်ခဲ့သကဲ့သို့ လက်ရှိ၌လည်း မတူကွဲပြားသည့် ဘာသာလူမျိုးများ အကြား သဟဇာတ ဖြစ်အောင် နေထိုင်ရေး၊ ပဋိပက္ခ ကာကွယ် တားဆီးရေးကို အဓိကထား လုပ်ဆောင်နေသည့် Synergy ၏ အမှုဆောင် ဒါရိုက်တာအဖြစ်လည်း ပါဝင်ဆောင်ရွက်နေသည်။

မြန်မာနိုင်ငံဆိုင်ရာ နယ်သာလန် သံအမတ်ကြီး Wouter Jurgens က “နယ်သာလန်အစိုးရဟာ လူ့အခွင့်အရေးသည် စည်းမျဉ်းများကို အခြေခံတဲ့ ဒီမိုကရေစီစနစ်မှာ တည်ငြိမ်ရေးအတွက် မရှိမဖြစ် လိုအပ်တဲ့အရာတခုလို့ သတ်မှတ်ပါ တယ်။ ဒါကြောင့် လူ့အခွင့်အရေးအတွက် ခြွင်းချက်မရှိ ဘက်လိုက်မှု မရှိဘဲ ထုတ်ဖော်ပြောဆိုရဲတဲ့ (ကို)သက်ဆွေဝင်း နဲ့ အမျိုးသမီးများ အဖွဲ့ချုပ်တို့လို လူများကို လိုအပ်ပါတယ်” ဟု ပြောကြားသည်။

Human Rights Tulip Myanmar 2019 ဆုရရှိသူများကို ပြင်သစ်ယဉ်ကျေးမှု ဌာနတွင် ပြုလုပ်မည့် ဒီဇင်ဘာ ၁၂ ရက် အပြည်ပြည်ဆိုင်ရာ လူ့အခွင့်အရေးနေ့ အခမ်းအနားတွင် ချီးမြှင့်ပေးအပ်မည် ဖြစ်ကြောင်း သိရသည်။

နယ်သာလန် အစိုးရသည် ကမ္ဘာတဝန်း လူ့အခွင့်အရေး မြှင့်တင်ခြင်းနှင့် ကာကွယ်ခြင်းကို စွမ်းစွမ်းတမံ ဆောင်ရွက်ခဲ့ သည့် လူ့အခွင့်အရေး ကာကွယ်သူများအား တနှစ်တကြိမ် Human Rights Tulip ဆု ချီးမြှင့်လေ့ ရှိပြီး ယမန်နှစ်မှ စတင်ကာ ကမ္ဘာတလွှားရှိ နယ်သာလန် သံရုံးများက ပထမဆုံးအဖြစ် လူ့အခွင့်အရေး ကာကွယ်သူများကို သက်ဆိုင်ရာ နိုင်ငံအလိုက် Tulip ဆုများကို ပေးအပ်ချီးမြှင့်ခဲ့သည်။

Human Rights Tulip Myanmar 2018 ဆုကို လွတ်လပ်စွာ ထုတ်ဖော်ပြောဆိုခွင့်အတွက် လှုပ်ရှားဆောင်ရွက်နေ သည့် အသံ (Athan) အဖွဲ့ တည်ထောင်သူ ကဗျာဆရာ မောင်ဆောင်းခက ရရှိခဲ့သည်။

You may also like these stories:

အာဂျင်တီးနားတွင် ဒေါ်အောင်ဆန်းစုကြည် တရားစွဲခံရ

ရခိုင်အရေး နိုင်ငံတကာ ဖိအားများ “သမာသမတ် မရှိ”ဟု တပ်မတော် ပြော

ဦးနေဝင်းအိမ်ကို ငှားသောကြောင့် EU ပန်းချီပြပွဲမှ မြန်မာပန်းချီဆရာ နုတ်ထွက်

The post နယ်သာလန် လူ့အခွင့်အရေးဆိုင်ရာဆု ကိုသက်ဆွေဝင်းနှင့် အမျိုးသမီးများအဖွဲ့ချုပ်တို့ ရရှိ appeared first on ဧရာဝတီ.

တက်ကြွလှုပ်ရှားသူများ၊ လူ့အခွင့်အရေးကို ကာကွယ်သူများ၊ ဂျာနယ်လစ်များနှင့် သာမန်နိုင်ငံသားများမှာ မြန်မာ့တပ်မတော်နှင့် အစိုးရကို ဝေဖန်သည့်အမြင်များကို ထုတ်ဖော်ပြောဆိုခြင်းအတွက် ထောင်ချခံရမည့် ခြိမ်းခြောက်မှုတိုးလာနေခြင်းနှင့် ရင်ဆိုင်နေရသည်။

ပြီးခဲ့သည့် လများအတွင်းတွင် အစိုးရနှင့် တပ်မတော်ကို ဝေဖန်သူအများအပြား (အထူးသဖြင့် တပ်မတော်က ရေးဆွဲထားသော ၂၀၀၈ ဖွဲ့စည်းပုံ အခြေခံဥပဒေနှင့် နိုင်ငံရေးမှ တပ်မတော်၏ အခန်းကဏ္ဍကို စိန်ခေါ်သူများ)ကို သံတိုင်များနောက်သို့ ပို့ဆောင်ရန် ထုတ်ဖော်ပြောဆိုခြင်း ပုံစံအမျိုးမျိုးကို ရာဇဝတ်မှုမြောက်စေနိုင်သော ဥပဒေများကို အသုံးပြုခဲ့ကြသည်။

နောက်ဆုံး အမိန့်ချခဲ့သည့်အမှုမှာ ဒီမိုကရေစီနည်းမကျသည့် ၂၀၀၈ ခုနှစ် အခြေခံဥပဒေက တပ်မတော်ကို ပေးအပ်ထားသော နိုင်ငံရေး အခန်းကဏ္ဍကို သူတို့၏ ဖျော်ဖြေတင်ဆက်မှုတွင် သရော်ခဲ့ခြင်း အတွက် တပ်မတော်က တရားစွဲဆိုထား ပြီး ဧပြီလအတွင်းကထဲက ဖမ်းဆီးခံထားရသည့် ဒေါင်းတို့မျိုးဆက် သံချပ်အဖွဲ့ဝင် ၅ ဦးကို အောက်တိုဘာလ ၃၀ ရက်နေ့ တွင် အလုပ် နှင့် ထောင်ဒဏ် ၁ နှစ် ချမှတ် ခဲ့ခြင်း ဖြစ်သည်။ သံချပ်သည် လူကြိုက်များသည့် မြန်မာ့ရိုးရာ တင်ဆက်မှု အနုပညာတခုဖြစ်ပြီး နိုင်ငံရေးအရ သရော်ချက်များ ပါဝင်လေ့ရှိသည်။

သူတို့ ဖျော်ဖြေတင်ဆက်ခဲ့ရာ ရန်ကုန်ပြင်ပမှ မြို့နယ်အများအပြားတွင်လည်း သံချပ်အဖွဲ့ဝင်များကို တပ်မတော်က ထပ်မံ တရားစွဲဆိုထားခြင်းများနှင့် ရင်ဆိုင်နေကြရသည်။

အမှုတွင် တပ်မတော်ဘက်မှ တရားလိုဖြစ်သည့် ဒုတိယဗိုလ်မှူးကြီး သန်းထွန်းမြင့်က ရှေ့တန်းတွင် တိုက်ခိုက်နေပြီး သူတို့၏ အသက်များကို တိုင်းပြည်အတွက် စွန့်လွှတ်နေသည့် တပ်မတော်သားများကို ဝေဖန်ရင်း လူ့အခွင့်အရေးဆိုသည့် ခေါင်းစဉ်အောက်တွင် ပုန်းကွယ်ခွင့် မပြုသင့်ကြောင်း အောက်တိုဘာလ ၃၀ ရက်နေ့တွင် မီဒီယာသို့ ပြောကြားခဲ့သည်။

“ကျနော်တို့က တရားမျှတမှုကို လိုလားလို့ ဥပဒေရဲ့ အဆုံးအဖြတ်ကို ခံယူသွားတာပါ။ အခု ဆုံးဖြတ်လိုက်တာလဲ ဥပဒေနဲ့ အညီဆောင်ရွက်တယ်လို့ မြင်တယ်” ဟု သူက ထပ်ပြောသည်။

ဧပြီလမှ စတင်၍ တပ်မတော်က တရားစွဲဆိုခြင်းခံရသူ အနည်းဆုံး ၁ ဒါဇင် ရှိပြီဖြစ်သည်။ အချို့မှာ ထောင်ဒဏ်ချမှတ်ခံခဲ့ရပြီးဖြစ်သည်။

၎င်းတို့ထဲတွင် ထင်ရှားသည့် ရုပ်ရှင်ဒါရိုက်တာနှင့် လူ့အခွင့်အရေးတက်ကြွလှုပ်ရှားသူ (ဦး)မင်းထင် ကိုကိုကြီး နှင့် တပ်မ တော်မှ ဗိုလ်ကြီးဟောင်း ဦနေမျိုးဇင် တို့လည်းပါဝင်သည်။ သူတို့ ၂ ဦးလုံးကို ဒီမိုကရေစီ မဆန်သည့် အခြေခံ ဥပဒေ၊ တပ် မတော်ခေါင်းဆောင်များနှင့် နိုင်ငံရေးတွင် တပ်မတော်၏ ပါဝင်ပတ်သက်မှုတို့ကို ဝေဖန်ခြင်းအတွက် ရာဇသတ်ကြီး ပုဒ်မ ၅၀၅(က) (ဒေါင်းတို့မျိုးဆက် သံချပ်အဖွဲ့ကို ထောင်ချရာတွင် အသုံးပြုခဲ့သော အလားတူပုဒ်မ) အရ ထောင်ဒဏ် ၁ နှစ်စီ ချမှတ်ခြင်းခံခဲ့ရသည်။

အာမခံမရနိုင်သည့် ရာဇဝတ်မှုဖြစ်သော ပုဒ်မ ၅ဝ၅(က)၌ တပ်မတော်တွင် အမှုထမ်းနေသော တပ်မတော်သားများအား စစ်ပုန်ကန်ခြင်း၊ သက်ဆိုင်ရာ တာဝန်ဝတ္တရားများကို မလေးစားစေခြင်း၊ ပျက်ကွက်စေခြင်းသော်လည်း ကောင်း၊ ပြုစေ ရန်အကြံရှိလျှင် သို့မဟုတ် ထိုသို့ ဖြစ်စေတန်ရာသည့် အကြောင်းရှိလျှင် ထိုသူကို အမြင့်ဆုံး ထောင်ဒဏ် ၂ နှစ်ဖြစ်စေ၊ ငွေဒဏ်ဖြစ်စေ၊ ဒဏ် ၂ ရပ်လုံးကိုဖြစ်စေ ချမှတ်နိုင်ကြောင်း ပြဌာန်းထားသည်။

နောက်ထပ် တရားစွဲခံရသူများထဲတွင် မန္တလေးမှ ရဟန်း ၂ ပါး၊ တနင်္သာရီတိုင်းမှ အခြေခံဥပဒေပြင်ဆင်ရေးကို ထောက်ခံသည့် လူထုချီတက်ပွဲတခုတွင် မိန့်ခွန်းပြောခဲ့သည့် စာရေးဆရာတဦး၊ တပ်မတော်၏ မြေသိမ်းမှုကို မေးခွန်းထုတ်ခဲ့သော တနင်္သာရီတိုင်းမှ လယ်သမားတဦးနှင့် ဧရာဝတီသတင်းဌာန(မြန်မာပိုင်း)မှ အယ်ဒီတာတို့ ပါဝင်သည်။

ဦးနေမျိုးဇင်၊ ရှေ့နေ ဦးကြီးမြင့် နှင့် ကဗျာဆရာစောဝေတို့ကို ပုဒ်မ ၅၀၅(က) အရ တပ်မတော်က တရားစွဲဆိုလာခြင်းကို အောက်တိုဘာလ ၃၁ ရက်နေ့တွင် တနင်္သာရီတိုင်း ကော့သောင်းမြို့နယ် တရားရုံးက လက်ခံခဲ့သည်။ သူတို့ ၃ ဦးက ကော့သောင်းမြို့နယ်တွင် ဧပြီလ အတွင်းက ပြုလုပ်ခဲ့သည့် လူထုချီတက်ပွဲတခု၌ အခြေခံဥပဒေကို ဝေဖန်သည့် မိန့်ခွန်းများ ပြေားကြားခဲ့သောကြောင့် တရားစွဲခံရခြင်း ဖြစ်သည်။

လွတ်လပ်စွာ ထုတ်ဖော်ပြောဆိုခွင့်ကို တောင်းဆိုသည့် အဖွဲ့အစည်းတခုဖြစ်သော “အသံ” အဖွဲ့မှ မောင်ဆောင်းခက ဧပြီ လနောက်ပိုင်းတွင် ဝေဖန်ပြောဆိုမှုအတွက် တပ်မတော်က တရားစွဲဆိုသည့် အရေအတွက် တိုးလာသည်ကို သူတို့မြင် တွေ့ရကြောင်းပြောသည်။

တရားစွဲဆိုမှု အရေအတွက်တိုးလာခြင်းသည် လွှတ်တော်တွင် အခြေခံဥပဒေပြင်ဆင်ရန် အာဏာရ အမျိုးသား ဒီမိုကရေစီ အဖွဲ့ချုပ်(NLD)၏ ကြိုးစားမှုများကြောင့် နိုင်ငံရေးဖိအားများတိုးလာနေခြင်းတွင် အခြေခံသည်ဟု သူက ယုံကြည်သည်။

ဇူလိုင်လ အတွင်းက ဧရာဝတီနှင့် စကားပြောရာတွင် တပ်မတော်ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းက အမှု အရေအတွက်တိုးလာခြင်းသည် နိုင်ငံရေး လှုံ့ဆော်မှုကြောင့် မဟုတ်ကြောင်း ညင်းဆိုသွားခဲ့သည်။ တပ်မတော်ကို အသရေဖျက်သည့်သူ အရေအတွက် တိုးလာခြင်းကို ရောင်ပြန်ဟပ်ခြင်းမျှသာ ဖြစ်သည်ဟု သူကပြောသည်။

“တကယ်လို့ သူတို့က တပ်မတော်ကို မစော်ကားဘူးဆိုရင် ကျနော်တို့က သူတို့ကို တရားစွဲဖို့ အကြောင်းမရှိပါဘူး။ အဖွဲ့အစည်းတခုအနေနဲ့ သူ့ဂုဏ်သိက္ခာကို ကာကွယ်ဖို့ တပ်မတော်မှာ အခွင့်အရေးရှိပါတယ်။ တကယ်လို့ တစုံတယောက်က အဲဒါကို ထိခိုက်လာမယ်ဆိုရင် ကျနော်တို့က သူတို့ကို အရေးယူဆောင်ရွက်ဖို့ လိုပါတယ်” ဟု သူက ပြောသည်။

တပ်မတော်က ဝေဖန်မှုများကို သည်းမခံကြောင်း ကာလရှည်ကြာစွာ သိခဲ့ကြပြီး ဖြစ်သော်လည်း ဒီမိုကရေစီ အစိုးရသည်လည်း ဝေဖန်သူများကို တရားစွဲဆိုရန် ဆန္ဒရှိသည့်နေရာတွင် များစွာ နောက်ကျန်မနေခဲ့ဟု မောင်ဆောင်းခ က ထပ်ပြော သည်။

လွှတ်တော်ကိုယ်စားလှယ်များနှင့် အစိုးရတာဝန်ရှိသူများကလည်း နိုင်ငံတော်၊ နိုင်ငံတော်ခေါင်းဆောင်များ သို့မဟုတ် တသီးပုဂ္ဂလများအား ဝေဖန်ပြောဆိုမှုများကို ရာဝတ်မှုမြောက်စေသည့် အသရေဖျက်မှု နှင့် အခြားဥပဒေများကို အသုံးပြုနေသည်ဟု သူက ဆိုသည်။

အသံ အဖွဲ့၏ အစီရင်ခံစာတစောင်အရ ၂၀၁၃ ခုနှစ် နှောင်းပိုင်းမှ ၂၀၁၉ ခုနှစ် ဇွန်လ အထိကာလအတွင်းတွင် ဝေဖန်ခြင်း ဟု ယူဆရသည်များကို ဆက်သွယ်ရေးဥပဒေအရ တရားစွဲဆိုသည့် အသရေဖျက်မှု ၂၇ ခုရှိပြီး တပ်မတော်က စွဲဆိုသည့် အမှု ၁၆ ခုရှိသည်။

အစိုးရတာဝန် ရှိသူများကလည်း နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုကို ကာကွယ်ပေးရေး ဥပဒေ နှင့် ရာဇသတ်ကြီး ပုဒ်မ ၅၀၀၊ ၅၀၅(က)နှင့် ၁၂၄(က) များအရ အသရေဖျက်မှုနှင့် သွေးတိုးလှုံ့ဆော်မှုများဖြင့် တရား စွဲဆိုခြင်းများ ပြုလုပ်ခဲ့သည်ဟု မောင်ဆောင်းခက ပြောသည်။

ယခုနှစ် ဇွန်လ အတွင်းတွင် လွိုင်ကော်မြို့၌ ဗိုလ်ချုပ်အောင်ဆန်း ရုပ်ထု တည်ဆောက်ခြင်းနှင့် ပတ်သက်၍ ကယားပြည် နယ် အစိုးရနှင့် အညင်းပွားခဲ့သော ကရင်နီလူငယ် ၆ ဦးကို ပြည်နယ် အစိုးရက နိုင်ငံသားများ၏ ပုဂ္ဂိုလ်ဆိုင်ရာ လွတ်လပ် မှုနှင့် ပုဂ္ဂိုလ်ဆိုင်ရာ လုံခြုံမှုကို ကာကွယ်ပေးရေး ဥပဒေအရ တရားစွဲဆိုခဲ့ပြီး နောက်ပိုင်းတွင် ဖမ်းဆီးခြင်းခံခဲ့ရသည်။ သူတို့ကို လွိုင်ကော်မြို့နယ် တရားရုံးက အလုပ်နှင့် ထောင် ၆ လချမှတ်လိုက်သည်။

“တက်ကြွလှုပ်ရှားသူတွေ၊ နိုင်ငံရေးသမားတွေနဲ့ လူ့အခွင့်အရေး ကာကွယ်သူတွေ အားလုံးအတွက် အလွန်ကို အန္တရယ် ကြီးတဲ့ အခြေအနေတရပ်ဖြစ်လာပါတယ်။ ကျနော်တို့ရဲ့ ရပ်တည်မှုတွေ မှတ်ချက်တွေအတွက် အချိန်မရွေး အဖမ်းခံရနိုင်ပါတယ်” ဟု မောင်ဆောင်းခက ပြောသည်။

နိုင်ငံရေး အကျဉ်းသားများ ကူညီရေးအဖွဲ့(AAPP) ၏ အတွင်းရေးမှူး ကိုဘိုကြည်က လတ်တလော ဆက်တိုက် ဖမ်းဆီးမှု များက အစိုးရနှင့် တပ်မတော်ကို ဝေဖန်မည့်သူများအပေါ် စိတ်ပျက်အားလျော့စေသည့် သက်ရောက်မှု ရှိနေသည်ဟု ပြောသည်။

“သူတို့ကို ဝေဖန်မှုတွေ တိတ်ဆိတ်သွားအောင် ရည်ရွယ်ချက်နဲ့ သူတို့က စိုးရိမ်ကြောက်လန့်မှုကို ဖြန့်ဖြူးပေးနေတာ” ဟု နိုင်ငံရေး အကျဉ်းသားဟောင်း တဦးလည်း ဖြစ်သည့် ကိုဘိုကြည်က ဆိုသည်။

ဒီမိုကရေစီနှင့် လူ့အခွင့်အရေးကို အမှန်တကယ်လေးစားသည်ဆိုပါက အစိုးရအနေဖြင့် အာဏာပိုင်များကို ဝေဖန်ခြင်းက ရာဇဝတ်မှုမြောက်သည့် ဥပဒေများနှင့် ဥပဒေပါ အချက်များကို ပြန်လည်သုံးသပ်ရန်၊ ပြင်ဆင်ရန် သို့မဟုတ် ပယ်ဖျက်ရန် လွှတ်တော်တွင် လူများစုနေရာရထားခြင်းကို အသုံးပြုသင့်ကြောင်း သူက ထပ်ပြောသည်။

(San Yamin Aung ၏ In Myanmar, Courts Increasingly Used to Silence Criticism of Military and Govt ကို ဆီလျော်အောင် ဘာသာပြန်သည်။)

You may also like these stories:

နယ်သာလန် လူ့အခွင့်အရေးဆိုင်ရာဆု ကိုသက်ဆွေဝင်းနှင့် အမျိုးသမီးများအဖွဲ့ချုပ်တို့ ရရှိ

ရခိုင်အရေး နိုင်ငံတကာ ဖိအားများ “သမာသမတ် မရှိ”ဟု တပ်မတော် ပြော

မြန်မာကို စစ်ဆေးရန် ICC အတည်ပြု

The post ဝေဖန်သံတွေ တိုးတိတ်သွားအောင် တရားရုံးတွေကို အသုံးချလာနေကြသည် appeared first on ဧရာဝတီ.

ပိတ်ပင်ထားသည့် အစွန်းရောက်အဖွဲ့အစည်းဖြစ်သည့် ဂျမက် အူ မူဂျာဟေဒင် ဘင်္ဂလားဒေ့ရှ် (JMB) ကို လူသစ်စုဆောင်းပေးသည်ဟူသော သံသယဖြင့် စစ်တကောင်းတွင် မြန်မာနိုင်ငံမှ ဒုက္ခသည် အမျိုးသားတဦးနှင့် ဒေသခံတဦး ဘင်္ဂလားဒေ့ရှ် တရားဥပဒေစိုးမိုးရေးအေဂျင်စီများက ဖမ်းဆီးလိုက်သည်။

ထိုနှစ်ဦးကို ကော့ဗဇားနှင့် နယ်နိမိတ်ခြင်းထိစပ်နေသည့် ဆိပ်ကမ်းမြို့ဖြစ်သော ပါတီယာ ခရိုင်ခွဲတွင် ဖမ်းဆီးခဲ့ခြင်းဖြစ်သည်။ ကော့ဗဇားတွင် လွန်ခဲ့သော နှစ်နှစ်က မြန်မာနိုင်ငံတွင် စစ်ရေးချေမှုန်းမှုကြောင့် ထွက်ပြေးလာသော ရိုဟင်ဂျာမွတ်ဆလင် သိန်းနှင့်ချီနေထိုင်သော စခန်းများရှိသည်။

အဖမ်းခံရသူနှစ်ဦးဖြစ်သည့် ဘင်္ဂလားဒေ့ရှ် နိုင်ငံမြောက်ပိုင်း ရပ်ရှဟီ ခရိုင်မှ အသက် ၃၅ နှစ်အရွယ် မိုဟာမက် အဗ္ဗဒူလာအယ်လ် ဆေယက်နှင့် အသက် ၃၃ နှစ်အရွယ် ဒုက္ခသည် မိုဟာမက် အစ္စမေးလ် တို့ကို စစ်တကောင်း တရားရုံးတွင် တင်ပြီးနောက် ရမန်ရယူခဲ့ကြောင်း ပါတီယာ ရဲစခန်းမှ တာဝန်ခံ ဘော်ဟန် အူဒင်ကပြောသည်။

ထပ်မံစုံစမ်းစစ်ဆေးမှုများကို စောင့်နေစဉ်အတွင် ၎င်းတို့နှစ်ဦးကို ဆက်လက်ထိန်းသိမ်းထားမည်ဟုလည်း သူပြောသည်။

ဆေယက်သည် ရပ်ရှဟီ အရပ်မှ လာသော်လည်း ကော့ဗဇားရှိ တက်ကနက်ခရိုင်ခွဲမှ လီဒါတွင် နေထိုင်ဖူးကြောင်းနှင့် အစ္စမေးလ်သည် တက်ကနက် နာရာပါရာမှ စခန်း ၁ မှဖြစ်ကြောင်း ဘင်္ဂလားဒေ့ရှ် ရဲတပ်ဖွဲ့၏ လျှပ်တပျက် တပ်ဖွဲ့(RAB) ကကြာသပတေးနေ့တွင် ထုတ်ပြန်သည့်ကြေညာချက်တွင်ဖေါ်ပြထားသည်။ ရဲတပ်ဖွဲ့၏ စစ်ဆင်ရေးများမှ ထွက်ပြေးစဉ် ထိုနှစ်ဦးလုံးကို ဖမ်းမိခြင်းဖြစ်သည်။

လက်ရှိ JMB အဖွဲ့ဝင်များသည် အစွန်းရောက်ဝါဒ စာအုပ်များနှင့် လက်ကမ်းစာစောင်များဝေရန် စစ်တကောင်းမှ ကော့ဗဇားသို့ အများပြည်သူသုံး ဘတ်စ်ကားဖြင့်လာနေကြောင်း RAB က သတင်းရရှိသည်ဟု ဆိုသည်။

ရှာဖွေစဉ်အတွင်း အကြမ်းဖက်ဝါဒ လှုံ့ဆော်သော လက်ကမ်းစာစောင်များနှင့် အစွန်းရောက် စာအုပ် ၆ အုပ် သိမ်းဆည်းမိကြောင်း ထိုကြေညာချက်က ဆိုသည်။

၎င်းတို့သည် ဟာဒစ် (မိုဟာမက်၏ တရားများ) နှင့် ကိုရမ်ကျမ်းကို မှားယွင်းသော ဖွင့်ဆိုမှုများပြုုလုပ်ပြီး လူငယ်များနှင့် အခြား အပြစ်ကင်းသူများကို ပစ်မှတ်ထား ရည်ရွယ်ကြောင်း ထိုသံသယရှိသော အစွန်းရောက်နှစ်ဦးက စစ်ဆေးစဉ် ဝန်ခံသည်ဟု RAB ၏ ကြေညာချက်အရ သိရသည်။

JMB အဖွဲ့ဝင်များသည် ဒုက္ခသည်များ၏ အကူအညီဖြင့် တက်ကနက်တွင် စည်းရုံးရေးလုပ်ငန်းများ လုပ်ရန်ကြိုးစားနေသည်ဟု RAB ကပြောကြောင်း ဒါကာအခြေစိုက် Daily Star သတင်းစာက ဆိုသည်။

အစ္စမေးလ်သည် မြန်မာဘက်ခြမ်းမှ ခိုလုံလာသူ ဖြစ်ကြောင်းနှင့် သူနှင့်ဆေယက်တို့သည် ကော့ဗဇားမှ လူများအာကားတွင် လက်ကမ်းစာစောင်နှင့် စာအုပ်များ ဖြန့်ချိရန် ကြံစည်နေစဉ် RAB က သူတို့ကို ဖမ်းဆီးလိုက်ခြင်းဖြစ်ကြောင်း စစ်ဆင်ရေးကို ဦးဆောင်သူ RAB 7 မှ လက်ထောက်ရဲအုပ် မာစကာ ရာမန် ကပြောသည်။

Daily Star သတင်း၏ အဆိုအရ ဆေယက်သည် အစိုးရဆန့်ကျင်ရေးလုပ်ငန်းမျးတွင် ဒေသခံများပါဝင်ရန် လူသစ် စုဆောင်း ရေး ရည်ရွယ်ချက်ဖြင့် တက်ကနက်သို့ သွားလာနေသည်မှာ လွန်ခဲ့သော ၂ နှစ်ခန့်မှပင်ဖြစ်ကြောင်း သိရသည်။

“ အစ္စမေးလ်က ၂၀၁၇ ခုနှစ် ရိုဟင်ဂျာတွေ ဝင်ရောက်ချိန်မှာ ဘင်္ဂလားဒေ့ရှ်ကို ရောက်လာတာ။ သူက စက်တပ် လန်ခြား မောင်းသမား လုပ်ဖူးတယ်။ အဲဒီလန်ခြားကိုမောင်းရင်း ဆေယက်နဲ့ မိတ်ဆွေဖြစ်တာ” ဟု ထို RAB အရာရှိကပြောသည်ဟု ထိုသတင်းကဆိုသည်။ “နောက်တော့ အစ္စမေးလ်က သူကနေတဆင့် အဲဒီအဖွဲ့ကို ဝင်လိုက်တာ” ဟုလည်း ပြောကြောင်း ဖေါ်ပြထားသည်။

RAB-7 တပ်ရင်းမှူး ဒုတိယဗိုလ်မှူးကြီး မိုရှီဝါ ရာဟာမန် ဂျူဝယ်က “ဒေသခံလူငယ်တွေကို အကြမ်းဖက်မှုကျူးလွန်ရေး လှုံ့ဆော်ဖို့နဲ့ လူသစ်စုဆောင်းဖို့ ကော့ဗဇားကို လာတာလို့ သူတို့က ကျနော်တို့ကို ပြောထားတယ်” ဟု ပြောကြောင်းလည်း သတင်းက ဆိုသည်။

မြန်မာနိုင်ငံသို့ ပြန်လည်ပို့ဆောင်ရန် ကြန့်ကြာနေပါက ရိုဟင်ဂျာကလေးများသည် လူငယ်များဖြစ်လာသောအခါ အကြမ်းဖက်ဝါဒ၏ ဆွဲဆောင်မှုကို ခံရနိုင်သည့် အန္တရာယ်ရှိကြောင်း ၂၀၁၉ ခုနှစ် ဧပြီလက ဘင်္ဂလားဒေ့ရှ် ထိပ်တန်း အကြမ်းဖက်မှုတိုက်ဖျက်ရေး ရဲအရာရှိတဦးက ပြောကြားခဲ့ဖူးသည်။

ရိုဟင်ဂျာများရှိနေခြင်းသည် ဘင်္ဂလားဒေ့ရှ်နိုင်ငံအတွက် ကြီးမားသော ပြဿနာရှိကြောင်းနှင့် အစိုးရသည် ၎င်းတို့ကို မြန်မာနိုင်ငံသို့ ငြိမ်းချမ်းစွာပြန်လည်ပို့ဆောင်ရေးအတွက် နည်းလမ်းရှာနေကြောင်း ဒါကာမှ အကြမ်းဖက်မှုတိုက်ဖျက်ရေးနှင့် နိုင်ငံဖြတ်ကျော်မှုခင်းဌာန အကြီးအကဲ မိုနီရူ အစ္စလမ်ကပြောကြောင်း ဧရာဝတီသတင်းဌာနက ယခင်ကပင် ဖေါ်ပြခဲ့ပြီးဖြစ်သည်။

လွန်ခဲ့သောအပတ်က ဘင်္ဂလားဒေ့ရှ် အစိုးရအဖွဲ့ ငြိမ်ဝပ်ပိပြားရေးကော်မတီ ဥက္ကဌသည် ကော့ဗဇားရှိ ရိုဟင်ဂျာစခန်းများမှ ရာဇဝတ်မှု ကိန်းဂဏန်းများကို ဆွေးနွေးခဲ့ပြီး စခန်းများအတွင်း အခြေအနေမှာ ယခင်ကာလအားလုံးထက်ကောင်းမွန်ကြောင်း ကြေညာခဲ့သည်။

(ဒါကာမြို့ရှိ ဧရာဝတီသတင်းထောက် Muktadir Rashid ၏ Rohingya Man Among Two Arrested in Bangladesh for Aiding Extremists ကို ဘာသာပြန်ဆိုဖော်ပြသည်။)

You may also like these stories:

AA စစ်ဦးစီးချုပ်၏ ညီမနှင့် ယောက်ဖတို့ကို အကြမ်းဖက်မှု ဥပဒေဖြင့် တရားရုံးတင်

မန္တလေးက AA ဖောက်ခွဲရေးအမှု တရားလိုကို စတင် စစ်ဆေး

ရခိုင်အသင်း(စင်ကာပူ)အမှု ၊ AA နှင့်ပတ်သက်သည့် သက်သေခံနှစ်ခု တရားရုံးလက်ခံ

The post အစွန်းရောက်များကို ကူညီသောကြောင့် ဘင်္ဂလားဒေ့ရှ်တွင် နှစ်ဦး အဖမ်းခံရ၊ ဒုက္ခသည် တဦး ပါဝင် appeared first on ဧရာဝတီ.

ရှမ်းပြည်နယ် မြောက်ပိုင်း လားရှိုးမြို့ ပေါ်ရှိ ရပ်ကွက် တချို့ ရှော့တိုက်ဒုံးများဖြင့် ယနေ့ မနက်ပိုင်း က ပစ်ခတ် တိုက်ခိုက်ခြင်း ခံခဲ့ရသဖြင့် နေအိမ်အချို့ ပျက်စီးခဲ့ပြီး အမျိုးသမီးတဦး ဒဏ်ရာ ရရှိခဲ့ကြောင်း ဧရာဝတီက စုံစမ်း သိရှိရသည်။

လားရှိုးမြို့၏ အနောက်ဘက် မီတာ ၁၅၀၀ အကွာရှိ ဗြုန်းတောင်ဆိုသည့် နေရာမှ ရှော့တိုက်ဒုန်း ၆ လုံးဖြင့် ပစ်ခတ်ရာ ၄ လုံးကွဲ၍ ၂ လုံးမှာ မကွဲကြောင်း၊ ၂ လုံးမှာ နယ်မြေခံ တပ်ရင်း၏ နောက်ဘက်သို့ ကျရောက်ခဲ့ကြောင်း တပ်မတော်မှ ပြောရေးဆိုခွင့် ရှိသူ ဗိုလ်မှူးချုပ် ဇော်မင်းထွန်းက ပြောသည်။

ဗိုလ်မှူးချုပ် ဇော်မင်းထွန်း က “ရပ်ကွက်ထဲကို ကျတာကတော့ အမျိုးသမီး တယောက် လက်မှာ ထိခိုက် ဒဏ်ရာ ရတယ်။ မစိုးရိမ်ရဘူး။ အဲဒါကြောင့် ကျနော်တို့ တပ်တွေနဲ့ နယ်မြေစိုးမိုးရေး ပြန်လည် ဆောင်ရွက်လျက် ရှိပါတယ်။ အခုလာပစ်တာ TNLA အဖွဲ့ ပါပဲ” ဟု ပြောသည်။

လားရှိူးမြို့ပေါ်သို့ ရှော့တိုက်ဒုံးများဖြင့် ပစ်ခတ်တိုက်ခိုက်မှုနှင့် ပတ်သက်ပြီး ပလောင် (တအန်း) အမျိုးသား လွတ်မြောက်ရေး တပ်မတော် (TNLA) က သတင်းများအရ သိရှိသော်လည်း မည်သူ့ လက်ချက်ဆိုသည်ကို တိတိကျကျ မသိသေးကြောင်း ပြောသည်။

TNLA မှ ပြောရေးဆိုခွင့်ရှိသူ မိုင်းအိုက်ကျော် က “လားရှိုးဖြစ်စဉ်က ကျနော်တို့လည်း သတင်းပေါ်မှာ တွေ့တယ်။ ဘယ်သူ့လက်ချက်လဲ မသိဘူး။ ကျနော်တို့နဲ့ တိုက်ပွဲ ဖြစ်နေတာက ကျောက်မဲဘက်မှာပဲ ရှိတယ်။ ဒီကိစ္စ ဘယ်သူ့လဲဆိုတာ ဘာမှ ထဲထဲဝင်ဝင် မသိသေးဘူး” ဟု ပြောသည်။

လားရှိုးဒေသခံ ဦးလှမင်းသန်းကလည်း လားရှိုးမြို့ ပညာရေး ကောလိပ်၏ အနောက်ဘက် ဗြုန်းတောင်ပေါ်မှ ပစ်ခတ်သဖြင့် လူတဦး အနည်းငယ် ထိခိုက်ပြီး အိမ်အုတ်နံရံများ၊ ကားတစီးတို့တွင် ထိလိုက်မှု တချို့ ရှိကြောင်း ပြောသည်။

ဦးလှမင်းသန်းက “ဒေသခံတွေကတော့ ကြောက်လန့်နေတာပေါ့။ ဘယ်နေရာမှာ ဘယ်လိုကျမလဲဆိုတာ ဘာမှ မသိနိုင်ဘူးလေ။ အသံ ကြားလိုက် လန့်နေရလိုက်ပေါ့။ အခုကလည်း ကျချင်တဲ့နေရာကျ ဆိုတော့ အခုလည်း ကျတဲ့နေရာက ၂ နေရာ။ သူတို့ ပစ်တာတွေက ခန့်မှန်းလို့ မရဘူးဆိုတော့ ကြောက်ကြတယ်။ ဘယ်အဖွဲ့ က လုပ်တာလည်းတော့ မသိဘူး” ဟု ပြောသည်။

လားရှိူးမြို့ခံ သတင်းထောက် တဦးကလည်း “သူတို့ ပစ်ခတ်တယ်ဆိုတာ လူနေအိမ်ခြေတွေကို ပစ်ခတ်သလို ဖြစ်တော့ အရပ်သားတွေ အလကားနေ ထိခိုက်ရတယ်။ ပစ်ခတ်ခံရတဲ့ တချို့အိမ်တွေဆိုလို့ရှိရင် လူမရှိလို့ ရှိရင် တော်တော်များများ ထိခိုက်မယ့် အခြေအနေတွေရှိတယ်။ လူနေရပ်ကွက်တွေဘက်ကို ပစ်တာ မဖြစ်စေချင်ဘူး” ဟု ဧရာဝတီသို့ ပြောသည်။

ယခု ဖြစ်စဉ် မတိုင်ခင် နိုဝင်ဘာလ ၁၃၊ ၁၄ ရက်နေ့များက ပြည်ထောင်စု လမ်းမကြီးပေါ်တွင် လုံခြုံရေး ယူနေသည့် တပ်မတော် စစ်ကြောင်းများကို ချောင်းမြောင်း ပစ်ခတ်သဖြင့် တိုက်ပွဲများ ဖြစ်ပွားခဲ့ကြောင်း၊ ကွတ်ခိုင်မြို့၏ တောင် ဘက်နှင့် မြောက်ဘက်တို့တွင် ဖြစ်ပွားခဲ့ခြင်း ဖြစ်ကြောင်း တပ်မတော်ဘက်က ပြောသည်။

ဗိုလ်မှူးချုပ် ဇော်မင်း ထွန်းက “အခုလည်း တပ်ကိုလည်းပစ်တယ်။ လူနေရပ်ကွက်ကိုလည်း ပစ်တဲ့သဘောပဲ။ တပ်ဘက်ကိုရော အရပ်ဘက်ကိုရော ပစ်တဲ့ သဘောပဲ။ လူနေရပ်ကွက်ကို ပစ်တာကတော့ တည်ဆဲဥပဒေအရ ရာဇဝတ်မှုကို ကျူးလွန်သလိုမျိုး ဖြစ်နေတယ်။ စစ်ဘက်ပစ်မှတ် မဟုတ်တာကို တမင်ရည်ရွယ်ပြီး လာပစ်သလို ဖြစ်နေတယ်” ဟု ပြောသည်။

ပြီးခဲ့သည့် မတ်လ ၁၅ ရက်နေ့ကလည်း မန္တလေးတိုင်း ပြင်ဦးလွင်မြို့ နယ်ရှိ တပ်မတော် နည်းပညာ တက္ကသိုလ် နှင့် ရှမ်းပြည်နယ် နောင်ချိုမြို့ တို့ရှိ တပ်မတော် အဆောက်အဦများကို ပလောင်(တအန်း) အမျိုးသား လွတ်မြောက်ရေး တပ်မတော် (TNLA) နှင့် မြောက်ပိုင်း မဟာမိတ် ၃ ဖွဲ့က ရှော့တိုက်ဒုံးများ အသုံးပြု၍ တိုက်ခိုက်မှုများ ပြုလုပ်ခဲ့သေးသည်။

ယမန်နေ့ည ၁၁ နာရီ ၄၅ မိနစ်ခန့်ကလည်း ရခိုင်ပြည်နယ် ရသေ့တောင်မြို့ အရှေ့ဘက်တွင်ရှိသည့် နယ်မြေခံ တပ်ရင်းကို ရက္ခိုင့်တပ်မတော် (AA) အဖွဲ့က လက်နက်ကြီးများဖြင့် ပစ်ခတ်ခဲ့ကြောင်း သို့သော်လည်း ထိုပစ်ခတ်မှုကြောင့် တပ်မတော်ဘက်မှ ထိခိုက်ဒဏ်ရာ ရရှိမှု မရှိကြောင်း တပ်မတော်ဘက်က ပြောသည်။

You may also like these stories:

ကျောက်မဲ အခြေစိုက် တပ်မတော် တပ်ရင်းဌာနချုပ်တခု လက်နက်ကြီးဖြင့် တိုက်ခိုက်ခံရ

ရှမ်းမြောက်တိုက်ပွဲများ၌ ပြည်သူကို ပစ်မှတ်ထားမှု ရပ်တန့်ရန် အရပ်ဖက်အဖွဲ့များ တောင်းဆို

The post လားရှိူးမြို့ပေါ်ရပ်ကွက်တချို့ ရှော့တိုက်ဒုံများဖြင့် ပစ်ခတ်တိုက်ခိုက်ခံရ appeared first on ဧရာဝတီ.

အစိုးရကို ပေးသွင်းရန် ရွှေအကြွေးကျန်သည့်အတွက် အချုပ်နှင့် တရားရင်ဆိုင်နေရသည့် အမျိုးသားကြီးပွား တိုးတက်ရေး ကုမ္ပဏီ ဥက္ကဌ ဦးစိုးထွန်းရှိန် သာမက အခြား ကျန်ရှိနေသည့်ကုမ္ပဏီ ၁၃၀ ကျော်ကို တရားစွဲဆို သွားမည်ဖြစ်ကြောင်း သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောသည်။

ယမန်နေ့ နိုဝင်ဘာလ ၁၅ ရက် နေပြည်တော် သတင်းစာရှင်းလင်းပွဲတွင် ဦးဇော်ဌေးက “တရားစွဲဆိုဖို့ ဆောင်ရွက်တဲ့ ကုမ္ပဏီ စုစုပေါင်း ၁၃၈ ရှိတယ်။ အဲ့ဒီမှာမှ နို့တစ်စာ ပို့ထားတာက တရားစွဲဖို့ ဆောင်ရွက်နေ တာက ကုမ္ပဏီပေါင်း ၁၀၄ ခုရှိတယ်” ဟုပြောသည်။

အစိုးရထံသို့ ပေးသွင်းရန် ကျန်ရှိနေသည့် ကုမ္ပဏီ ၁၅၃ ခု မှ အောက်တိုဘာ ၃၀ ရက်အထိ အစိုးရထံသို့ ပေးသွင်းရန် ရွှေကြွေးကျန်စုစုပေါင်း ရွှေစင် ပိဿာ ၁၃၀ ကျော် (ကျပ်သား တသောင်း သုံးထောင်ကျော်) ကျန်ရှိနေကြောင်းနှင့် ကုမ္ပဏီ ၁၃၈ ခုကို တရားစွဲဆိုရန် စီစဉ်နေကြောင်း ဦးဇော်ဌေးက ဆိုသည်။

အမျိုးသားကြီးပွားတိုးတက်ရေး ကုမ္ပဏီကို တရားစွဲသကဲ့သို့ နိုင်ငံတော်သို့ ရွှေကြွေးကျန် ပေးသွင်းရန် ကျန်ရှိနေသည့် အခြားကုမ္ပဏီများကိုလည်း တရားစွဲဆိုသွားမည် ဖြစ်ကြောင်းကို ဧရာဝတီ၏ မေးမြန်းမှုကို ဦးဇော်ဌေးက အထက်ပါ အတိုင်း ပြန်လည် ဖြေကြားသည်။

လက်ရှိတွင် အမျိုးသားကြီးပွားတိုးတက်ရေးကုမ္ပဏီ ဥက္ကဌဖြစ်သူ ဦးစိုးထွန်းရှိန် သတ္တုတွင်း ဥပဒေပုဒ်မဖြင့် ရမည်းသင်း တရားရုံးတွင် တရားစွဲဆိုကာ အမှုစစ်ဆေးလျက်ရှိသည်။

ဦးစိုးထွန်းရှိန်သည် ရမည်းသင်း မြို့နယ်ရှိ မိုးထိမိုးမိ ရွှေသတ္ထုတူးဖော်ရေး လုပ်ကွက်ရှိ မြေဧက ၆၁၀၀ ကျော်ပေါ်တွင် အမျိုးသား ကြီးပွားတိုးတက်ရေး ကုမ္ပဏီ အမည်ဖြင့် ရွှေလုပ်ကွက် လုပ်ကိုင်ခဲ့ပြီးနောက် အစိုးရသို့ ပေးသွင်းရမည့် သတ်မှတ် ရွှေပိဿာချိန်များကို ပေးသွင်းမှု မရှိသည့် အပြင် ရွှေတူးဖော် လုပ်ကိုင်ခွင့် ပိတ်သိမ်းခံရပြီးချိန်အထိ တရားမဝင် တူးဖော်မှုများ ပြုလုပ်သည် ဟုဆိုကာ ၂၀၁၈ သြဂုတ်လတွင် ရမည်းသင်းမြို့မ ရဲစခန်း၌ မြန်မာ့သတ္ထုတွင်း ဥပဒေ ပုဒ်မ ၃၀ (က) ဖြင့် အမှုဖွင့်ခံခဲ့ရခြင်း ဖြစ်သည်။

နိုင်ငံတော်သို့ပေးသွင်းရန် ကျန်ရှိသည့် ကုမ္ပဏီစုစုပေါင်းသည် ၁၇၀ ဖြစ်ပြီး ကုမ္ပဏီ ၁၇ ခုမှာ ထပ်နေသဖြင့် ကြွေးကျန် ကုမ္ပဏီ ၁၅၃ ခုဖြစ်ပြီး ထိုကုမ္ပဏီများအနက် စာရင်းပယ်ဖျက်မည့် ကုမ္ပဏီ ၃၂ ခုရှိကာ တရားစွဲဆိုရန် ဆောင်ရွက်ထားသည့် ကုမ္ပဏီ ၁၃၈ ခုရှိကြောင်း သိရသည်။

တရားစွဲဆိုရန် ဆောင်ရွက်သည့် ကုမ္ပဏီ ၁၃၈ ခုအနက်မှ Lawyer Notice ပေးပို့ထားပြီး တရားစွဲဆိုရန်ဆောင်ရွက်ဆဲ ကုမ္ပဏီ ၁၀၄ ခု၊ တရားစွဲဆိုရန် Lawyer Notice ပေးပို့ထားပြီး တရားမမှု အဆိုပြုလွှာ မူကြမ်း တင်ပြရန် ဆောင်ရွက်နေသည့် ကုမ္ပဏီ ၁၆ ခုရှိသည်။ တရားစွဲဆိုရန် ဥပဒေရုံးသို့ တင်ပြထားပြသည့် ကုမ္ပဏီ ၄ ခု၊ တရားစွဲပြီးသည့် ကုမ္ပဏီ ၁၂ ခုနှင့် တရားရုံး အမိန့် ချပြီး ကုမ္ပဏီ ၂ ခုရှိကြောင်း ဦးဇော်ဌေးကပြောသည်။

မြန်မာနိုင်ငံတွင် လုပ်ကွက်ကြီးများဖြစ်သည့် ရွှေလုပ်ငန်း၊ သတ္တုတွင်း လုပ်ငန်း၊ မြေလုပ်ငန်း များကို လုပ်ကိုင်နေသည့် ကုမ္ပဏီ အများစုမှာ ယခင်ကတည်းက လက်ဝါးကြီးအုပ်ပြီး လုပ်ကွက်များကို ရယူခဲ့ကြောင်း၊ လုပ်ကွက်များအတွင်း ထင်သလောက် ရွှေမထွက်ခြင်းနှင့် ဈေးကွက်ပျက်သည့် ကိစ္စများ ဖြစ်ပေါ်လာသည့် အတွက် ကုမ္ပဏီများ အနေဖြင့် ရွှေ အကြွေးကျန်သည့် ကိစ္စရပ်များ ဖြစ်ပေါ်လာခြင်း ဖြစ်ကြောင်း စီးပွားရေးနှင့် ဘဏ္ဍာရေး ဖွံ့ဖြိုးတိုးတက်မှုကော်မတီဟောင်း ဖြစ်သူ ဦးအောင်လှိုင်ဝင်းက ဆိုသည်။

ပြည်သူ့လွှတ်တော် ကိုယ်စားလှယ်လည်း ဖြစ်သူ ဦးအောင်လှိုင်ဝင်းက “ဒီလိုအကြွေးတွေ မပေးနိုင်ဘူးဆိုရင် နိုုင်ငံတကာ မှာလို မြန်မာနိုင်ငံ လူမွဲခံယူမှု ဥပဒေ ဆိုတာ ရှိတယ်ပေါ့နော်။ မပေးနိုင်တာကြီးကို ထောင်ချပြီး တောင်းတာထက်စာရင် သူ့ရဲ့ ပိုင်ဆိုင်မှုတွေကို ထုခွဲရောင်းချပြီး ပေးလို့ ရတယ်”ဟု ဆိုသည်။

ထိုသို့ လူမွဲအဖြစ် ခံယူပြီးပါက ထိုသူသည် ကုမ္ပဏီ ထပ်ထောင်၍ မရသကဲ့သို့ ရွေးကောက်ပွဲများတွင်လည်း လွတ်တော် ကိုယ်စားလှယ်၊ အခြားနိုင်ငံရေး ရာထူးများနှင့် အစရှိသည်များကို ပြုလုပ်၍ မရသည့် ကန့်သတ်ချက်များ ရှိနေကြောင်း ယင်းဥပဒေမှာလည်း နိုုင်ငံတော်သမ္မတထံ တင်ပြထားပြီး ဖြစ်သဖြင့် မကြာခင် အတည်ပြုတော့မည် ဖြစ်ကြောင်း သိရသည်။

အမှုရင်ဆိုင်ခြင်း မရှိဘဲ ဦးစိုးထွန်းရှိန်သည် ၁ နှစ်ကျော်ကြာ ထွက်ပြေး တိမ်းရှောင်နေခဲ့ခြင်းကြောင့်၂၀၁၉ ခုနှစ် မတ်လ အတွင်းက ဦးစိုးထွန်းရှိန်ပါ ၅ ဦးအား ရဲတပ်ဖွဲ့က တရားခံပြေး ကြေညာခဲ့သည်။

ထိုင်း-မြန်မာ ၂ နိုင်ငံ ပူးပေါင်း ဆောင်ရွက်မှုဖြင့် ထိုင်းရဲတပ်ဖွဲ့မှ နိုဝင်ဘာ ၆ ရက်က လက်ရ ဖမ်းဆီးရမိခဲ့ကာ ထိုင်းနိုင်ငံ မယ်ဆိုင်မြို့မှ မြန်မာနိုင်ငံ တာချီလိတ်မြို့သို့ မြန်မာနိုင်ငံ ရဲတပ်ဖွဲ့မှ လွှဲပြောင်းရယူခဲ့ပြီး ရမည်သင်း အကျဉ်းထောင်တွင် ချုပ်နှောင်ထားခဲ့ခြင်း ဖြစ်သည်။

သတ္တုတွင်း ဥပဒေ ပုဒ်မ၃၀(က) ဖြင့် ရမည်းသင်း ရဲစခန်းတွင် ဦးစိုးထွန်းရှိန်နှင့် အတူ အမှုဖွင့်ခံထားရသူမှာ ၄ ဦး ဖြစ်ပြီး ၎င်းတို့မှာ ညီညီလွင်၊ ခင်ဇော်၊ မင်းမင်းစိုး၊ စောမောင်တို့ ဖြစ်ကြောင်း ရဲတပ်ဖွဲ့က ထုတ်ပြန်ထားသည်။

ဦးစိုးထွန်းရှိန် ပိုင်ဆိုင်သည့် အမျိုးသား ကြီးပွားတိုးတက်ရေး ကုမ္ပဏီသည် မိုးထိမိုးမိဒေသ၌ အကြီးစား ရွှေတူးဖော်ရေးကို ၂၀၁၁ ခုနှစ်က နှစ်ရှည် လုပ်ကိုင်ခွင့်ရခဲ့ခြင်း ဖြစ်ကာ ၁ လလျှင် ရွှေပိဿာချိန် ၉၀ ကျော် ထုတ်လုပ်လျက်ရှိပြီး ကုမ္ပဏီ အနေဖြင့် နိုင်ငံတော်သို့ ပေးသွင်းရမည့် ရွှေစင်များ ပေးသွင်းနိုင်ခြင်း မရှိဘဲ ရွှေပိဿာချိန် ၁၃၀၀ ကျော် အကြွေးကျန်နေသည့် အတွက်၂၀၁၇ တွင် ရွှေတူးဖော်ခွင့် ရပ်ဆိုင်းခဲ့ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီး ဌာနက ထုတ်ပြန်ခဲ့သည်။

You may also like these stories:

(ဦး) စိုးထွန်းရှိန် အမှု တရားလို စတင်စစ်ဆေး

မြန်မာ-ထိုင်း နယ်စပ် ကုန်သွယ်ရေး ဒေါ်လာ ၁ ဘီလီယံ ရောက်ဖို့ မျှော်မှန်း

အစိုးရ သတ်မှတ်နှုန်း နောက်ကွယ်က ဆန်စပါး ဈေးကွက်

The post ရွှေအကြွေးကျန် ကုမ္ပဏီတွေကို အစိုးရ တရားစွဲမည် appeared first on ဧရာဝတီ.

ရခိုင်ပြည်နယ် မြောက်ပိုင်းမှ ထွက်ပြေးသွားသော မွတ်စလင် ဒုက္ခသည်များ နေရပ်ပြန်လာရေး ပြဿနာ မပြေလည်သေးသည့်အပေါ် ဘင်္ဂလားဒေ့ရှ် အစိုးရတွင် တာဝန်ရှိကြောင်း မြန်မာအစိုးရ ပြောရေးဆိုခွင့်ရှိသူ သမ္မတရုံး ညွှန်ကြားရေးမှူးချုပ် ဦးဇော်ဌေးက ပြစ်တင် ပြောဆိုလိုက်သည်။

မနေ့က နေပြည်တော်ရှိ သမ္မတအိမ်တော်တွင် ကျင်းပပြုလုပ်သည့် သတင်းစာ ရှင်းလင်းပွဲတွင် ၎င်းက အထက်ပါအတိုင်း ပြောဆိုလိုက်ခြင်း ဖြစ်သည်။

“ဘင်္ဂလားဒေ့ရှ်နိုင်ငံဘက်က ပူးပေါင်းဆောင်ရွက်မှု မရှိသရွေ့ ဒီပြဿနာ အရှုပ်ထွေးကြီးက ရှိနေမှာပဲ။ ၉၃ ခုနှစ် မှာလည်း ပြဿနာ ဖြစ်တယ်။ ပူးပေါင်းဆောင်ရွက်တယ်။ အောင်မြင်တယ်။ အခု ဘင်္ဂလားဒေ့ရှ်ဘက်က ပူးပေါင်း ဆောင်ရွက်မှု မရှိလို့ ဒီပြဿနာ ဖြစ်နေရတာ”ဟု ဦးဇော်ဌေးက ပြောသည်။

၎င်းက “ဘင်္ဂလားဒေ့ရှ်က နိုင်ငံတကာမှာ ကျရင်တော့ မြန်မာကို အရေးယူပေးပါ။ ပိတ်ဆို့ပေးပါ။ ဒါမျိုးတွေ ပြောလာတာတွေ ရှိတယ်။ ဒါမျိုးတွေက မလုပ်သင့်ဘူးလို့ ကျနော်တို့က မြင်တယ်။ မလုပ်သင့်၊ မလုပ်ထိုက်တာတွေကို လုပ်လာတယ်လို့ ကျနော်တို့က မြင်တယ်”ဟု ပြောသည်။

ယခုအခါ ရခိုင်ပြည်နယ် မြောက်ပိုင်း ဘင်္ဂလားဒေ့ရှ် နယ်စပ်အနီး မြန်မာ လုံခြုံရေး စခန်းများကို အကြမ်းဖက်အဖွဲ့ အာရကန် ရိုဟင်ဂျာ ကယ်တင်ရေးတပ် (ARSA) အဖွဲ့ ဝင်ရောက် တိုက်ခိုက်ခြင်းအား မြန်မာ့ လုံခြုံရေး တပ်ဖွဲ့ဝင်များက ပြန်လည် စစ်ဆင်ရာတွင် ဒုက္ခသည် ၇ သိန်းကျော် အိမ်နီးချင်း ဘင်္ဂလားဒေ့ရှ် နိုင်ငံသို့ ထွက်ပြေးသွားခဲ့ပြီး နိုင်ငံတကာက မြန်မာကို ဖိအားပေးလျက် ရှိသည်။

အစ္စလမ်မစ်နိုင်ငံများ ပူးပေါင်းဆောင်ရွက်ရေးအဖွဲ့ (OIC) အသင်းဝင်နိုင်ငံများက ကျားကန်ပေးထားသော ဂမ် ဘီယာနိုင်ငံက မြန်မာနိုင်ငံကို အပြည်ပြည်ဆိုင်ရာ တရားရုံး (ICJ) တွင် တရားစွဲ ဆိုခြင်း၊ မြန်မာ အစိုးရ၊ တပ်မတော် ခေါင်းဆောင်းများ အာဂျင်တီးနား တရားရုံးတွင် တရားစွဲခံရခြင်းနှင့် အပြည်ပြည်ဆိုင်ရာ ရာဇဝတ်မှု တရားရုံး (ICC) ကမြန်မာကို စုံစမ်းစစ်ဆေးရန် သဘောတူသည့် ဖြစ်ရပ်များ ယခုရက်ပိုင်းအတွင်း ဖြစ်ပွားလျက်ရှိသည်။

“ကျနော်တို့နဲ့ ဘင်္ဂလားဒေ့ရှ်နဲ့ စကားပြောတယ်။ ကျနော်တို့နဲ့ ပြောပြီးရင် မီဒီယာကိုကျတော့ တမျိုး ပြောတယ်။ အဲဒါကြောင့် ဘယ်လိုလုပ်ရလဲဆိုတော့ တရုတ်နိုင်ငံခြားရေး ဝန်ကြီး၊ မြန်မာဘက်က ဦးကျော်တင့်ဆွေ၊ ဘင်္ဂလားဒေ့ရှ် နိုင်ငံခြားရေး ဝန်ကြီး ၃ ပွင့်ဆိုင် ထိုင်ပြီးတော့ ပြောရတယ်။ ဒါမှလည်း သက်သေ အထောက်အထားနဲ့ ကျနော်တို့က ပြောလို့ရမှာ”ဟု သမ္မတရုံး ညွှန်ချုပ်က ပြောသည်။

နောက်ဆုံးအကြိမ် ကုလသမဂ္ဂ အထွေထွေညီလာခံသို့ မြန်မာကိုယ်စားလှယ် နိုင်ငံတော် အတိုင်ပင်ခံရုံး ဝန်ကြီးဌာန ဝန်ကြီး ဦးကျော်တင့်ဆွေ သွားရောက်စဉ် ဒုက္ခသည်အရေး ဆွေးနွေးရာ၌ ကုလ အတွင်းရေးမှူးချုပ်၊ မြန်မာ၊ တရုတ်၊ ဘင်္ဂလားဒေ့ရှ် နိုင်ငံခြားရေး ဝန်ကြီးများ တွေ့ ဆုံဆွေးနွေးခဲ့ကြောင်း သိရသည်။

“အဲဒီတုန်းကလည်း ဘယ်တော့လောက် စပါမယ်ဆိုပြီး တရုတ်ရှေ့ မှာ ကတိပေးတယ်။ ကတိပေးတော့ ကျနော်တို့ကလည်း တကယ် အဟုတ်ပေါ့နော်။ ကျနော်တို့ဘက်က ပြင်ဆင်စရာ ရှိတာတွေ ပြင်ဆင်တယ်။ သို့သော် မစဖြစ်ဘူး။ မစတင်နိုင်ဘူး” ဟု ဦးဇော်ဌေးက ပြောသည်။

ရခိုင်အရေး အစိုးရ၏ ဖြေရှင်းချက်များသည် လက်ရှိ အခြေအနေထက် ပိုကောင်းလာသည် မရှိဘဲ ပိုဆိုးနေသည်ကို တွေ့၇ကြောင်း၊ ပြန်လက်ခံမယ်ဆိုရင်လည်း ဒုက္ခသည်များ၏ လုံခြုံရေး၊ နိုင်ငံသား ဖြစ်ခွင့်နှင့် ရသင့်ရထိုက်သည့် အခွင့်အရေးများကို ရရှိအောင် အစိုးရက ဆောင်ရွက်ပေးရမည် ဖြစ်ကြောင်း အစ္စလာမ် ဘာသာဝင် နိုင်ငံရေး အကျဉ်းသားဟောင်း ဦးထွန်းကြည်က ပြောသည်။

“အဲဒါတွေကို မျက်ကွယ်ပြု လျစ်လျူရှုမယ်ဆိုရင် နိုင်ငံတကာ ဖိအားတွေက ပိုသထက် ပိုတိုးလာမယ်။ ဘင်္ဂလားဒေ့ရှ် အတွက်လည်း ဒုက္ခသည်ရဲ့ ဝန်ထုတ်ဝန်ပိုးကြောင့် နိုင်ငံတကာကို ဖိအားပေးနေပြီ။ တို့တိုင်းပြည်က အသွင်ကူးပြောင်းရေး ကာလမှာ ဒီလိုမျိုးတွေ ရင်ဆိုင်ကြုံတွေ့နေရတာဆိုတော့ တိုင်းပြည်က မိအေး ၂ ခါနာ မဟုတ်ဘူး။ ၃၊ ၄ ခါလောက်ကို နာနေရပြီ”ဟု ဦးထွန်းကြည်က သုံးသပ်သည်။

ဘင်္ဂလားဒေ့ရှ်နိုင်ငံ ဒုက္ခသည်စခန်းတွင် ဒုက္ခသည်များ အနေကြာလာပြီး မြန်မာဘက်သို့ ပြန်မပို့ဘဲ အချိန်ဆွဲနေမည် ဆိုပါက အချိန်ကြာလာသည်နှင့်အမျှ လူသားချင်းစာနာထောက်ထားမှုဆိုင်ရာ အကျပ်အတည်းများ ဖြစ်လာမည်ကို မြန်မာဘက်က စိတ်ပူနေသည်။

“ဘင်္ဂလားဒေ့ရှ်က အိမ်နီးချင်းနိုင်ငံ ပီပီသသနဲ့ ပူးပေါင်းဆောင်ရွက်မှု မဖြစ်မနေ လိုတယ်။ ဘင်္ဂလားဒေ့ရှ်ဘ က်က ပူးပေါင်း ဆောင်ရွက်မှု မရှိရင် ကြာလာရင် ဒီ Humanitarian Crisis က ကြီးသထက် ကြီးလာမယ်။ အဲဒီလို ဖြစ်လာရင် ဘယ်သူ့မှာ တာဝန်ရှိမလဲဆိုတော့ အဲဒီလို လက်ခံထားပြီးတော့ ဒီ Repatriation Process ကို မစတင် နိုင်အောင် လုပ်တဲ့ ဘင်္ဂလားဒေ့ရှ်မှာပဲ တာဝန်ရှိလိမ့်မယ်”ဟု သမ္မတရုံး ညွှန်ချုပ် ဦးဇော်ဌေးက ပြောသည်။

၎င်းက ဆက်၍ “ကျနော်တ်ို့ဘက်က အားလုံး Ready လုပ်ထားပြီးသား။ ဒီကိစ္စကို ICC တို့ ဘာတို့က စွပ်စွဲမှုတွေ လုပ်သည် ဖြစ်စေ၊ ပြဿနာကြီး အရှုပ်အထွေးကြီးက ဘင်္ဂလားဒေ့ရှ် နယ်ထဲမှာ ရှိနေပြီ။ ဒီဟာကို ဖြေရှင်းရေးပေါ့နော်။ ဒီပြဿနာ ဖြေရှင်းရေးကို ဦးတည်တဲ့ ချည်းကပ်မှုနဲ့ ဘင်္ဂလားဒေ့ရှ်ကလည်း ချည်းကပ်သင့်တယ်။ မြန်မာနိုင်ငံကို တရားစွဲလိုက်လို့ ဒီပြဿနာ ပြေလည်သွားတာ မဟုတ်ဘူး”ဟု ပြောသည်။

မြန်မာဘက်သို့ ဒုက္ခသည်များ မပြန်လိုကြောင်း သတင်းလွှင့်နေသော်လည်း ၂၀၁၉ ခုနှစ်၊ ဧပြီလမှ ၂၀၁၉ ခုနှစ် နိုဝင်ဘာလအထိ အမျိုးသား ၂၃၉ ဦး၊ အမျိုးသမီး ၁၇၆ ဦး စုစုပေါင်း ၄၁၅ ဦးသည် ဘင်္ဂလားဒေ့ရှ် အစိုးရ၏ အစီအစဉ်ဖြင့် မဟုတ်ဘဲ ၎င်းတို့ ဆန္ဒအတိုင်း ပြန်လည် ဝင်ရောက်လာပြီ ဖြစ်ကြောင်း သမ္မတရုံးက ပြောသည်။

၎င်းတို့ထဲတွင် ဟိန္ဒူဘာသာဝင် ၁၁ ဦး ပါဝင်ပြီး ကျန်သူများမှာ မွတ်စလင်များ ဖြစ်ကြောင်း၊ ပြန်ဝင်လာသူများသည် ၎င်းတို့၏ မူလ နေရာများတွင် နေထိုင်ရန် အဆင်မပြေသေးသဖြင့် ၎င်းတို့၏ ဆန္ဒအရ ဆွေမျိုးများ၏ နေအိမ်တွင် ဖြစ် စေ၊ အိမ်ငှား၍ ဖြစ်စေ နေထိုင်လျက်ရှိကြောင်း သတင်းရရှိသည်။

You may also like these stories:

အာဂျင်တီးနားတွင် ဒေါ်အောင်ဆန်းစုကြည် တရားစွဲခံရ

မြန်မာကို စစ်ဆေးရန် ICC အတည်ပြု

ရခိုင်အရေး နိုင်ငံတကာ ဖိအားများ “သမာသမတ် မရှိ”ဟု တပ်မတော် ပြော

The post ဒုက္ခသည် နေရပ်ပြန်ရေး ဘင်္ဂလားဒေ့ရှ်ကို မြန်မာ အပြစ်တင် appeared first on ဧရာဝတီ.

သီရိလင်္ကာနိုင်ငံ၏ ၈ ကြိမ်မြောက် သမ္မတ ရွေးကောက်ပွဲတွင် ဂိုတာဘာယာ ရာဇပက်ဆာ Gotabaya Rajapaksa  အနိုင်ရရှိခဲ့သည်။ နိုဝင်ဘာလ ၁၆ ရက်နေ့တွင်က ပြုလုပ်ခဲ့သည့် ရွေးကောက်ပွဲတွင် ပြင်းထန်သည့် အမျိုးသားရေးဝါဒီတို့၏ ထောက်ခံမှုဖြင့် အလယ်အလတ် ဝါဒီ ဆာဂျစ် ပရီမာဒါဆာ Sajith Premadasa ကို ကျော်ဖြတ် နိုင်ခဲ့ခြင်း ဖြစ်သည်။

အသက် ၇၀ အရွယ် ဂိုတာဘာယာ ရာဇပက်ဆာက သူ့ကို ထောက်ခံမည်ဟု မျှော်လင့်ထားသည့် မဲဆန္ဒနယ်များ၏ ထောက်ခံမှုကို ရရှိခဲ့ကြောင်း အစောပိုင်း ရလဒ်များက ဖော်ပြနေသည်။ အထူးသဖြင့် ကျေးလက်အချက်အချာနေရာကို လွှမ်းမိုးထား သော ဆင်ဟာလီ ဗုဒ္ဓဘာသာ လူများစု၏ ထောက်ခံမှု ဖြစ်သည်။ သို့သော်လည်း တိုင်းပြည်၏ ဘာသာစကားနှင့် ဘာသာ ရေး လူနည်းစုများနေထိုင်ရာ နေရာများတွင် ဂိုတာဘာယာ ရာဇပက်ဆာ ရှုံးနိမ့်သောကြောင့် တိုင်းပြည်က မည်ကဲ့သို့ နက်ရှိုင်းစွာ ကွဲပြားနေသည်ကို ထုတ်ဖော်ပြသနေသည်။

စကား ခက်ထန်စွာပြောတတ်သည့် ကာကွယ်ရေး ဝန်ကြီးဟောင်း ဂိုတာဘာယာ ရာဇပက်ဆာက Sri Lanka Podujana Peramuna ပါတီ၏ ကိုယ်စားလှယ်လောင်းဖြစ်သည်။ အသစ်ဖွဲ့စည်းထားသည့် အဆိုပါတီသည် တိုင်းပြည်တွင် နိုင်ငံရေး သြဇာလွှမ်းမိုးမှု အရှိဆုံး သူ့မိသားစုအတွက် ယာဉ်ပမာလည်းဖြစ်သည်။ စည်းကမ်းဥပဒေများ ပြန်လည် အသက်သွင်းရန် နှင့် အမျိုးသားလုံခြုံရေး ခိုင်မာအားကောင်းစေရန် သူ၏ ကတိများကို တိုင်းပြည်တွင် အကြီးဆုံးမြို့  ဖြစ်သည့် ကိုလံဘို အပါအဝင် မြို့ပြ ဧရိယာများတွင် ထပ်တလဲလဲပြောကြားခဲ့သည်။

ဂိုတာဘာယာ ရာဇပက်ဆာက ပြိုင်ပွဲတွင် ရှေ့က ဦးဆောင်နေခဲ့သည်။ New Democratic Front ပါတီက လက်ရှိ အစိုးရမှ ဝန်ကြီးတဦးဖြစ်သည့် အသက် ၅၂ နှစ် အရွယ်  ဆာဂျစ် ပရီမာဒါဆာကို သမ္မတလောင်း အဖြစ် အမည်စာရင်းမတင်မီ ရက်သတ္တပတ်များစွာ စော၍ သူ့ကို သူ့ပါတီက သမ္မတလောင်း အဖြစ် အမည်စာရင်း တင်သွင်းခဲ့သည်။ မဲဆွယ် စည်းရုံးရာတွင် လူမှုဖူလုံရေးနှင့် အားလုံးပါဝင်သော နိုင်ငံရေးခေါင်းစဉ်များဖြင့်  ဆာဂျစ် ပရီမာဒါဆာက ကပ်လိုက်လာသည့် နောက်ပိုင်းမှာပင်လျှင် သူက ဆက်လက်ဦးဆောင်နေနိုင်ခဲ့သည်။

မဲရေတွက်မှုများကို ဆက်လက်ပြုလုပ်နေဆဲဖြစ်သော်လည်း ဆာဂျစ် ပရီမာဒါဆာက နိုဝင်ဘာလ ၁၇ ရက်နေ့ မနက်ပိုင်း တွင် ရှုံးနိမ့်မှုကို ဝန်ခံသည့် ကြေညာချက် အတိုတစောင်ထုတ်ပြန်ခဲ့သည်။ “ခက်ခက်ခဲခဲနှင့် အရှိန်ပြင်းပြင်းတိုက်ပွဲဝင်ခဲ့ ရသည့် ရွေးကောက်ပွဲ မဲဆွယ်လှုပ်ရှားမှုတခု ပြီးဆုံးသည့် အချိန်တွင် ပြည်သူလူထု၏ ဆုံးဖြတ်ချက် နှင့် သီရိလင်္ကာ၏ ၇ ယောက်မြောက် သမ္မတအဖြစ် ရွေးချယ်ခံရသော မစ္စတာ ဂိုတာဘာယာ ရာဇပက်ဆာကို ဂုဏ်ပြုခွင့်ရသည့် အတွက် အထူးပင် ဂုဏ်ယူမိပါသည်” ဟု သူက ဆိုသည်။

မဲဆန္ဒရှင်များ၏ ဆုံးဖြတ်ချက်က တရုတ်လိုလားသည့် ရာဇပက်ဆာ မိသားစုကို ဗျူဟာမြောက်စွာ တည်ရှိသည့် တောင်အာရှ ကျွန်းနိုင်ငံ၌ ၅ နှစ်ကြာ လက်လွှတ်ခဲ့ရသော အာဏာကို ပြန်လည်ရရှိခြင်း ဖြစ်သည်။ ဂိုတာဘာယာ ရာဇပက်ဆာ သည် သူ၏ အကိုဖြစ်သော မဟိန္ဒ ရာဇပက်ဆာ Mahinda Rajapaksa ၏ ၁၀ နှစ်နီးပါးကြာ သမ္မတသက်တမ်း အတွင်းတွင် အရေးပါသော ပုံရိပ်တခု ဖြစ်ခဲ့သည်။ မဟိန္ဒ ရာဇပက်ဆာ၏ သမ္မတသက်တမ်း ၂ ခုမှာလည်း အာဏာရှင်ဆန်သော ထိန်းချုပ်မှုများက ပြောစမှတ်ဖြစ်ခဲ့ရသည်။

ရာဇပက်ဆာ မိသားစု၏ နိုင်ငံရေးမျိုးဆက်တခု တည်ဆောင်ရန် အားထုတ်မှုသည် ပြီးခဲ့သည့် ၂၀၁၅ ခုနှစ် ဇန်နဝါရီ ရွေး ကောက်ပွဲတွင် မဟိန္ဒ ရာဇပက်ဆာ အံ့အားသင့်ဖွယ်ရာ ရှုံးနိမ့်ခဲ့ရသည့် အချိန်၌ ကြားဝင်ဖြတ်တောက်ခံခဲ့ရသည်။

You May Also Like These Stories :

ဒုက္ခသည် နေရပ်ပြန်ရေး ဘင်္ဂလားဒေ့ရှ်ကို မြန်မာ အပြစ်တင်

၂၀၂၀ ရွေးကောက်ပွဲတွင် ကြိုတင်မဲ ပြဿနာ မဖြစ်စေရန် ဆောင်ရွက်နေဟုဆို

ဦးရဲထွဋ်ပြောတဲ့ ဦးသန်းရွှေ

The post အမျိုးသားရေးမဲဖြင့် ကာကွယ်ရေးဝန်ကြီးဟောင်း သီရိလင်္ကာ ရွေးကောက်ပွဲ နိုင် appeared first on ဧရာဝတီ.

မန္တလေးမြို့၏ လမ်းအမည်များ စနစ်တကျ ရှိစေရေးနှင့် လမ်းညွှန်ဆိုင်းဘုတ်များကို ပြောင်းလဲ တပ်ဆင်ရန် ဆောင်ရွက် မှုများ စတင်နေပြီ ဖြစ်ကြောင်း မန္တလေး မြို့တော် စည်ပင်သာယာရေး ကော်မတီက သိရသည်။

မန္တလေးမြို့တော်ဝန် ဒေါက်တာ ရဲလွင်က “မိမိနေထိုင်ရာ လမ်းတွေကို ရပ်ကွက်သားတွေကပဲ အမည်ပေးခဲ့ကြလို့ စနစ် မကျခဲ့ဘဲ အမည်တူ လမ်းတွေ အများကြီး ရှိနေပြီး နေရာရှာရာမှာ အခက်အခဲတွေ တွေ့ကြုံခဲ့ကြပါတယ်။ လမ်း ၁ လမ်း ကိုပဲ အမည်၂ မျိုး ၃ မျိုး ဖြစ်နေတဲ့ လမ်းတွေလည်း အများကြီးပါ။ ပထမဆုံးအနေနဲ့ အရှုပ်ထွေးဆုံး ဖြစ်တဲ့ ချမ်းမြသာစည် မြို့နယ်မှာ လမ်းညွှန်ဆိုင်းဘုတ်တွေ စတင် စိုက်ထူပါမယ်” ဟု သူ၏ Facebook စာမျက်နှာတွင် ပြောကြားထားသည်။

အဆိုပါ စနစ်များ ပြောင်းလဲနိုင်ရန် အတွက် မန္တလေးမြို့စည်ပင် နယ်နိမိတ်အတွင်းရှိ ရပ်ကွက် ၉၆ ရပ်ကွက်၌ ကွင်းဆင်း လေ့လာစစ်ဆေးမှု (Urban planning unit) ကို ၂၀၁၈ ခုနှစ် ဇူလိုင်၊  သြဂုတ်လများတွင် ပြုလုပ်ခဲ့ပြီး တွေ့ရှိချက်ပေါ် မူတည်၍ အကြိမ်ကြိမ် ဆွေးနွေး အတည်ပြုခဲ့ခြင်းဟု သိရသည်။

ယခုအခါ မန္တလေးမြို့တွင် အမည်တူလမ်းများမှာ ရတနာ လမ်း၂၀၊ သစ္စာလမ်း ၁၄ လမ်း၊ မေတ္တာလမ်း ၁၃ လမ်း၊ အောင်မင်္ဂလာလမ်း ၇ လမ်း အထိရှိသလို လမ်း ၁ လမ်းတည်းတွင် လမ်းပိုင်းတခုနှင့် တခု အခေါ် မတူခြင်းမှာ အောင်မြေသာစံ မြို့ နယ်တွင် ၂၂ လမ်း၊ ချမ်းအေးသာစံမြို့နယ်တွင် ၁၆ လမ်း၊ မဟာအောင်မြေ မြို့နယ်တွင် ၁၂ လမ်း၊ ချမ်းမြသာစည်မြို့နယ် တွင် ၂၉ လမ်း၊ ပြည်ကြီးတံခွန်မြို့နယ်တွင် ၅ လမ်း၊ အမရပူရမြို့နယ်တွင် ၇ လမ်းနှင့် လမ်း ၁ လမ်းတည်းအား အမည်၂ မျိုး ဖြစ်နေသည်မှာ အောင်မြေသာစံမြို့နယ်တွင် ၅ ခု၊ ချမ်းအေးသာစံမြို့နယ်တွင် ၂ ခု၊ မဟာအောင်မြေ မြို့နယ်တွင် ၂ ခု၊ ချမ်းမြသာစည်မြို့နယ်တွင် ၆ လမ်း၊ ပြည်ကြီးတံခွန်မြို့နယ်တွင်၂ လမ်းတို့ ဖြစ်သည်။

ထို့ပြင် လမ်းနံပတ်ပေးရန် ရှုပ်ထွေးနေသော ရပ်ကွက် ၂၈ ခုရှိရာ အောင်မြေသာစံမြို့နယ်တွင် ၇ ရပ်ကွက်၊ ချမ်းအေးသာ စံမြို့နယ်တွင် ၄ ရပ်ကွက်၊ မဟာအောင်မြေ မြို့နယ်တွင် ၅ ရပ်ကွက်၊ ချမ်းမြသာစည်မြို့နယ်တွင် ၄ ရပ်ကွက်၊ ပြည်ကြီးတံ ခွန်မြို့နယ်တွင် ၈ ရပ်ကွက်တို့ ဖြစ်ကြောင်း သိရသည်။

ပြောင်းလဲ တပ်ဆင်ပေးသွားမည့် နံပါတ်နှင့် လမ်းမကြီးများမှာ ၁၀၁ လမ်း (သိပ္ပံလမ်း)၊ ၁၀၂ လမ်း (ဗန္ဓုလလမ်း)၊ ၁၀၃ လမ်း(ကျန်စစ်သားလမ်း)၊ ၁ဝ၄ လမ်း (အနော်ရထာလမ်း)၊ ၁၀၅ လမ်း (ဘုရင့်နောင်လမ်း)၊ ၁၀၆ လမ်း (အောင်ဇေယျ လမ်း)၊ ၁၀၇ လမ်း (အောင်ဆန်းလမ်း)၊ ၁၀၈ လမ်း (ဇလပ်ဝါလမ်း)၊ ၁၀၉ လမ်း (ခိုင်ရွှေဝါလမ်း)၊ ၁၁ဝ လမ်း (မနော်ဟရီ လမ်း)၊ ၁၁၁ လမ်း (နှင်းဆီလမ်း)၊ ၁၁၂လမ်း (မြတ်လေးလမ်း)၊ ၁၁၃ လမ်း (ပိတောက်လမ်း)၊ ၁၁၄ လမ်း (ဝေသာလီ လမ်း)၊ (၁၁၅) လမ်း (သာယာဝတီမင်းကြီးလမ်း)၊ ၁၁၆ လမ်း (ပျူစောထီးလမ်း)၊ ၁၁၇ လမ်း (ကျန်စစ်သားလမ်း)၊ ၁၁၈ လမ်း(ဇော်ဂျီလမ်း)၊ ၁၁၉ လမ်း (ကုသိုလ်တော်လမ်း)၊ ၁၂၀ လမ်း (မင်းကြီးရန်နောင်လမ်း) တို့ ဖြစ်သည်။

ချမ်းမြသာစည်မြို့နယ်အတွင်း နေထိုင်သူ VOM Mandalay ၏ အယ်ဒီတာချုပ် ကိုနေမျိုးလင်းက “ချမ်းမြသာစည်မြို့နယ်ထဲမှာ လမ်းနာမည် ထပ်နေတာတွေက ၁၀ ခုလောက်ထိ ရှိနေတယ်။ ပန်းနာမည်တွေ မျိုးစုံပေးထားကြတာ၊ အချို့လိပ်စာ အတိအကျ မပြောနိုင်ရင် လမ်းနာမည်တွေ ရှာရတာ တော်တော် ဒုက္ခရောက်တယ်။ အခုတော့ မြေပုံတွေ၊ လမ်းညွှန်တွေ၊ Google Map တွေနဲ့ သေသေချာချာ ချိတ်ဆက်ပြီး လုပ်ပေးထားတာကြောင့် GPS နဲ့ သွားတဲ့သူတွေ အတွက်လည်း အဆင်ပြေသွားမယ်။ အထူးသဖြင့် နိုင်ငံခြားဧည့်သည်တွေ ပိုပြီးတော့ အဆင်ပြေတာပေါ့” ဟု ပြောသည်။

ထို့ပြင် နံပါတ်စဉ်ဖြင့် အမည်ပေးထားသည့် လမ်းညွှန်ဆိုင်းဘုတ်များကို ပြောင်းလဲတပ်ဆင်မှုကို ချမ်းမြသာစည်မြို့နယ်၌ စတင် ပြုလုပ်မည် ဖြစ်ပြီး မန္တလေးမြို့တော် စည်ပင်သာယာရေး ကော်မတီ၏ ကြီးကြပ်မှုဖြင့် Myanmar Traffic ကုမ္ပဏီမှ လုပ်ဆောင်သွားမည် ဖြစ်ကာ လမ်းညွှန်ဆိုင်းဘုတ်များ ခိုင်ခန့်မှု ရှိစေရေး၊ မိုးရေကြောင့် ဝက်အူဆွေးမြေ့မှု မရှိစေရန်လည်း ဆောင်ရွက်မည် ဖြစ်ကြောင်း သိရသည်။

အဆိုပါ လမ်းအမည်များ၊ လမ်းညွှန်ဆိုင်းဘုတ်များ ပြောင်းလဲ သတ်မှတ်ပေးမည့်အပြင် အိမ်လိပ်စာများကိုလည်း ဇစ်ကုတ် (Zip Code) ဖြင့် လုပ်ဆောင်သွားမည် ဖြစ်ကြောင်း မန္တလေးမြို့တော် စည်ပင်သာယာရေး ကော်မတီက ဆိုသည်။

မန္တလေးမြို့တော် စည်ပင်သာယာရေး ကော်မတီဝင် ဦးရဲမြတ်သူက “လမ်းနာမည် ချိန်းမယ့် အစီအစဉ်မှာ ဇစ်ကုတ် (Zip Code) တွေကို ကျနော် လုပ်ပေးနေတာပါ။ အခု အစီအစဉ်ကို လုပ်နေတာ ၃ နှစ် လောက် ရှိပါပြီ။ အရင်က စာပို့တယ်ဆိုရင် စာပို့သမားက နားလည်ရင် သွားလို့ လွယ်ကူပေမယ့် အခုအခါမှာ ပစ္စည်းပို့တာ၊ စာပို့တာတွေက လူတွေနဲ့ မဟုတ် တော့ဘဲ စက်တွေက များလာပြီ။ စက်တွေက တိတိကျကျ ညွှန်းနိုင်ဖို့ ကိစ္စမှာ ဇစ်ကုတ်လို ကုတ်နံပါတ်တွေက အရေးပါ လာတယ်။ ဒါကြောင့် မြို့နဲ့ အဆင်ပြေအောင် တီထွင်ရတာပါ” ဟု ပြောသည်။

ယခုအခါ နည်းပညာ ဖွံ့ဖြိုး တိုးတက်မှုများအရ အိမ်အရောက်ပို့ စနစ်၊ သွားလာရေး အတွက် ယာဉ်ငှားရမ်းမှုစနစ်၊ အွန်လိုင်း ငွေပေးချေစနစ်များ အသုံးတွင်ကျယ်လာသည့် အခြေအနေတွင် Address System က အရေးပါလာသဖြင့် စနစ်တကျ ဖြစ်လာစေရန် ရည်ရွယ်လုပ်ဆောင်ခြင်း ဟု သိရသည်။

ဦးရဲမြတ်သူက “ရှေးတုန်းကတည်းက ရှိတဲ့ မန္တလေးမြို့ဟောင်းလို့ ခေါ်ရမယ့် မြို့တွင်းလမ်း စနစ်တွေက အဆင်ပြေတယ်။ လမ်းတွေက နံပါတ်တွေနဲ့ အသားကျပြီးသား ဆိုတော့ လူတိုင်း နားလည်တယ်။ ဒါပေမယ့် မြို့သစ်လို့ ခေါ်တဲ့ သိပ္ပံလမ်း တောင်ဘက်ခြမ်းက သွားလာရတာ အဆင်မပြေဘူး။ အိမ်နံပါတ်နဲ့ လမ်းတွေကို ညွှန်လိုက်ရင်လည်း တော်တော်နဲ့ ရောက်မလာဘူး။ အဲဒီလို ပြဿနာတွေ ဖြေရှင်းတဲ့နေရာမှာ ဘယ်နည်းနဲ့ အိမ်လိပ်စာတွေကို လွယ်လွယ်ကူကူနဲ့ ရောက်မလဲပေါ့” ဟု ပြောသည်။

၎င်းက ဆက်လက်၍ “UN မှာလည်း အဲဒီကိစ္စကို ဆွေးနွေးမှုတွေ လုပ်ခဲ့တယ်။ အိမ်ရှိသူတိုင်း လိပ်စာရရှိရေးကိစ္စက တော်တော်လေး အရေးကြီးတယ်။ ကမ္ဘာမှာ နေစရာအိမ်ရှိပြီး လိပ်စာမရှိတဲ့သူတွေ အများကြီးပဲ။ အဲဒီလို ကိစ္စတွေက ကျနော်တို့ နိုင်ငံမှာလည်း ရှိတယ်။ ကျေးလက်တွေမှာ ဖြစ်နေရင် ပြဿနာမရှိပေမယ့် မြို့လယ်ခေါင်မှာ ဖြစ်နေတဲ့အခါ ကျနော်တို့ မှာ တာဝန်ရှိလာတယ်။ ဒါကြောင့် မန္တလေးမှာ ရှိနေတဲ့ နေအိမ်တွေ အားလုံးမှာ လိပ်စာစနစ် မှန်မှန်ကန်ကန်ရှိဖို့ အတွက် ရည်ရွယ်ပြီး လုပ်ဆောင်တာပါ” ဟု ပြောဆိုသည်။

နံပတ်စဉ်ဖြင့် အမည်ပေးထားသည့် လမ်းညွှန်ဆိုင်းဘုတ်များကို ပြောင်းလဲ တပ်ဆင်မှုကို မြို့တောင်ဘက်ခြမ်းတွင် ဦးစားပေး ပြုလုပ်ပေးရခြင်းမှာ လိပ်စာစနစ် အတွက် အခက်အခဲများ ပို၍ ရှိနေခြင်းကြောင့်ဖြစ်သလို ပြောင်းလဲ တပ်ဆင်ပေးမည့် လမ်းညွှန်ဆိုင်းဘုတ်များတွင် မူလလမ်း အမည်များကိုလည်း ထည့်သွင်း ပေးထားကြောင်းလည်း သိရသည်။

ဦးရဲမြတ်သူက “ကျနော်တို့ မြို့မှာ အဓိက ဘာပြဿနာ ဖြစ်နေလဲဆိုတော့ အိမ်တအိမ်က ရေမီတာသုံးတဲ့ လိပ်စာ၊ အဲဒီ အိမ်ကပဲ ဆိုင်လေးတဆိုင် ဖွင့်တယ်ဆိုရင် သန့်ရှင်းရေး လိုင်စင်လုပ်တဲ့ အချိန်မှာပေးတဲ့ လိပ်စာရယ်၊ ရေခွန်၊ မီးခွန်၊ သန့် ရှင်းရေခွန်၊ အိမ်ခွန်၊ မြေခွန် လိပ်စာတွေက မတူဘူး။ ပိုင်ရှင်တွေကလည်း ရှုပ်ထွေးနေတော့ Data တွေ ကောက်တဲ့အခါမှာ လုံးဝ အဆင်မပြေဘူး။ အဲဒီလို လိပ်စာစနစ် ကောင်းကောင်း မရှိဘူးဆိုရင် ကျနော်တို့ မြို့ကို ဘယ်လိုမှ အုပ်ချုပ်ဖို့ ဆိုတာ မလွယ်ဘူး။ ဒါကြောင့် လိပ်စာစနစ် ကောင်းဖို့ အရင် စလုပ်တာပါ” ဟု ပြောသည်။

ယခုကဲ့သို့ ပြောင်းလဲမှုများမှာ အစိုးရ ဘတ်ဂျက်မှ ကုန်ကျခံဆောင်ရွက်ခြင်း မဟုတ်ဘဲ မြို့ခံလုပ်ငန်းရှင်များ၏ ထည့်ဝင်လှူဒါန်းမှု၊ ရပ်ကွက်နေ ပြည်သူများ၏ စိုက်ခံ ထည့်ဝင်များနှင့် ဆောင်ရွက်ခြင်း ဖြစ်ကြောင်း ၎င်းက ဆက်လက် ပြောဆိုသည်။

မန္တလေးမြို့တော်ဝန် ဒေါက်တာ ရဲလွင်က “လမ်းညွှန်ဆိုင်းဘုတ်နဲ့ ကြော်ငြာအရွယ်တူကို G bond aluminum composite with bracket အရည်အသွေး ကောင်းတာကို သုံးမှာပါ။ တိုင် ၁ တိုင်ရဲ့ ကုန်ကျစရိတ်က တိုင်၊ လမ်းညွှန်၊ ကြော်ငြာနဲ့ footing အပါအဝင် မြေကျင်းတူးခနဲ့ တိုင်စိုက် အပြီးအစီး ၆ သောင်း ကုန်ကျမှာပါ။ ရပ်ကွက်က မိမိအစီအစဉ်နဲ့ လုပ်ချင်ရင်လည်း တိုင် ၁ တိုင် ၆ သောင်း ထောင့် ၁ ထောင့်၂ တိုင်နှုန်းနဲ့ စည်ပင်ကို လှူလို့ ရပါတယ်” သူ၏ Facebook ၌ ပြော ကြားထားသည်။

ထို့ပြင် အောက်ခြေ ခိုင်ခန့်မှု ရှိစေရန် အတွက် Precast footing with bolt and nuts ၁ ပေ ၄ လက်မ အရွယ် သုံးမည် ဖြစ်သလို စာသားများ သေသပ်လှပမှု ရှိစေရန် အတွက် UV print ကို အသုံးပြုသွားမည် ဖြစ်ပြီး ချမ်းမြသာစည်မြို့နယ် အတွင်း ပြီးစီးပါက စည်ပင်နယ်နမိတ် အတွင်းရှိ ကျန်မြို့နယ်များကိုလည်း ၆ လ အတွင်း ဆက်လက် ပြုလုပ်ပေးသွားမည် ဖြစ်ကြောင်း သိရသည်။

ယခု စနစ်ကြောင့် နံပါတ်နှင့်လမ်းများမှာ ၂၄၀၁ လမ်း၊ အမည်နှင့် ၇၂ လမ်း၊ Nill လမ်း ၂၇၉ လမ်း ရှိလာမည် ဖြစ်သလို အမည်နှင့် ကျန်ရှိမည့် လမ်းမကြီးများမှာ တံခွန်တိုင်လမ်း၊ မင်္ဂလာလမ်း၊ စက်မှုပန်းခြံလမ်း၊ မင်္ဂလာကန်ပတ်လမ်း၊ ရန်ကုန်-မန္တလေးလမ်း၊ စစ်ကိုင်း-မန္တလေးလမ်း၊ စစ်ကိုင်းလမ်း၊ မြို့ဟောင်းလမ်း၊ တောင်သမန်ကန်ပတ်လမ်း၊ ကန်တော်ကြီး ကန်ပတ်လမ်း စသည်တို့ ဖြစ်သည်။

You May Also Like These Stories :

မန္တလေးအိမ်ခြံမြေ ဈေးကွက် သိန်း၃၀၀ အောက် အကွက်ရိုက်မြေများ အရောင်းအဝယ်ဖြစ်

မန္တလေးက AA ဖောက်ခွဲရေးအမှု တရားလိုကို စတင် စစ်ဆေး

မန္တလေးရှိ မြို့နယ် ၈ ခု၌ အီတလီကုမ္ပဏီ ရေနံနှင့်သဘာဝဓာတ်ငွေ့ ရှာဖွေမည်

The post မန္တလေး လမ်းအမည်နှင့် လမ်းညွှန်ဆိုင်းဘုတ်များ ပြောင်းလဲတပ်ဆင်မှု စတင် appeared first on ဧရာဝတီ.

ချင်းပြည်နယ်၊ ပလက်ဝမြို့နယ် မီဇာကျေးရွာရှိ ဘွမ် (Bawm) မျိုးနွယ်စု ဒေသခံ ၁၁၆ ဦးကို ဒုသမ္မတ ၂ ဦးဟင်နရီဗန်ထီးယူ ၏ ရွာတွင် နေရာချပေးထားကြောင်း ချင်းပြည်နယ် လူမှုရေးဝန်ကြီး ပေါင်လွန်မင်းထန် က ဧရာဝတီသို့ ပြောကြားသည်။

မီဇာကျေးရွာအနီးတွင် တိုက်ပွဲများ ဆက်လက်ဖြစ်ပွားနေသဖြင့် အိမ်ထောင်စု ၁၉ စုကို ထန်တလန်မြို့ရှိ ဒုသမ္မတ၏ ဇာတိရွာ သီးကီရ် (Tikir) တွင် အခြေချနေထိုင်နိုင်ရန် အစိုးရ၏ အစီအစဉ်ဖြင့် ပြောင်းရွေ့ပေးခြင်း ဖြစ်သည်ဟု သိရသည်။

မီဇာကျေးရွာ အနီးတွင် လွန်ခဲ့သည့် ၁ နှစ်ဝန်းကျင်ခန့်က ရက္ခိုင့်တပ်မတော် (AA)နှင့် တပ်မတော်တို့ အကြား တိုက်ပွဲများ စတင်ဖြစ်ပွားခဲ့ပြီး ထိုတိုက်ပွဲများကြောင့် ဘွမ် (Bawm) မျိုးနွယ်စုများမှာ နေရေးထိုင်ရေးနှင့် စားဝတ်နေရေး ပြဿနာများ ကြုံတွေ့နေခဲ့ရသည်။

ဝန်ကြီး ပေါင်လွန်မင်းထန် က “ပလက်ဝဘက်မှာ မငြိမ်းချမ်းတဲ့အတွက် သူတို့ ဆက်မနေချင်တော့ဘူးဆိုလို့ သူတို့ နေထိုင်ဖို့အပြင် စီးပွားရေးလုပ်ဖို့ပါ အစိုးရက ပြင်ဆင်ပေးပါတယ်။ ဘွမ်တွေက ထန်တလန်က lian မျိုးနွယ်စုတွေနဲ့ စကားတူတဲ့အတွက် အဲဒီရွာကို ရွှေ့ပြောင်းပေးတာပါ။ နောက်ပြီး ဒုသမ္မတ ၂ ကလည်း သူတို့ကို သူ့ရွာမှာနေရင် အဆင်ပြေမယ် ဆိုတာကြောင့်ပါ” ဟု ပြောသည်။

ထန်တလန်သို့ ရောက်ရှိလာသည့် ၎င်းစစ်ရှောင်များကို ချင်းပြည်နယ် အစိုးရအဖွဲ့ ဝန်ကြီးချူပ် ဦးဆလိုင်းလျန် လွယ် အပါအဝင် ပြည်နယ်အစိုးရအဖွဲ့ ဝန်ကြီးများက နိုဝင်ဘာလ ၁၅ ရက်နေ့က သွားရောက်တွေ့ဆုံ အားပေးစကား ပြောကာ ထောက်ပံ့မှုများ ပြုလုပ်ပေးခဲ့ကြောင်း ဝန်ကြီးက ဆက်ပြောသည်။

စစ်ရှောင်များ နေထိုင်ရေးအတွက် ချင်းပြည်နယ်အစိုးရက သီးကီရ်ရွာတွင် ရေ၊ မီးပါသည့် တန်ဖိုးနည်း အိမ်ရာ များ ဆောက်လုပ်ပေးထားပြီး ၎င်းတို့ လုပ်ကိုင်စားသောက်နိုင်ရန် အတွက်လည်း ကုန်းမြင့်လယ်ယာ ဧက ၃၅၀ ဖော်ထုတ်ပေးထားသည်ဟု သိရသည်။
ပလက်ဝမြို့နယ်တွင် ကျန်ခဲ့သည့် စစ်ရှောင် ၂ ထောင်ကျော်သည် ထန်တလန်ဘက်သို့ ရွှေ့ပြောင်းချင်ကြ သော်လည်း ဘာသာစကား ကွဲပြားမှုနှင့် ဆွေမျိုး အသိမိတ်ဆွေ မရှိသည့်အတွက် ပြောင်းလာနိုင်ခြင်း မရှိသေး ကြောင်း ထန်တလန်မြို့ရှိ ခေတ္တမြို့နယ်အုပ်ချုပ်ရေးမှူး ဦးတင်အောင်ဝင်းက ရှင်းပြသည်။

မကြာသေးမီ ရက်ပိုင်းအတွင်းကလည်း AA အဖွဲ့ဝင်များသည် ချင်းပြည်နယ် ပလက်ဝမြို့မှ ကျောက်တော် မြို့သို့ စပိဘုတ်၂ စီးဖြင့် လာရောက်ခဲ့သည့် အိန္ဒိယနိုင်ငံသား ၅ ဦးနှင့် ချင်းတိုင်းရင်းသား အမျိုးသား လွှတ်တော် ကိုယ်စားလှယ် ဦးဝှေ့တင်း အပါအဝင် ၁၀ ဦးကို ဖမ်းဆီးခဲ့သည်။
ထိုသို့ ဖမ်းဆီးခဲ့ပြီး နောက်တနေ့ မနက်ပိုင်း၌ အိန္ဒိယနိုင်ငံသား ၉ ဦးကို ပြန်လွှတ်ပေးခဲ့ပြီး လွှတ်တော် ကိုယ်စားလှယ် ဦးဝှေ့တင်းကိုမူ ဆက်လက် ဖမ်းဆီး ထိန်းသိမ်းထားဆဲဖြစ်သည်ဟု သိရသည်။

အဆိုပါ ပြန်လွှတ်ပေးခဲ့သူ ၉ ဦးထဲမှ အိန္ဒိယ နိုင်ငံသား တဦးမှာ ၎င်း၏ နဂိုရောဂါ အခံကြောင့် လမ်းတွင် သေဆုံးခဲ့သည်ဟုလည်း သိရသည်။

ဆက်စပ်ဖတ်ရှုရန်-

ဦးဝှေ့တင်း လွှတ်ပေးရန် အဆို ပြည်ထောင်စုလွှတ်တော် ဆွေးနွေးမည်

NLD ရဲ့ ရခိုင်အရေးအပေါ် နုတ်ဆိတ်မှု ဝေဖန်ခံလာရ

The post ပလက်ဝက စစ်ရှောင် ၁ ရာကျော်ကို ဒုသမ္မတ၏ ရွာတွင်နေရာချပေး appeared first on ဧရာဝတီ.

အဓိက အတိုက်အခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) နှင့် အခြားပါတီ ၁၉ ခုတို့ အနေဖြင့် သတင်း လိမ်ညာဖြန့်ချိခြင်းနှင့် ပြည်ထောင်စုရွေးကောက်ပွဲကော်မရှင် (UEC) ကို အသရေဖျက်ခြင်း မရပ်တန့်ပါက ဖျက်သိမ်းခြင်းနှင့် ရင်ဆိုင်ရနိုင်ကြောင်း UEC က သတိပေးလိုက်သည်။

ရွေးကောက်ပွဲစနစ်ဆိုင်ရာ နိုင်ငံတကာဖေါင်ဒေးရှင်း (IFES) ထံမှ ကွန်ပျူတာများ၊ စပ်ဆက်ပစ္စည်းများနှင့် ပရင့်တာစက်များ ဆိုင်ရာ တင်ဒါကို လက်ခံရန် UEC ၏ဆုံးဖြတ်ချက်ကို ထိုပါတီ ၂၀ က ရှုတ်ချကြောင်း ပူးတွဲကြေညာချက်တစောင်ကို နိုဝင်ဘာလ ၂ ရက်နေ့က ထုတ်ပြန်ပြီးနောက် ထိုသို့ သတိပေးချက်ထွက်ပေါ်လာခြင်းဖြစ်သည်။

UEC ၏ ထိုတင်ဒါစနစ်တွင် ပွင့်လင်းမြင်သာမှု ကင်းမဲ့ခြင်းကို ရှုတ်ချခြင်းအပြင် ထိုပါတီ ၂၀ က ၂၀၂၀ အထွေထွေရွေးကောက်ပွဲတွင် IFES ပူးပေါင်းပါဝင်ခြင်းသည် ပြည်ပစွက်ဖက်မှု ဖြစ်ကြောင်းလည်း ဖော်ပြခဲ့သည်။

IFES ကို အမေရိကန်ပြည်ထောင်စု၊ USAid၊ ဗြိတိန်၊ သြစတြေးလျ၊ အိုင်ယာလန်၊ ကနေဒါ၊ ဆွီဒင်နှင့် ဥရောပသမဂ္ဂတို့က ငွေကြေးထောက်ပံ့ထားပြီး မည်သည့် ငွေကြေးစိုက်ထုတ်သူ မဆိုသည် ရွေးကောက်ပွဲတွင် ကြားဝင်စွက်ဖက်နိုင်သည်ဟု ထိုပူးတွဲကြေညာချက်တွင် ဖော်ပြထားသည်။

ထိုပါတီ ၂၀ တွင် တိုင်းရင်းသားစည်းလုံးညီညွတ်ရေး ပါတီနှင့် အမျိုးသားဒီမိုကရေစီ ပါတီသစ်လည်း ပါဝင်သည်။

“ထိုတင်ဒါသည် ပွင့်လင်းမြင်သာမှုမရှိဘဲ ရွေးကောက်ပွဲနှင့် ဆက်စပ်သော အချက်အလက်များသည် ရလဒ်ကို သက်ရောက်စေနိုင်သော နိုင်ငံခြား သံရုံးတခု သို့မဟုတ် အဖွဲ့အစည်းတခု သို့မဟုတ် လူပုဂ္ဂိုလ်တဦးတယောက်၏ နည်းပညာ ထိန်းချုပ်မှုအောက်သို့ ရောက်သွားမည်ကို မိမိတို့စိုးရိမ်သည်” ဟု အထက်ပါ ပူးတွဲကြေညာချက်တွင် ဖော်ပြထားသည်။

ထို့အပြင် အမေရိကန်အခြေစိုက် IFES သည် န်ိုင်ငံပေါင်း ၁၄၅ နိုင်ငံမှ ရွေးကောက်ပွဲများတွင် ပါဝင်ပတ်သက်နေသည်ဟုလည်း ဆိုသည်။

၎င်းတို့ပါတီသည် ထိုပူးတွဲကြေညာချက်တွင် လက်မှတ်ရေးထိုးသော နိုင်ငံရေးပါတီ ၂၀ က ဝေဖန်ပြောကြားချက်များကို စုစည်းပြီး မကြာမီ ကြေညာချက်တစောင် ထုတ်ပြန်မည်ဟု USDP ပြောခွင့်ရသူ ဦးသိန်းထွန်းဦးက ပြောသည်။

“UEC ရဲ့ သတိပေးချက်ကို ပြန်လည်တုန့်ပြန်ဖို့ ကျနော်တို့မကြာခင် သတင်းစာရှင်းလင်းပွဲလုပ်ဖို့ စီစဉ်နေပါတယ်။ အခုလောလောဆယ်တော့ ထင်မြင်ချက် မပေးနိုင်သေးပါဘူး” ဟု သူက ပြောသည်။

စွပ်စွဲချက်များသည် တိကျခိုင်မာမှု မရှိကြောင်း၊ UEC အပေါ် ယုံကြည်မှုကို ထိခိုက်စေပြီး မဲဆန္ဒရှင်များအကြား နားလည်မှုလွဲမှားစေကြောင်း UEC က ပြောသည်။

“ပုဂ္ဂိုလ် တဦးချင်း သို့မဟုတ် လူအများနှင့် ပတ်သက်၍ သိက္ခာနှင့် ကိုယ်ကျင့်တရားကို ထိခိုက်စေနိုင်သည့် ရေးသားဖော်ပြမှု၊ မမှန်မကန် ရေးသားဖော်ပြမှုများ ထပ်မံဆောင်ရွက်ခြင်း မပြုရန်နှင့် အကယ်၍ ယင်းသို့ ဆောင်ရွက်ကြောင်း တွေ့ရှိပါက ဥပဒေနှင့် အညီ အရေးယူ ဆောင်ရွက်သွားမည်ဖြစ်ကြောင်း နိုင်ငံရေးပါတီ ၂၀ ၏ တာဝန်ရှိသူ အသီးသီးကို သတိပေးထားပြီး ဖြစ်သည်” ဟု UEC က သူ၏ ထုတ်ပြန်ချက်တွင် နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၆ ကို ကိုးကားပြောဆိုသည်။

မှတ်ပုံတင်ထားသော မည်သည့် နိုင်ငံရေးပါတီမဆိုသည် အခြားအဖွဲ့အစည်းများ၏ ဂုဏ်သိက္ခာနှင့် ကျော်ကြားမှုကို ထိခိုက်အောင် မလုပ်ရန် သဘောတူကြောင်းနှင့် ချိုးဖောက်ပါက UEC ၏ မှတ်ပုံတင်စာရင်းမှ ပယ်ဖျက်သည်အထိ အရေးယူနိုင်ကြောင်း ထိုပုဒ်မတွင် ဖော်ပြထားသည်။

UEC ၏ အဆိုအရ IFES သည် မြို့နယ်ကော်မရှင်ခွဲ ရုံးများအတွက် ကွန်ပျူတာ ၁၃၀၀ နှင့် ကွန်ပျူတာပုံနှိပ်စက် ၃၃၀ ကို ရွေးကောက်ပွဲမတိုင်မီ ပေးသွင်းမည်ဖြစ်သည်ဟု သိရသည်။

IFES သည် မဲဆန္ဒရှင်များအနေဖြင့် ၎င်းတို့အမည်နှင့် မဲရုံကို ၎င်းတို့၏ ဖုန်းများမှ စစ်ဆေးနိုင်သော နည်းပညာ အထောက်အကူကိုလည်း UEC သို့ ပံ့ပိုးမည်ဖြစ်သည်။

IFES သည် မဲဆန္ဒရှင် ပညာပေးရေး အစီအစဉ်များနှင့် ပတ်သက်ပြီး မြန်မာနိုင်ငံမှ လူမှုအခြေပြု အဖွဲ့အစည်းများနှင့် ၂၀၁၂ ဧပြီလ ကြားဖြတ်ရွေးကောက်ပွဲ မတိုင်မီက စတင်ပူးပေါင်း ဆောင်ရွက်ခဲ့သည်။

ထိုအဖွဲ့သည် ရွေးကောက်ပွဲ အကဲဖြတ်ရန်နှင့် ၂၀၁၅ အထွေထွေရွေးကောက်ပွဲနှင့် ၂၀၁၇ ကြားဖြတ်ရွေးကောက်ပွဲတွင် နည်းပညာအကူအညီပေးရန် ၂၀၁၃ ခုနှစ်တွင် UEC နှင့် စတင်ပူးပေါင်းဆောင်ရွက်ခဲ့သည်။

You may also like these stories:

ရွေးကောက်ပွဲကော်မရှင်ကို သံသယ ရှင်းစေလိုကြောင်း ကော်မရှင် ဥက္ကဋ္ဌ ပြော

၂၀၂၀ ရွေးကောက်ပွဲတွင် ကြိုတင်မဲ ပြဿနာ မဖြစ်စေရန် ဆောင်ရွက်နေဟုဆို

ဒေါက်တာ ဇော်မြင့်မောင် ကျန်းမာရေး အခြေအနေကြောင့် NLD အားလျော့နိုင်သလား

The post အတိုက်အခံပါတီများ ဖျက်သိမ်းခံရမည်ဟု UEC သတိပေး appeared first on ဧရာဝတီ.

မန္တလေးတိုင်း ဒေသကြီး မြင်းခြံခရိုင် ငါန်းဇွန်မြို့နယ် မြို့သာ စက်မှုဥယျာဉ်မြို့တော်အတွင်း ဆေးခြောက် စိုက်ပျိုးသည် ဟုဆိုကာ တရားစွဲဆိုခံထားရသူများအမှုကို ချေဖျက်ပေးရန် လျှောက်ထားခဲ့ရာ တိုင်းတရားလွှတ်တော်က လက်ခံပြီး ကြား နာမှုများ ပြုလုပ်သွားမည်ဟု IIIM ကုမ္ပဏီ၏ ဥပဒေ အကြံပေး တရားလွှတ်တော်ရှေ့နေ တော်ဝင် ဦးခင်မောင်သန်း က ပြောသည်။

အဆိုပါ အမှုကို အပြီးအပြတ် ချေဖျက်ပေးရန်အတွက် နိုင်ဝင်ဘာလ ၁၄ ရက်က မန္တလေးတိုင်း ဒေသကြီး လွှတ်တော်သို့ လျှောက်ထားခဲ့ခြင်းအား လက်ခံခဲ့ခြင်းဖြစ်ပြီး အပြီးသတ် လျှောက်လဲချက် ဆက်လက် တင်ပြရမည်ဟု သိရသည်။

ရှေ့နေတော်ဝင် ဦးခင်မောင်သန်း က “မြင်းခြံခရိုင် တရားရုံးမှာ စွဲဆိုထားတဲ့အမှုဟာ သုတေသန လုပ်နေတာကို ဖမ်းတာပါ ဆိုပြီး အကြောင်းပြပြီးတော့ အမှုတွဲကို ချေဖျက်ပေးပါဆိုပြီး လျှောက်ခဲ့တာပါ။ အစိုးရရဲ့ ခွင့်ပြုချက်နဲ့ လုပ်ဆောင်နေတာ ဖြစ်တဲ့အတွက် တရားစွဲလို့ရတဲ့ အမှု မဟုတ်ပါဘူး ဆိုပြီး ချေဖျက်ပေးဖို့ လျှောက်တာပါ။ ဒါကို တိုင်းတရားရုံးက လက်ခံလို့ ကနဦး လျှောက်လဲချက်လည်း ပေးပြီးပါပြီ။ ဖိုင်နယ် လျှောက်လဲချက်ပေးဖို့ပဲ ကျန်တော့တယ်” ဟု ပြောသည်။

မြို့သာ စက်မှုဥယျာဉ်မြို့တော်အတွင်း ဆေးခြောက်စိုက်ပျိုးသည် ဟုဆိုကာ ဖမ်းဆီး၍ တရားစွဲဆိုခံထားရသူမှာ အမေရိ ကန်နိုင်ငံသား Mr. John Fredric Todoroki (၆၃ နှစ်)၊ စိုက်ခင်း တာဝန်ခံ ကိုရှိန်းလတ် (၃၇)နှစ်၊ မရွှန်းလဲ့မြတ်နိုး (၂၁ နှစ်) တို့ ဖြစ်ပြီး နိုဝင်ဘာ ၁၈ ရက်က မြင်းခြံခရိုင် တရားရုံး၌ ၁၈ ကြိမ်မြောက် ရုံးထုတ်ကာ အမှုစစ်ဆေးခြင်း မပြုခဲ့ဘဲ ရုံးချိန်း ပြန်လည် ချိန်းဆိုခဲ့သည်။

မြင်းခြံခရိုင် တရားရုံး ပြန်ကြားရေး အရာရှိ ဒေါ်တင်သန်း က “ဒီအမှုကို မန္တလေးတိုင်း ဒေသကြီး တရားလွှတ်တော်ကနေ သြဂုတ်လ ၂၆ ရက်က အမှုတွဲ တောင်းခံထားတဲ့ အတွက် ကျမတို့ မြင်းခြံခရိုင်တရားရုံးကနေ စက်တင်ဘာလ၂ ရက် မှာ  အမှုတွဲကို တိုင်းတရားလွှတ်တော်ကို ပေးပို့ထားပါတယ်။ အမှုတွဲ ပြန်မရောက်သေးတဲ့ အတွက် ရုံးချိန်းကိုပဲ ပြန်ပေးခဲ့ ပါတယ်။ ဒီဇင်ဘာလ၂ ရက်ကို ရုံးချိန်း ပြန်ချိန်းဆိုခဲ့ပါတယ်” ဟု ပြောသည်။

အမေရိကန်နိုင်ငံသား Mr. John Fredric Todoroki အပါအဝင် ကိုရှိန်းလတ်၊ မရွှန်းလဲ့မြတ်နိုး တို့အား စွဲဆိုထားသော ပုဒ်မများသည် နှစ်အကန့်အသတ်မရှိ ထောင်ဒဏ်ချမှတ်နိုင်သည့် ပုဒ်မများ၊ သေဒဏ်ကျခံရမည့် ပုဒ်မများ ဖြစ်သော ကြောင့် အာမခံ ရရှိရန် မလွယ်ကူသော်လည်း Mr. John Fredric Todoroki ကို ဇူလိုင်လ ၂၄ ရက်က ကျန်းမာရေး ကောင်းမွန်ခြင်း မရှိသဖြင့် ရာဇဝတ်ကျင့်ထုံး ဥပဒေ ပုဒ်မ ၄၉၂(၁) ခြွင်းချက်အရ မြင်းခြံခရိုင် တရားရုံးက ကျပ်သိန်း ၃၀၀၀ တန် အာမခံ ပေးခဲ့သည်။

အဆိုပါကဲ့သို့ ကျန်းမာရေး အာမခံပေးခဲ့သည်ကို ပယ်ဖျက်ပေးရန် အတွက် မန္တလေးတိုင်း ဒေသကြီး ဥပဒေအရာရှိက တိုင်း တရားလွှတ်တော်သို့ သြဂုတ်လ အတွင်း လျှောက်ထားခဲ့ခြင်းကြောင့် အမှုတွဲအား တိုင်းတရားလွှတ်တော်သို့ ပေးပို့ခဲ့ရ သဖြင့် အမှုစစ်ဆေးမှုများကို ဆိုင်းငံ့ထားရခြင်းဟု သိရသည်။

ဒေါ်တင်သန်း က “ဒီနေ့ ရုံးချိန်းအပါအဝင် ရုံးချိန်းပေါင်းက ၁၈ ချိန်း ရှိသွားပါပြီ။ တိုင်းတရား လွှတ်တော်က အမှုတွဲတောင်း လို့ ကျမတို့က အမှုတွဲ ပေးပို့ထားပြီးတော့ အမှုတွဲ ပြန်မရောက်သေးတဲ့ အတွက် လောလောဆယ်ကတော့ ရက်ချိန်း ပေး နေရဦးမှာပါ” ဟု ဆက်လက် ပြောဆိုသည်။

ယနေ့ ရုံးချိန်းတွင်လည်း ကိုရှိန်းလတ်၊ မရွှန်းလဲ့မြတ်နိုး တို့ကိုသာ ရုံးထုတ်ခဲ့ပြီး အမေရိကန်နိုင်ငံသား Mr. John Fredric Todoroki သည် ဆေးဝါးကုသမှုများခံနေရသဖြင့် ရုံးချိန်းသို့ လာရောက်နိုင်ခြင်း မရှိခဲ့ပေ။

ဒေါ်တင်သန်းက “ဒီနေ့ ရုံးချိန်းမှာ မစ္စတာဂျွန်က ခွင့်တင်လာပါတယ်။ ရန်ကုန်မှာရှိတဲ့ အာရှတော်ဝင် အထူးကုဆေးရုံမှာ ဆေးဝါးကုသမှု ခံယူနေရတယ် ဆိုပြီးတော့ သူ့ရှေ့နေက ခွင့်တင်လာပါတယ်။ သူ့ရှေ့နေ ရှိတဲ့အတွက် ကျမတို့က လာမယ့် ဒီဇင်ဘာလ ၂ ရက်ကို ရုံးချိန်း ပေးလိုက်ပါတယ်” ဟု ဆိုသည်။

မြို့သာ စက်မှုဥယျာဉ်အတွင်း ဆေးခြောက်စိုက်ပျိုးသည် ဟုဆိုကာ မစ္စတာဂျွန် အပါအဝင် အမေရိကန်အခြေ စိုက် IIIM  ကုမ္ပဏီ တာဝန်ရှိသူ အခြား အမေရိကန်နိုင်ငံသား ၅ ဦးကိုလည်း အမှုဖွင့်ထားပြီး ၎င်းတို့၏ မျက်ကွယ်တွင် အမှုကို စစ်ဆေးခဲ့ကာ၊ တရားလိုပြသက်သေ ၂၉ ဦး တင်သွင်းထားပြီး ရုံးချိန်း ၁၂ ချိန်း အထိ မြင်းခြံခရိုင် တရားရုံး၌ တရား လိုနှင့် တရားလိုပြ သက်သေများအား စစ်ဆေးခဲ့ခြင်း ဖြစ်သည်။

အဆိုပါ ဆေးခြောက်လျှော် (Hemp) စိုက်ခင်းနှင့် ပတ်သက်၍  စိုက်ပျိုးသူ Mr. John Fredric Todoroki၊ ကိုရှိန်းလတ်၊ မရွှန်းလဲ့မြတ်နိုးတို့ကို ယခုနှစ် ဧပြီ၂၃ ရက်က ဖမ်းဆီးခဲ့ခြင်း ဖြစ်သည်။

ထို့နောက် ၎င်းတို့ ၃ ဦးကို မူးယစ်ရဲတပ်ဖွဲ့မှ တရားလို ပြုလုပ်၍  မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဥပဒေ ပုဒ်မ ၁၆(က)၊  ၁၉(က)(ခ)၊ ၂၀(က)(ခ) ၊ ၂၁ စသည့် ပုဒ်မများဖြင့် တရားစွဲဆိုခဲ့ခြင်း ဖြစ်သည်။

အဆိုပါ စိုက်ခင်း ပြုလုပ်ရန်၂၀၁၈ ခုနှစ် မေလက စိုက်ခင်း ဧက ၆၀ ခန့်အား အမေရိကန် နိုင်ငံသား John Fredric၊ Thomas နှင့် Alexandra Skemp တို့ ၃ ဦးက သဘာဝ ဆေးဘက်ဝင် လျှော်ပင် (Hemp) စိုက်ပျိုးရန်အတွက် တိုင်းအစိုးရ အဖွဲ့၏ တရားဝင် ခွင့်ပြုချက်ဖြင့် Mandalay Myotha Industrial Development Public Co,Ltd (MMID) ထံမှ ငှားရမ်း လုပ်ကိုင်ခဲ့ခြင်းဟု ဖြေရှင်းထားသည်။

မြန်မာနိုင်ငံသည် ဆေးခြောက် စိုက်ပျိုးခွင့်ကို တရားဥပဒေ အရ ခွင့်ပြုထားခြင်း မရှိကြောင်း၊ ဆေးခြောက်မှာ မူးယစ်ဆေး ဝါး အမျိုးအစားတွင် ပါဝင်နေသဖြင့် မြို့သာစက်မှု ဥယျာဉ်မြို့တော် အတွင်းရှိ ဆေးခြောက် စိုက်ခင်းအား ဖျက်သိမ်းသွား မည်ဟု မန္တလေးတိုင်းဒေသကြီး ဝန်ကြီးချုပ် ဒေါက်တာ ဇော်မြင့်မောင်က မေလ ၃ ရက်တွင် မီဒီယာများကို ဖြေကြားထား သော်လည်း အဆိုပါ စိုက်ခင်းအား လက်ရှိအချိန်ထိ ဖျက်သိမ်းမှု မပြုလုပ်သေးဟု ဒေသခံများထံက သိရသည်။

You may also like these stories:

မြို့သာ ဆေးခြောက်စိုက်ခင်းအမှု တရားလိုပြသက်သေ စစ်ဆေး

ဆေးခြောက်လျှော်ပင် တရားဝင်စိုက်ခွင့်ရရေး လွှတ်တော်အဆိုတင်မည်

The post မြို့သာဆေးခြောက်စိုက်ခင်းအမှု ချေဖျက်ပေးရန် လျှောက်ထားချက် တိုင်းတရားလွှတ်တော်လက်ခံ appeared first on ဧရာဝတီ.

Wisdom Hill ကျောင်း ကြီးကြပ်ရေးမှူး ဒေါ်ဥမ္မာလှိုင်က ရှေ့နေ ဒေါ်စုဒါလီအောင် ကို တရားစွဲဆို ထားသည့် အမှုတွင် သက်သေ အဖြစ် ပါဝင်နေသူ Wisdom Hill မူကြိုကျောင်းမှ ဆရာမနှင့် ကျောင်းဝန်ထမ်း တို့ကို ယနေ့ နေပြည်တော်၊ ပုဗ္ပသီရိမြို့နယ်တရားရုံး ၌ စစ်ဆေးရာတွင် ထွက်ဆိုချက်များ ကွဲလွဲမှု ရှိနေသည်ဟု သိရသည်။ 

ဒေါ်ဥမ္မာလှိုင်သည် ရှေ့နေ ဒေါ်စုဒါလီအောင်ကို ကလေးသူငယ် အခွင့်အရေး ဥပဒေပုဒ် ၁၀၁ ဖြင့် တရားစွဲဆိုထားခြင်း ဖြစ်ပြီး ယနေ့ ပြုလုပ်သည့် ၄ ကြိမ်မြောက် ရုံးချိန်တွင် တရားလိုပြ သက်သေ ဖြစ်သည့် Wisdom Hill ကျောင်းမှ ဆရာမ ဒေါ်ညိုညိုအောင် နှင့် ကျောင်းဝန်ထမ်း ဒေါ်သီသီအောင် တို့ကို အစိုးရ ဥပဒေ အရာရှိ ဒေါ်နှင်းအိဖြူက စတင် စစ်ဆေးခဲ့သည်။

ထိုသို့ စစ်ဆေးရာတွင် ရှေ့နေ ဒေါ်စုဒါလီ အောင်မှ ဒက္ခိဏ ခရိုင် တရားရုံးရှေ့၌ တရားခွင်စစ်ဆေးမှု အခြေအနေကို ဘီဘီစီ သတင်းဌာနက မေးမြန်းသဖြင့် ဖြေကြားသည့် ဗီဒီယိုဖိုင်ကို ဖေ့စ်ဘုတ်ပေါ်တွင် တွေ့ရကြောင်း၊ ထို့ကြောင့် သြဂုတ် လ ၁၄ ရက်နေ့ ည ၉ နာရီခန့်တွင် ဒေါ်ဥမ္မာလှိုင်ထံသို့ ဖုန်းဆက် ပြောပြခဲ့ကြောင်း ဒေါ်ညိုညိုအောင်က ထွက်ဆိုခဲ့သည်။

ဆက်လက်၍ ယင်းသို့ ဒေါ်စုဒါလီအောင်၏ ဖြေကြားချက်များကို ဆရာမ ဒေါ်ဥမ္မာလှိုင်ထံ ဖုန်းဆက်၍ ပြောပြရာတွင် ဒေါ် ဥမ္မာလှိုင် က “တီချယ်လည်း တရားရုံးကို မသွားတော့ မသိဘူး သမီး”  ဟု ပြန်ပြောခဲ့ကြောင်း လိုပြသက်သေဖြစ်သူ ဆရာမ ဒေါ်ညိုညိုအောင် က ရုံးတော်သို့ ထွက်ဆိုခဲ့သည်။ 

ထို ထွက်ဆိုချက်ကို ရှေ့နေ ဒေါ်စုဒါလီအောင်က အပြန်အလှန် မေးခွန်းမေးရာတွင် ထိုနေ့က ဒေါ်စုဒါလီအောင် အင်တာဗျူး ကိစ္စကို ဒေါ်ဥမ္မာလှိုင်အား ဗီဒီယိုဖိုင် ကိစ္စနှင့်ပတ်သက်၍ ဖုန်းဆက်ခဲ့ခြင်း မရှိကြောင်း၊ ယင်းအမှုတွင် သက်သေ အဖြစ် ထွက်ဆိုပေးပါဟု ပြောသဖြင့် သက်သေအဖြစ် လာရောက်ခဲ့ခြင်း ဖြစ်ကြောင်း ၎င်းက ရုံးတော်သို့ ထပ်မံထွက်ဆိုခဲ့သည်။

တရားစွဲဆိုခံရသူရှေ့နေ ဒေါ်စုဒါလီအောင် သည် ၎င်း ကိုယ်တိုင် တရားလိုပြ သက်သေများကို စစ်ဆေးမေးမြန်း ခဲ့ခြင်းလည်း ဖြစ်သည်။

ရှေ့နေ ဒေါ်စုဒါလီအောင် က “ကျမ အင်တာဗျူးဖြေတဲ့ ကိစ္စကို ဒေါ်ဥမ္မာလှိုင်ကို သူက ဖုန်းဆက်ပြီး တော့မှ Facebook မှာ ကျမနဲ့ ဘီဘီစီ သတင်းထောက် ပါလာတယ်လို့ ပြောတယ်။ ကျမက အပြန်အလှန်မေးတဲ့ အခါမှာ ဒေါ်ဥမ္မာလှိုင်ကို ညီမလေးက ဖုန်းဆက်ပြီးတော့ ဒီအကြောင်းအရာကို ပြောဆိုခဲ့တာ မရှိဘူး။ ဒေါ်ဥမ္မာလှိုင်က အကူအညီ တောင်းလို့သာ သက်သေ အဖြစ် လာပြီး အစစ်ခံတာဆိုတော့ သူက မှန်တယ်လို့ ထွက်တယ်”  ဟု ယနေ့ တရားခွင် စစ်ဆေးမှု အပြီးတွင် သတင်းထောက်များ ကို ပြောသည်။ 

တရားလိုကိုယ်တိုင်ဘက်မှ ပြထားသည့် သက်သေကိုယ်တိုင်၏ ထွက်ဆိုချက်မှာ ယင်းသို့ ကွဲလွဲနေသည်က ကောင်းသည့် အချက်ဟု ယူဆ၍ ရကြောင်း နှင့် ယနေ့ တရားခွင် စစ်ဆေးမှုကို ကျေနပ်မှုရှိကြောင်း ဒေါ်စုဒါလီအောင်က ပြောသည်။ 

ထိုသို့ ကွဲလွဲမှုများရှိနေသည့် အတွက် ဥပဒေ အရာရှိဒေါ်နှင်းအိဖြူ က ရှင်းလင်းစစ်မေးခြင်း အနေဖြင့်  ပြန်လည်မေးမြန်း ရာတွင် ဆရာမ ဒေါ်ညိုညိုအောင် က “ဖုန်းဆက်ခဲ့ခြင်းတော့ မဟုတ်ပါ။ ဒီနေ့ကြည့်ပြီး နောက်နေ့ ကျောင်းမှာ တွေ့တဲ့ အချိန် ဒေါ်ဥမ္မာလှိုင်အား မေးမြန်းခဲ့ခြင်း ဖြစ်ပါတယ်”  ဟု ရုံးတော်သို့ ပြန်လည် ထွက်ဆိုခဲ့သည်။ 

ဒေါ်ဥမ္မာလှိုင်ဘက်မှ လိုက်ပါ ဆောင်ရွက်သည့် တရားလွှတ်တော် ရှေ့နေ ဦးအောင်ရဲစိုး က “ကွဲလွဲမှု အပေါ်မှာတော့ ဟိုဘက်ကလူတွေရဲ့ ဒီအပေါ်မှာ ဘယ်လို သဘောထားလဲ အပေါ်မှာပဲ မူတည်တာပေါ့။ ထိခိုက်မှု ရှိတယ်၊ မရှိဘူး ဆိုတာက အထွေအထူး မရှိပါဘူး”  ဟု တရားခွင် အပြီး သတင်းထောက်များကို ပြောသည်။ 

လာမည့် ၅ ကြိမ်မြောက် ရုံးချိန်းကို ဒီဇင်ဘာ ၂ ရက်နေ့တွင် ပြုလုပ်မည်ဖြစ်ပြီး Wisdom Hill မူကြိုကျောင်း ကြီးကြပ် ရေးမှူးဖြစ်သူ ဒေါ်ဥမ္မာလှိုင်၏ သား ၂ ဦးကို စစ်ဆေးသွားမည် ဖြစ်ကြောင်း ပုဗ္ပသီရိမြို့နယ်တရုံးမှ တရားသူကြီး ဒေါ်သန္တာညွှန့်က တရားခွင် စစ်ဆေးမှုအပြီး ၂ ဖက်ရှေ့နေများကို အသိပေး မှာကြားသည်။ 

ယင်းရုံးချိန်းရက်တွင် သက်သေ ကလေး ၂ ဦး လာခြင်း၊ မလာခြင်းကို အတိအကျပြော၍ မရကြောင်း၊ ကာယကံရှင်၏ ဆုံးဖြတ်ချက် သာ ဖြစ်ကြောင်း၊ တရားလို၏ ဆုံးဖြတ်ပိုင်ခွင့်ဖြစ်သည့် အတွက် ကြိုတင် ပြော၍ မရနိုင်ကြောင်း ဒေါ်ဥမ္မာ လှိုင် ၏ ရှေ့နေဖြစ်သူ ဦးအောင်ရဲစိုးက ဆိုသည်။ 

ဒေါ်ဥမ္မာလှိုင်သည် ဗစ်တိုးရီးယား၏ ဖခင် အပါအဝင် ဖခင်၏ အစ်ကိုနှင့် အစ်မ၊ တရားလိုရှေ့နေ ဒေါ်ရွက်နုအောင်၊ ကို အောင်ကြီး၏ ရှေ့နေ ဦးခင်မောင်ဇော်၊ ယခုအမှုကို လိုက်ပါ ကူညီနေသူ သက္ကမိုးညို (ဒေါက်တာ ဝင်းကိုကိုသိန်း) တို့ကို လည်း နေပြည်တော်၊ ပုဗ္ဗသီရိ မြို့နယ် ပတ္တာ နယ်မြေရဲစခန်း တွင် စက်တင်ဘာ ၂၆ ရက်နေ့က အမှုဖွင့်ထား ကြောင်း ပတ္တာရဲစခန်းမှ သိရသည်။

ဆက်စပ်ဖတ်ရှုရန်

Wisdom Hill ကျောင်း ကြီးကြပ်ရေးမှူး၏ သား ၂ ဦး ၅ ကြိမ်မြောက် ရုံးချိန်းတွင် စစ်ဆေး ခံရမည်

တရားခံအစစ်ကို ဖော်ထုတ်မည့်အတွက် အမှုဖွင့်ခံရဟု ကိုအောင်ကြီး ရှေ့နေပြော

အမှန်တရားကို တရားရုံးတွင် ချပြမည်ဟု Wisdom Hill ကြီးကြပ်ရေးမှူး ဒေါ်ဥမ္မာလှိုင် ပြော

The post Wisdom Hill ကျောင်း ကြီးကြပ်ရေးမှူး စွဲဆိုထားသည့်အမှု တရားလိုသက်သေထွက်ချက်များ ကွဲလွဲနေ appeared first on ဧရာဝတီ.

မြန်မာ့ တပ်မတော် အကြီးအကဲ ဗိုလ်ချုပ်မှူးကြီး မင်းအောင်လှိုင်သည် ထိုင်းနိုင်ငံ၏ ကြည်းတပ်၊ ရေတပ်နှင့် ရဲတပ်ဖွဲ့အတွက် တည်ဆောက်ပေးနေသည့် သင်္ဘောတည်ဆောက်ရေး ကုမ္ပဏီတခုသို့ ပြီးခဲ့သည့် နိုဝင်ဘာ ၁၇ ရက်နေ့ (တနင်္ဂနွေနေ့) က သွားရောက်ခဲ့သည်။

လတ်တလောတွင် တပ်မတော်အကြီးအကဲသည် ကာကွယ်ရေးနှင့် လုံခြုံရေးညီလာခံ ၂၀၁၉ ခုနှစ်နှင့် ASEAN ကာကွယ်ရေး ဝန်ကြီးများအစည်းအဝေး(ADMM-Plus) သို့ တက်ရောက်ရန် ထိုင်းနိုင်ငံ ဘန်ကောက်မြို့သို့ ရောက်ရှိနေသည်။

တပ်မတော် ကာကွယ်ရေး ဦးစီးချုပ်ရုံး၏ ကြေညာချက်အရ ဗိုလ်ချုပ်မှူးကြီးသည် သင်္ဘောတည်ဆောက်ရေး လေ့လာရန် Marsun Public Company Limited သို့ သွားရောက်ခဲ့ပြီး ၎င်းနှင့်အတူ မြန်မာစစ်သံမှူး (ကြည်း၊ရေ၊လေ) ဗိုလ်မှူးချုပ် ခင်ဇော်နှင့် အခြားအရာရှိများလည်း လိုက်ပါသွားသည်။

မြန်မာအရာရှိများသည် အင်ဂျင်နီယာဌာန၊ သင်္ဘောတည်ဆောက်ရေး လုပ်ငန်းခွင်များ၊ ကုမ္ပဏီရုံးချုပ်နှင့် သင်္ဘောကျင်း များသို့ သွားရောက်ခဲ့ကြောင်း သိရသည်။

တရားဝင်အင်တာနက် စာမျက်နှာ၏ အဆိုအရ Marsun သည် ခရီးသည်တင် သင်္ဘော၊ စက်တပ် ရွက်လှေကြီးများ၊ အမြန်သွား ကင်းလှည့် ရေယာဉ်များနှင့် သုတေသန ရေယာဉ်များမှသည် ကမ်းတက်ရေယာဉ်၊ ရေနံဖိတ်စင်မှု ဆယ်ယူရေး ရေယာဉ်နှင့် ဘက်စုံသုံးရေယာဉ်များအထိ စုစုပေါင်း သင်္ဘော ၃၀၉ စင်း တည်ဆောက် ပြီးစီးခဲ့သည်ဟု သိရသည်။

ကုမ္ပဏီ၏ အမှာစာ မှတ်တမ်းများအရ ထိုလုပ်ငန်းသည် တော်ဝင် ထိုင်းကြည်းတပ်အတွက် ကမ်းတက်ရေယာဉ် ၂၄ စင်းနှင့် တော်ဝင်ထိုင်းရေတပ်အတွက် ကမ်းတက်ရေယာဉ်များ၊ ရေနံတင်သင်္ဘောများ၊ ကင်းလှည့်ရေယာဉ်များနှင့် တပ်ဖွဲ့တင် ကမ်းထိုးရေယာဉ်များ အပါအဝင် စုစုပေါင်း ရေယာဉ် ၆၄ စင်း တည်ဆောက်ပေးခဲ့ကြောင်း သိရသည်။

ထိုင်းနိုင်ငံသည် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင် အနေဖြင့် သွားရောက်လည်ပတ်မှု အများဆုံးနိုင်ငံဖြစ်ပြီး ၂၀၁၁ ခုနှစ်နောက်ပိုင်းတွင် ၁၁ ကြိမ်မက သွားရောက်ခဲ့ပြီး ဖြစ်သည်။

မြန်မာ့ တပ်မတော် အကြီးအကဲသည် ထိုင်းနိုင်ငံ ၏ အမြင့်ဆုံး ဂုဏ်ပြုဆု ၂ ခုကိုလည်း ရရှိထားသည်။ ထိုဆုများ အနက် ၁ ခုမှာ မြန်မာနှင့် ထိုင်းတပ်မတော် နှစ်ရပ်အကြား ချစ်ကြည်ရင်းနှီးမှု မြှင့်တင်ခြင်းအတွက် ၂၀၁၃ ခုနှစ်က ရရှိသည့် Knight Grand Cross of the Order of the Crown of Thailand ဖြစ်ကြောင်း နိုင်ငံပိုင် Global New Light of Myanmar က ထိုစဉ်က ဖော်ပြခဲ့သည်။

ယခုနှစ် အစောပိုင်းကလည်း ထိုင်းနိုင်ငံသည် နှစ်နိုင်ငံကြား ရှည်ကြာရင်းနှီးသော ဆက်ဆံရေးအတွက် Knight Grand Cross (First Class) of the Most Exalted Order of the White Elephant ဆုကို ဗိုလ်ချုပ်မှူးကြီး မင်းအောင်လှိုင်အား ဘန်ကောက်တွင် ပေးအပ်ခဲ့ကြောင်း ထိုင်းတော်ဝင် ကြည်းတပ်၏ ကြေညာချက်အရ သိရသည်။

ပြီးခဲ့သည့်မေလကလည်း ဗိုလ်ချုပ်မှူးကြီး မင်းအောင်လှိုင်သည် ယခင် ထိုင်းစစ်တပ် အကြီးအကဲဟောင်းနှင့် ထိုင်းတော်ဝင် မိသားစုများ၏ အနီးကပ် အကြံပေး ဖြစ်သော ဗိုလ်ချုပ်ကြီး ပရမ် တင်ဆူလာနွန်ဒါကို နောက်ဆုံး အရိုအသေပေးရန် ထိုင်း သို့ သွားခဲ့သည်။ ပရမ် တင်ဆူလာနွန်ဒါကို ဗိုလ်ချုပ်မှူးကြီးမင်းအောင်လှိုင်က မွေးစားဖခင်အဖြစ် သတ်မှတ်ထားသည်။

(Nan Lwin ၏ Myanmar Military Chief Visits Thai Military’s Major Shipbuilding Supplier ကို ဆီလျော်အောင် ဘာသာပြန်သည်။)

You may also like these stories:

ပရမ်တင်ဆူလာနွန် သို့မဟုတ် ထိုင်းဘုရင့် နောက်ကွယ်က လူ

မြန်မာစိတ်မွေးပြီး နိုင်ငံကို သစ္စာစောင့်သိရန် ဗိုလ်ချုပ်မှူးကြီး တိုက်တွန်း

မြန်မာရေတပ်သင်္ဘောသစ် ရုရှား ရောက်

The post ထိုင်းရေတပ် သင်္ဘောတည်ဆောက်ရေးလုပ်ငန်းသို့ တပ်ချုပ် သွားရောက်ခဲ့ appeared first on ဧရာဝတီ.

ကမာ္ဘပေါ်တွင် အမေရိကန် အပါအဝင် ကမာ္ဘ့အင်အားကြီး နိုင်ငံများသည် လက်နက် ရောင်းချခြင်းဖြင့် စီးပွားရှာနိုင်၍ မြန်မာနိုင်ငံသည်လည်း တချိန်တွင် လက်နက် ရောင်းချနိုင်ရန် မျှော်လင့်ချက် ရှိကြောင်း တပ်မတော်မှ ပြောရေးဆိုခွင့် ရှိသူ ဗိုလ်မှူးချုပ် ဇော်မင်းထွန်းက ပြောသည်။

ထိုင်းနိုင်ငံတွင် နိုဝင်ဘာလ ၁၇ ရက်မှ ၁၉ ရက် အထိ ပြုလုပ်သည့် Defense and Security 2019 ပြပွဲ၌ မြန်မာနိုင်ငံက ထုတ်လုပ်သည့် လက်နက်ငယ်များ သွားရောက် ပြသရာ ယင်းလက်နက်များကို စိတ်ဝင်စားမှု များပြားလျက် ရှိကြောင်း သိရသည်။

ဗိုလ်မှူးချုပ် ဇော်မင်းထွန်းက “ကျနော်တို့ကလည်း ဒီတိုင်းပြည်ရဲ့ ဝင်ငွေကို တဖက်တလမ်းက ရရှိဖို့၊ တရားဝင် ရရှိဖို့ အစိုးရချင်း၊ တပ်မတော်ချင်း ဝယ်ယူတာမျိုး ရှိရင်တော့ ကျနော်တို့လည်း တရားဝင် လုပ်ထုံးလုပ်နည်းတွေ အတိုင်း ရောင်းချသွားနိုင်မှာ ဖြစ်ပါတယ်” ဟု ပြောသည်။

၎င်းက ဆက်လက်၍ “လက်နက်ငယ်ထဲမှာတော့ ချေမှုန်းရေး ရိုင်ဖယ်တွေ ပြသခဲ့ပါတယ်။ စက်သေနတ်ကလေး ပြသခဲ့ပါတယ်။ ဟန်းဂရမ်းဒစ်ရှ် လောင်ချာ (Grenade Launcher)ပေါ့။ ချေမှုန်းရေး ရိုင်ဖယ်နဲ့ ဗုံးပစ်လောင်ချာနဲ့ တွဲတဲ့ သေနတ်တွေ ပြသခဲ့ပါတယ်။ စနိုက်ပါတွေ၊ လက်ဖြောင့် သေနတ်တွေ ပြသခဲ့ပါတယ်။ ပြီးရင် စိန်ပြောင်းတွေ ပြသခဲ့ပါတယ်” ဟု ဆိုသည်။

ပြသခဲ့သည့် လက်နက်ငယ် MA စီးရီးတွင် MA 1၊ 2၊ 3 ဟူ၍ ရှိရာ MA 1 ကို ခေတ်အလိုက် အဆင့်မြှင့်ပြီး ထုတ်လုပ် ထားသည့် MA 1 ၊ Mark 1 ၊ Mark 2 ကဲ့သို့ အဆင့်မြှင့်ပြီး ထုတ်လုပ်မှုများကို ပြသခဲ့ကြောင်း သိရသည်။

“ပြပွဲရဲ့ အခြေအနေကတော့ မြန်မာက ထုတ်လုပ်တဲ့ လက်နက်တွေကို စိတ်ဝင်စားမှု များကြောင်းနဲ့ လာရောက် ကြည့် ရှုသူများကြောင်းလည်း ကျနော်တို့ သိရပါတယ်” ဟု ဗိုလ်မှူးချုပ် ဇော်မင်းထွန်းက ပြောသည်။

ယခု ပြပွဲသို့ သွားရောက် ပြသရသည့် ရည်ရွယ်ချက်မှာ လက်နက်နှင့် ပတ်သက်သည့် ကိုယ်ပိုင် ထုတ်လုပ်နိုင်သည့် လက်နက် နည်းပညာများ ရှိကြောင်း သိရှိစေလိုခြင်း ဖြစ်ကြောင်း၊ မြန်မာ့တပ်မတော် အနေဖြင့် နိုင်ငံတကာသို့ ပထမဆုံး သွားရောက် ပြသခြင်း ဖြစ်ကြောင်း သိရသည်။

ယခုအခါ တပ်မတော်သည် ဖရီးဂိတ် စစ်သင်္ဘောတချို့ကို ကိုယ်ပိုင်ထုတ်လုပ်လာနိုင်ပြီး ရုရှားနိုင်ငံမှ ရေငုပ်သင်္ဘောတစီး ဝယ်ယူရန် ရှိသည်ဟုလည်း သတင်းများ ထွက်ပေါ်လျက် ရှိသည်။

You may also like these stories:

ထိုင်းရေတပ် သင်္ဘောတည်ဆောက်ရေးလုပ်ငန်းသို့ တပ်ချုပ် သွားရောက်ခဲ့

မြန်မာစိတ်မွေးပြီး နိုင်ငံကို သစ္စာစောင့်သိရန် ဗိုလ်ချုပ်မှူးကြီး တိုက်တွန်း

မြန်မာရေတပ်သင်္ဘောသစ် ရုရှား ရောက်

The post တိုင်းပြည်ဝင်ငွေတိုးရန် လက်နက်များ ရောင်းချပေးနိုင် ဟု တပ်မတော် ပြော appeared first on ဧရာဝတီ.